Ramal Aslanov

Rəmal Əli oğlu Aslanov (1 mart 1992(1992-03-01), Çənlibel, Şəmkir rayonu; daha çox Ramal Aslanov olaraq tanınır; ləqəbi: Lord) — Azərbaycan kikboksçusu. O, kikboksinq üzrə dünya kəmərinin sahibi, 11 qat Azərbaycan, 3 dəfə dünya və Avropa çempionu, "Əməkdar idman ustası", Azərbaycan Kikboksinq Federasiyasının vitze-prezidenti və kapitanı, eləcə də Azərbaycan Prezidenti mükafatçısıdır.

Rəmal Əli oğlu Aslanov
Ümumi məlumatlar
Ləqəbi	Lord
Çəkisi	75 kq
Boyu	174 sm
Vətəndaşlığı	Azərbaycan
Doğum tarixi	1 mart 1992(1992-03-01) (29 yaş)
Doğum yeri	Çənlibel, Şəmkir rayonu, Azərbaycan
Məşqçisi	Hakim Hacıyev
Nəticələri
Döyüş	42
Qələbə	37
Nokautla	13
Məğlubiyyət	5
Döyüş kəməri
Döyüş kəməri	İKBO WAC WMAO FF WCF
Yenilənib	18 iyul 2021
Vikianbarda əlaqəli mediafayllar

Həyatı

Ramal Aslanov 1 mart 1992-ci il tarixində Şəmkir rayonunun Çənlibel kəndində anadan olmuşdur. O, əslən Qərbi Azərbaycanın Göyçə mahalınandır. Aslanovun bir bacısı var. O, orta məktəbdə oxuyarkən həkim olmaq istəmiş, lakin sonra kikboksinqdə çempionluqlar qazandıqca, dərslərdən uzaqlaşmağa başlamışdır. Aslanov 2009-cu ildə orta məktəbi, 2014-cü ildə isə Azərbaycan Dövlət İdman Akademiyasını bitirmişdir. O, 2014–2015 illərdə həqiqi hərbi xidmətini Azərbaycan Daxili İşlər Nazirliyinin Daxili Qoşunlarının idman komandasında keçmişdir.

Karyerası

Kikboksinq

Ramal Aslanov 2004-cü ildə cəmi bir həftə muay tay təlimləri keçmiş, həmin il isə kikboksinq üzrə məşqlərə başlamışdır. Onun ilk və son məşqçisi əməkdar məşqçi Hakim Hacıyev olmuşdur. Ramal Aslanov kikboksinq üzrə həvəskarlar arasında 6 dəfə Azərbaycan çempionu olmuşdur. O, kikboksinq üzrə 11 qat Azərbaycan, 3 dəfə dünya və Avropa çempionudur. Peşəkarlar arasında İKBO, WAC, WMAO, FF, WCF versiyaları üzrə dünya kəmərinin sahibidir.

2015-ci ilin mart ayında Portuqaliyada keçirilən idmanın kikboksinq üzrə Dünya çempionatında Aslanov 1-ci yerə layiq görülmüşdür. O, 2012-ci ildə Almaniyanın Düsseldorf şəhərində keçirilən peşəkarlar arasında kikboksinq üzrə dünya çempionatında raundluq döyüşün 3-cü raundunda rəqibi təslim olmağa məcbur edərək dünya çempionu olmuş, dünya kəmərini Azərbaycana gətirmişdir. Aslanov peşəkarlar arasında 71 və 86 kilolarda Azərbaycan kəmərinin sahibidir. O, 26 mart 2016-cı il tarixində Almaniyanın Koblenz şəhərində peşəkarlar arasında keçirilən WMAO versiyasi üzrə (K-1) yarışda niderlandlı idmançı Mervin Rozendtruik üzərində qələbə qazanaraq Dünya Çempionu olmuşdur. Aslanov 2016-cı ildə finalda Litva idmançısını məğlub edərək Azərbaycan tarixində ilk dəfə dünya Qran-Pri turnirinin qalibi olmuşdur. O, həmin il Çin Xalq Respublikasının paytaxtı Pekin şəhərində keçirilən "The World Faith Fight" seriyasının super-finalında çıxış etmiş, çinli Lin Yinqan üzərində qələbə qazanmışdır. O, 2018-ci ildə ikinci dəfə Qran-Pri turnirinin qalibi olmuşdur. Aslanov 2019-cu ilin oktyabr ayında Bosniya və Herseqovinanın paytaxtı Sarayevo şəhərində keçirilən kikboksinq üzrə dünya çempionatının finalında serbiyalı Miloş Kelyanoviçə qalib gələrək (-75 kq) qızıl medal qazanaraq dünya çempionu olmuşdur. 2021-ci ilin iyul ayında əldə edilən məlumatlara əsasən, Aslanov peşəkar karyerasında 42 rəsmi döyüş keçirmiş, onlardan 13-ü nokautla olmaqla, 37 qələbə qazanmışdır.

Aslanov 2014-cü ildən Azərbaycan Kikboksinq Federasiyası millisinin böyüklərdən ibarət həm həvəskar, həm peşəkarlardan ibarət yığma komandasının kapitanıdır. O, 2021-ci ilin iyulunda Azərbaycan Kikboksinq Federasiyasının vitse-prezidenti vəzifəsinə təyin olunmuşdur. Həmçinin, Aslanov federasiyanın İdarə Heyətinin sədr müavinləri təyin olunmuşdur.

Boks

Aslanov 2018-ci ilin dekabrında "Sədərək" İdman Klubunun adından 75 kq çəki dərəcəsində boks üzrə Azərbaycan çempionatında debüt edərək gümüş medal qazanmışdır. O, çempionatda beş döyüş keçirmiş, üç döyüşü nokautla udmuşdur.

Mükafatları və adları

Ramal Aslanov 2012 və 2019-cu illərdə Azərbaycan Respublikası Gənclər və İdman Nazirliyi tərəfindən cari ilin kikboksinq üzrə ilin ən yaxşı idmançısı seçilmişdir. Azərbaycanda qeyri-Olimpiya idman növlərinin inkişafında xüsusi xidmətlərinə görə Ramal Aslanov 2016-cı ildə Azərbaycan Prezidenti İlham Əliyev tərəfindən fəxri fərman ilə təltif edilmişdir. 2015-ci ildə "İdman ustası fəxri adına", 2017-ci ildə isə "Əməkdar idman ustası" fəxri adına layiq görülmüşdür. 2018-ci ildə Prezident İlham Əliyev tərəfindən Aslanova yeni mənzil təqdim edilmişdir.

İstinadlar

1. Hümmətov, Tahir (27 dekabr 2019). "Azərbaycanda 2019-cu ilin ən yaxşı idmançıları açıqlanıb". Azəri Press Agentliyi (azərb.). 31 iyul 2021 tarixində arxivləşdirilib. İstifadə tarixi: 31 iyul 2021.
2. "Ramal Aslanov rəqibini nokaut etdi". SportLine (azərb.). 18 iyul 2021. 31 iyul 2021 tarixində arxivləşdirilib. İstifadə tarixi: 31 iyul 2021.
3. "Ramal Aslanov Kikboksinq Federasiyasının vitse-prezidenti təyin olundu". Olimpiya Dünyası (azərb.). 23 iyul 2021. 31 iyul 2021 tarixində arxivləşdirilib. İstifadə tarixi: 31 iyul 2021.
4. "Ramal Aslanov: "Lord" adında restoran görəndə soruşurlar ki, bu obyekt sənindir? - MÜSAHİBƏ". Oxu (azərb.). 31 iyul 2021 tarixində arxivləşdirilib. İstifadə tarixi: 31 iyul 2021.
5. Mədətov, Fuad (29 oktyabr 2012). "Kikboksinq üzrə dünya kəmərinin sahibi Ramal Aslanov" (azərb.). AzNews. 28 fevral 2019 tarixində . İstifadə tarixi: 28 fevral 2019.
6. "İdman nailiyyətlərimiz". Azərbaycan Daxili Qoşunları (azərb.). 4 aprel 2015. 31 iyul 2021 tarixində arxivləşdirilib. İstifadə tarixi: 31 iyul 2021.
7. "Ramal Aslanov: "10 ildir Azərbaycanda öz çəkimdə bir nömrəyəm" - MÜSAHİBƏ". Goal.az (azərb.). 3 dekabr 2016. 31 iyul 2021 tarixində arxivləşdirilib. İstifadə tarixi: 31 iyul 2021.
8. "Üçqat dünya çempionuna vəzifə verildi – federasiyada". APA Sport (azərb.). 31 iyul 2021 tarixində arxivləşdirilib. İstifadə tarixi: 31 iyul 2021.
9. "İdmançımız dünya çempionu oldu". Goal.az (azərb.). 26 mart 2016. 31 iyul 2021 tarixində arxivləşdirilib. İstifadə tarixi: 31 iyul 2021.
10. İlqarqızı, Aygün (23 dekabr 2016). ""Lord" ləqəbli döyüşçü: "Sağ göstərib, sol əllə vurdum"". Yeniçağ (azərb.). 31 iyul 2021 tarixində arxivləşdirilib. İstifadə tarixi: 31 iyul 2021.
11. "Azərbaycanın məşhur idmançısı vitse-prezident təyin olundu - FOTO/ VİDEO". Baku.WS (azərb.). 23 iyul 2021. 31 iyul 2021 tarixində arxivləşdirilib. İstifadə tarixi: 31 iyul 2021.
12. ""Lord" Aslanov ilk dəfə dünya çempionu oldu – VİDEO". Sportinfo (azərb.). 26 oktyabr 2019. 31 iyul 2021 tarixində arxivləşdirilib. İstifadə tarixi: 31 iyul 2021.
13. "Ramal Aslanov Kikboksinq Federasiyasının vitse-prezidenti təyin olundu". Olimpnews.az (azərb.). 23 iyul 2021. 31 iyul 2021 tarixində arxivləşdirilib. İstifadə tarixi: 31 iyul 2021.
14. "Azərbaycan Kikboksinq Federasiyasında yeni təyinatlar". Olimpnews.az (azərb.). 22 iyul 2021. 31 iyul 2021 tarixində arxivləşdirilib. İstifadə tarixi: 31 iyul 2021.
15. Musayev, Səbuhi (5 dekabr 2016). ""Lord" Ramal: Özümü uduzmuş hesab etmirəm" (azərb.). 31 iyul 2021 tarixində arxivləşdirilib. İstifadə tarixi: 31 iyul 2021.
16. "İlin ən yaxşı idmançıları, federasiyaları, klubları, KİV-ləri və idman jurnalistləri mükafatlandırılmışlar". Azərbaycan Respublikası Milli Olimpiya Komitəsi (azərb.). 25 dekabr 2012. 31 iyul 2021 tarixində arxivləşdirilib. İstifadə tarixi: 31 iyul 2021.
17. "Gənclər və İdman Nazirliyi 2012-ci ilin ən yaxşılarını elan edib". Trend İnformasiya Agentliyi (azərb.). 25 dekabr 2012. 31 iyul 2021 tarixində arxivləşdirilib. İstifadə tarixi: 31 iyul 2021.
18. "İlham Əliyev 2016-cı ilin idman yekunlarına həsr olunan mərasimdə iştirak edib". Azərbaycan Respublikası Prezident Administrasiyası (azərb.). 23 dekabr 2016. İstifadə tarixi: 31 iyul 2021.
19. "Azərbaycanın məşhur idmançısı vitse-prezident təyin olundu - VİDEO+FOTO". Sportinfo (azərb.). 26 iyul 2021. 31 iyul 2021 tarixində arxivləşdirilib. İstifadə tarixi: 31 iyul 2021.
20. "Prezidentin mənzil verdiyi məşqçi və idmançıların SİYAHISI". Interposta.info (azərb.). 13 dekabr 2018. 31 iyul 2021 tarixində arxivləşdirilib. İstifadə tarixi: 31 iyul 2021.

Xarici keçidlər

• "Ramal Aslanov və Hakim Hacıyev" (azərb.). 25 yanvar 2016 tarixində .