Pyotr Jarikov
Pyotr Pavloviç Jarikov (rus. Пётр Павлович Жариков; 26 iyun [8 iyul] 1888, Moskva – 9 yanvar 1969, Bakı) — Azərbaycan-sovet teatr aktyoru və rejissoru, Azərbaycan SSR xalq artisti (1941), Azərbaycan SSR Ali Sovetinin III çağırış deputatı.
Pyotr Jarikov | |
---|---|
rus. Пётр Павлович Жариков | |
Doğum tarixi | |
Doğum yeri | Moskva, Moskva quberniyası, Rusiya İmperiyası |
Vəfat tarixi | (80 yaşında) |
Vəfat yeri | Bakı, Azərbaycan SSR, SSRİ |
Milliyyəti | rus |
Vətəndaşlığı | Rusiya İmperiyası→ SSRİ |
Fəaliyyəti | teatr aktyoru və rejissoru |
Fəaliyyət illəri | 1911–1963 |
Teatr | Azərbaycan Dövlət Rus Dram Teatrı (1928–1963) |
Mükafatları | |
Həyatı
Pyotr Jarikov 26 iyun (8 iyul) 1888-ci ildə Moskvada anadan olmuşdur. 1912-ci ildə Moskva Bədaye Teatrının studiyasını bitirmişdir. O, bu teatrda işləməyə isə hələ 1911-ci ildən başlamışdır. Jarikov 1918-ci ildən Moskva Kamera Teatrında çalışmış, 1920–1927-ci illərdə Saratov, Kazan, Penza, İrkutsk, Samara, Krasnodar və digər şəhərlərin teatrlarında fəaliyyət göstərmişdir. O, 1928–1963-cü illərdə Azərbaycan Dövlət Rus Dram Teatrında çalışmışdır.
Pyotr Jarikov 1921-ci ildən pedaqoji fəaliyyətlə məşğul olmuşdur. Azərbaycan SSR Ali Sovetinin III çağırış deputatı seçilmişdir.
Pyotr Jarikov 9 yanvar 1969-cu ildə Bakıda vəfat etmişdir.
Mükafatları
- "Azərbaycan SSR əməkdar artisti" fəxri adı — 4 dekabr 1938
- "Azərbaycan SSR xalq artisti" fəxri adı — 8 yanvar 1941
- "Qırmızı Əmək Bayrağı" ordeni — 9 iyun 1959
- "Şərəf Nişanı" ordeni
Teatr fəaliyyəti
İfa etdiyi əsas rollar
Tamaşa | Müəllif | Rol |
---|---|---|
Ağıldan bəla | Aleksandr Qriboyedov | Çatski |
Müfəttiş | Nikolay Qoqol | Xlestakov |
Vaqif | Səməd Vurğun | Vidadi |
İstedadlar və pərəstişkarlar | Aleksandr Ostrovski | İrakli Dulebov |
Cehizsiz qız | Aleksandr Ostrovski | Karandışev |
Narahat qocalıq | Leonid Raxmanov | Polejayev |
Qiyam | Dmitri Furmanov | Furmanov |
Dələduz | Aleksandr Afinogenev | Okayomov |
Atalar və oğullar | İvan Turgenev | Vasili Baçarov |
Nikbin faciə | Vsevolod Vişnevski | Zabit |
Şərəf qanunu | Aleksandr Şteyn | Dobrotvorski |
Ağaclar kökləri üstə ölürlər | Alexandro Kasona | Sinyor Balbua |
Feldmarşal Kutuzov | Vladimir Solovyov | Barklay de Tolli |
Əzablı yollarla | Aleksey Tolstoy | Nikolay Smokovnikov |
Domoklun qılıncı | Nazim Hikmət | Hakim |
Merlenin ailəsi | Emil Zolyanın əsəri əsasında | Merle |
Üç bacı | Anton Çexov | Tuzenbax |
Məkr və məhəbbər | Fridrix Şiller | Ferdinand |
Quruluş verdiyi tamaşalar
Tamaşa | Müəllif |
---|---|
İki ağanın nökəri | Karlo Qoldoni |
Düşmənlər | Maksim Qorki |
Qeyri-bərabər döyüş | Viktor Rozov |
İstinadlar
- ↑ АСЕ, 1980, сәһ. 284
- ↑ ТЭ, 1963, стб. 664
- Rəhimli, 2017. səh. 174–175
Ədəbiyyat
- Театральная энциклопедия: [в 6 т.]. Т. 2. Гловацкий — Кетуракис. Москва: Советская энциклопедия. гл. ред.: П. А. Марков. 1963. стб 664. 43 000 экз. (#invisible_char); (#invisible_char); (#invisible_char); (#invisible_char); (#invisible_char); (#invisible_char); (#invisible_char)
- Азәрбајҹан Совет Енсиклопедијасы: [10 ҹилддə]. IV ҹилд: Елдəҝəз – Итабира. Бакы: Азәрбајҹан Совет Енсиклопедијасынын Баш Редаксијасы. Баш редактор: Ҹ. Б. Гулијев. 1980. (#invisible_char); (#invisible_char); (#invisible_char); (#invisible_char); (#invisible_char)
- Rəhimli, İ. (2017). Azərbaycan Teatr Ensiklopediyası (3 cilddə). 2-ci cild. Bakı: Azərnəşr. 392 səh. ISBN 978-9952-8021-9-1.
- "П. П. Жариков". № 8 (14004). Коммунист. 10 јанвар 1969-ҹу ил.