Yayılması. Qusar (Samur çayı vadisi, Yuxarı Qələnxur kəndi yaxınlığında), Lənkəran (Ələzəpin, Aşağı
və Yuxarı Apu kəndləri), Lerik (Siov kəndi) rayonlarında. Azərbaycandan kənarda – İran.
Bitdiyi yer. Orta dağlıq qurşağa qədər olan sahələrdə çay sahillərinda və dərələr boyunca, enliyarpaqlı meşələrdə, açıqlıq sahələrdə, meşə çətri altında, istisevən, torpağa tələbkər növdür.
Ehtiyatı. Tək-tək və ya kiçik qruplarla bitir.
Çoxalması. Toxumla çoxalır.
Ehtiyatının dəyişilmə səbəbləri. Populyasiyanın azlığı və tutduğu ərazinin kənd təsərrüfatı bitkiləri üçün istifadə olunması.
Becərilməsi. Zaqatala və Lənkəran rayonlarında əsasən yaşıllaşdırmada becərilir.
Qəbul edilmiş qorunma tədbirləri. Hirkan qoruğunda mühafizə olunur.
Zəruri qorunma tədbirləri. İriyarpaq kövrək mürdəşər də daxil olmaqla bir sıra nadir növlərdən ibarət Liana meşələri kompleksini qorumaq üçün Qusar rayonunda Samur çayı deltasında yasaqlıq yaratmaq, becərməyə geniş cəlb etmək, təbiətdə populyasiyasının vəziyyətinə ciddi nəzarət etmək lazımdır.
İstinadlar
Nurəddin Əliyev. Azərbaycanın dərman bitkiləri və fitoterapiya. Bakı, Elm, 1998.
Elşad Qurbanov. Ali bitkilərin sistematikası, Bakı, 2009.
