Rauf Hacılı

Rauf Hacılı (16 yanvar 1972, Sumqayıt) — Azərbaycan şahmatçısı, beynəlxalq usta (1998). Kişilər arasında şahmat üzrə Azərbaycan çempionatının ikiqat qalibi (1992, 1994). Kişilərdən ibarət şahmat üzrə Azərbaycan yığmasının keçmiş üzvü (1992-1999).

Rauf Hacılı
Rauf Hacılı 2023-cü ildə
Ölkə	Azərbaycan
Doğum tarixi	16 yanvar 1972(1972-01-16)(52 yaş)
Doğum yeri	Sumqayıt, Azərbaycan SSR, SSRİ
Titulu	beynəlxalq usta^[d]
Son reytinqi	2.422 (mart 2021)
Maksimal reytinqi	2.470 (iyul 1997)
FİDE nömrəsi	13400053

Karyerası

Rauf Hacılı 16 yanvar 1972-ci ildə Sumqayıt şəhərində anadan olub. "Təhsil" Respublika İdman Mərkəzinin Sumqayıt Şəhər 2 nömrəli Uşaq-Gənclər İdman-Şahmat Məktəbinin yetirməsidir.

1990-cı ildə kişilər arasında keçirilmiş şahmat üzrə Azərbaycan SSR-i çempionatında 12 iştirakçı arasında on ikinci, 1991-ci ildə kişilər arasında keçirilmiş şahmat üzrə Azərbaycan SSR-i çempionatında isə 12 iştirakçı arasında dördüncü olmuşdur.

1992-ci ilin avqustunda Niderlandda baş tutmuş 20 yaşlılar arasında Avropa birinciliyində iştirak edib və altıncı olub. Eyni ildə kişilər arasında keçirilmiş şahmat üzrə ilk Azərbaycan çempionatının qalibi olub. İki il sonra bu uğurunu yenidən təkrarlayıb.

Rauf Hacılı 1992-1999-cu illərdə kişilərdən ibarət şahmat üzrə Azərbaycan yığmasının üzvü olub. O, yığmanın heyətində Şahmat Olimpiadalarının (1994, 1998) və Avropa çempionatlarının (1997, 1999) iştirakçısı olub. 2002-ci ildən aktiv şahmatdan ayrılıb.

1996-cı ildən məşqçiliyə başlayan Rauf Hacılı Azərbaycanda yeni şahmat nəslinin inkişafında yaxından iştirak edib. Onun tələbələri sırasında Vüqar Həşimov, Nicat Məmmədov və Rauf Məmmədov kimi şahmatçılar var.

İstinadlar

1. FIDE Ratings and Statistics (ing.).
2. chessgames.com. 2001.
3. "FIDE rating history: Gadjily, Raouf". OlimpBase. 2023-08-06 tarixində . İstifadə tarixi: 6 avqust 2023.
4. FİDE FIDE Standard Ratings as of 31 March 2021. 2021.
5. "İlk Azərbaycan çempionu 50 yaşında". Sportnet.az. İstifadə tarixi: 2023-08-09.^{[ölü keçid]}
6. "Məşhurları ilə tanınan idman məktəbi". Muallim.edu.az. 2023-08-10 tarixində . İstifadə tarixi: 2023-08-09.
7. "Championship of Azerbaijan- Baku August 1990". Narod.ru. 2023-08-19 tarixində . İstifadə tarixi: 2023-08-20.
8. "Championship of Azerbaijan- Baku 4-23.5.1991". Narod.ru. 2023-08-19 tarixində . İstifadə tarixi: 2023-08-20.
9. "21st European Junior Chess Championship :: Sas Van Gent 1992". Olimpbase.org. 2023-08-10 tarixində . İstifadə tarixi: 2023-08-09.
10. "Шахматисты - Официальный сайт Шахматной федерации Азербайджана". Azerichess.az. 18 Yanvar 2016 tarixində .
11. "Gadjily, Raouf. ALL-TIME PLAYER HISTORY". Olimpbase.org. 2023-08-19 tarixində . İstifadə tarixi: 2023-08-20.

Xarici keçidlər

• Rauf Hacılı Chessbase.com saytında