Pərizamanlı
Pərizamanlı — Azərbaycan Respublikasının Gədəbəy rayonunun inzibati ərazi vahidində kənd.
Pərizamanlı | |
---|---|
40°45′38″ şm. e. 45°45′11″ ş. u. | |
Ölkə | Azərbaycan |
Rayon | Gədəbəy rayonu |
Tarixi və coğrafiyası | |
Saat qurşağı | |
anarim.az | |
Tarixi
Kəndin tarixi XIX əsrin əvvəllərindən başlayır. Əslən Tovuz rayonunun Alakol kəndindən olan ailələr bu kəndi salmışlar. XX əsrin 70-ci illərində kənd Tovuz rayonunun inzibati ərazisindən ayrılaraq Gədəbəy rayonuna birləşdirilib. 2005-ci ildən bəri inzibati ərazi dairəsi üzrə nümayəndəlik yaradılıb.
Toponimikası
Pərizamanlı oyk. Gədəbəy r-nunun Qoşabulaq i.ə.v.-də kənd. Şahdağ silsiləsinin ətəyindədir. Yerli əhalinin məlumatına görə, yaşayış məntəqəsini Tovuz r-nunun Alakol kəndindən gəlmiş Pəri adlı qadın və onun əri Zaman saldığı üçün kənd onlarıb adı ilə adlandırılmışdır. Kəndin adını pərizamanlı nəslinin adı ilə bağlayanlar da vardır.
Mədəniyyəti
- Xocalı-Gədəbəy mədəniyyətinə aid edilir.
Coğrafiyası və iqlimi
Yayda kənddə quraq keçən mülayim isti iqlim hakim olur. Orta temperatur yanvarda -2S-dən 10S-dək, iyulda isə 12S-dən 35S-dəkdir. İllik yağıntı 600–900 mm-dir. Yağıntılar müxtəlifdir: yay-yaz aylarında yağış və dolu, qış aylarında isə qar yağır. İlk qar oktyabr-noyabr aylarında yağır, mart ayının sonlarında havalar mülayimləşir. Kərəm bulağı bu kənddə yerləşir. El qəhrəmanı Qaçaq Kərəmin adıyla adlandırılıb. Söylənilənlərə görə, Qaçaq Kərəm bu bulağın başında Pərizamanlı camaatının dəfələrlə qonağı olub.Gözəl havası var. 2018 -ci ildə asfalt yol çəkildi. Kənd sakinləri əsasən maldarlıqla məşğul olurlar
Əhalisi
Əhalisi azərbaycanlılardan ibarətdir. 2009-cu ilin siyahıyaalınmasına əsasən kənddə 691 nəfər əhali yaşayır.
İqtisadiyyatı
Əhalinin əsas məşğuliyyətini kənd təsərrüfatı-əkinçilik, maldarlıq və heyvandarlıq təşkil edir.
Həmçinin bax
Xarici keçidlər
- Azərbaycan Respublikası Gədəbəy Rayon İcra Hakimiyyəti
İstinadlar
- Azərbaycan Toponimlərinin Ensiklopedik Lüğəti. Azərbaycan Milli Elmlər Akademiyası. Nəsimi adına Dilçilik İnstitutu. Şərq-qərb Bakı-2007. səh.427
- Azərbaycan Respublikası Əhalisinin Siyahıyaalınması. Azərbaycan Respublikasının Dövlət Statistika Komitəsi. Bakı-2010. Səh.629