Qələndər Xaçınçaylı

Qələndər Xaçınçaylı (Əhmədov Qələndər İslam) — azərbaycanlı şair, yazıçı, jurnalist, publisist "Ziyadar", "Vintsas" mükafatları laureatı, "Tərəqqi" medallı, Prezident Təqaüdçüsü, Azərbaycan Yazıçılar Birliyinin (AYB) və Azərbaycan Jurnalistlər Birliyinin (AJB) üzvü .

Qələndər Xaçınçaylı
Əhmədov Qələndər İslam
Jurnalist Qələndər Xaçınçaylı və rəssam Sehran Allahverdi
İlk adı	Qələndər
Təxəllüsü	Xaçınçaylı
Doğum tarixi	15 aprel 1958
Doğum yeri	Qalayçılar kəndi, Ağdam rayonu
Vəfat tarixi	25 avqust 2020 (62 yaşında)
Vəfat yeri	Bakı
Vəfat səbəbi	Koronavirus,
Fəaliyyəti	tədqiqatçı-jurnalist, şair - yazıçı, publisist
Fəaliyyət illəri	1981 - 2020, son iş yeri Həftə içi (qəzet)
Əsərlərinin dili	Azərbaycan dili
İstiqamət	Şeir, Poema, Povest, Publisistika
Janr	Nəzm, Nəsr
Mükafatları	Ziyadar Mükafatı, Vintsas Mükafatı, Tərəqqi medalı, Prezident Təqaüdü.

Həyat və yaradıcılığı

Qələndər Xaçınçaylı (Əhmədov Qələndər İslam) 15 aprel 1958-ci ildə Ağdam rayonu, Qalayçılar kəndində anadan olub. Qələndər Xaçınçaylı — Azərbaycan Yazıçılar Birliyinin (AYB) və Azərbaycan Jurnalistlər Birliyinin (AJB) üzvü, tədqiqatçı-jurnalist, tanınmış şair — yazıçı, publisistdir. 1981-ci ildən mətbuatda müntəzəm olaraq şeir və məqalələrlə çıxış edir. Şeirləri "Ədəbiyyat və incəsənət", "Kommunist", "Bakı", "Savalan", "Azərbaycan pioneri", "Fəryad", "Meydan", "Səs", "Gələcək gün", "Ədalət", "Təzadlar" qəzetlərində, "Azərbaycan", "Ulduz", "Müxbir", "Kənd həyatı", "Göyərçin", "Pioner" jurnallarında ardıcıl olaraq çap edilib.1981-ci ildən, 2020-ci ilə dək mətbuat sahəsində fəaliyyət göstərən yazarın , son iş yeri Həftə içi (qəzet)i olub. Həmçinin, "Gənclik" nəşriyyatının "almanax"larında əsərləri oxuculara təqdim olunub. Onun ilk kitabı "Qarabağın ağlar gözü" (1998) adlanır. Kitabın tərtibçisi, redaktoru və "Gənc şairin ilk kitabı və ilk söz" ön sözünün müəllifi tanınmış ədəbiyyatşünas alim, professor Qurban Bayramov (tənqidçi) olmuş və bu istedadlı gəncə uğur diləmişdir. İndiyənə qədər Qələndərin bir-birinin ardınca "Qarabağa gedən yollar" (2000), "Dünya mənim söz qalamdır" (2004), "Dərd ürəyimdə mamır bağlayıb" (2006), "Qeyrət qalası" (2007), "Yaza tələsən çiçək" (2008), "El ağsaqqalı" — publisistika (2008), "Şərəfli ömür" — (publisistika, 2009), "İkinci ömrümü yaşayıram" (2011), "Gözləmə" (2012), Şahin Qasımovun ömür yolu haqqında "Ömür mənalı keçəndə" (2012) şeir və poemalardan ibarət kitabları nəşr olunmuş, 20 Yanvar, Qarabağ müharibəsi qəhrəmanlarından bəhs edən çox maraqlı "Güllə işığında" povesti Qələndər Xaçınçaylının 60 illik yubileyində oxucularına təqdim olunmuşdur. Son kitabı Zaur Ustacın həyat və yaradıcılığından bəhs edən "Taclı şair" (2020) olmuşdur,. Qələndər Xaçınçaylı 25 avqust 2020-ci ildə koronavirusdan müalicə olunduğu Yeni Klinika Tibb Mərkəzində vəfat emiş və Bakı şəhərində dəfn olunmuşdur.

Mükafatları

• "Ziyadar" Mükafatı.
• "Vintsas" Mükafatı.
• "Tərəqqi" medalı (2015).
• Prezident Təqaüdü (2016–2017).

Xəstəliyi barədə

• Qələndər Xaçınçaylının vəziyyəti necədir.
• Qələndər Xaçınçaylının diqqətə ehtiyacı var.
• Qələndər Xaçınçaylının diqqətə və qayğıya ehtiyacı var.

Ölümü barədə

• Azərbaycanda daha bir jurnalist koronavirusdan vəfat etdi [1].
• Tanınmış jurnalist vəfat edib.
• Şair-publisist, jurnalist Qələndər Xaçınçaylı koronavirusdan vəfat edib.

Xarici keçidlər

• Qələndər Xaçınçaylı [2]
• Qələndər Xaçınçaylı [3]^{[ölü keçid]}
• Qələndər Xaçınçaylı [4]

İstinadlar

1. "Qələndər Xaçınçaylı haqqında" — hafta.az^{[ölü keçid]}
2. "Qələndər Xaçınçaylı" — anl.az
3. "Qələndər Xaçınçaylı" — anl.az
4. "Qələndər Xaçınçaylı koronavirusdan vəfat etdi" — hafta.az^{[ölü keçid]}
5. . 2019-11-23 tarixində orijinalından arxivləşdirilib. İstifadə tarixi: 2020-08-26.
6. "Qələndər Xaçınçaylının vəziyyəti necədir" -adalet.az^{[ölü keçid]}
7. "Qələndər Xaçınçaylının diqqətə ehtiyacı var" -tezadlar.az
8. "Qələndər Xaçınçaylının diqqətə və qayğıya ehtiyacı var" -525.az
9. "Tanınmış jurnalist vəfat edib" tezadlar.az
10. "Qələndər Xaçınçaylı virusdan vəfat edib" -modern.az