Nəzakət Xəlilova
Nəzakət Xəlilova — Azərbaycanlı samboçu. 2015 Avropa Oyunlarının gümüş medalçısıdır. 2015-ci ildə "Tərəqqi" medalına layiq görülmüşdür.
| Nəzakət Xəlilova | |
|---|---|
| Şəxsi məlumatlar | |
| Tam adı | Nəzakət İbad qızı Xəlilova |
| Vətəndaşlığı | Azərbaycan |
| Doğum tarixi | |
| Doğum yeri | Bakı, Azərbaycan |
| Boyu | 162 sm. |
| Çəkisi | 52 kq. |
| İdman növü | Sambo |
| 18 aprel 2016 tarixində yenilənib. | |
Həyatı
Nəzakət Xəlilova 9 may 1994-cü ildə Azərbaycanın Bakı şəhərində anadan olmuşdur. Nəzakət Xəlilova əslən Laçın rayonundandır.
Karyerası
Nəzakət Xəlilova 2015-ci ildə önəmli yarışlarından birinə Bakı şəhərində qatıldı. O Azərbaycanı I Avropa Oyunlarında təmsil etdi. O birinci görüşdə 1/4 final mərhələsində Rumıniyalı Kodrina İonesku ilə üz-üzə gəldi. Kodrina İonesku ilə qarşılaşmadan Nəzakət Xəlilova 3-1 hesablı qələbə ilə ayrıldı və növbəti 1/2 final mərhələsinə vəsiqə qazandı. Yarım-finalda onun rəqibi Litvalı samboçu idi. Ruta Aksionova ilə görüşdən Nəzakət Xəlilova qələbə ilə ayrıldı. 4-0. Finala vəsiqə qazanan Nəzakət Xəlilovanın bu mərhələdə rəqibi Rusiyalı Anna Xaritonova idi. Güclü Rusiyalı rəqibi ilə qarşılaşmadan Nəzakət Xəlilova 0-4 hesablı məğlubiyyətlə ayrıldı və 2015 Avropa Oyunlarının gümüş medalını qazandı.
Nəzakət Xəlilova 29 iyun 2015-ci ildə 2015 Avropa Oyunlarında qazanılmış yüksək nailiyyətlərə və Azərbaycan idmanının inkişafında böyük xidmətlərinə görə Azərbaycan Respublikasının Prezidenti İlham Əliyevin sərəncamı ilə "Tərəqqi" medalı ilə təltif edilmişdir.
Xarici keçidlər
- Nəzakət XƏLİLOVA - 2015 Avropa Oyunları[ölü keçid]
İstinadlar
- "Laçınlı gənc idmançımızla fəxr edir!". Laçın yurdu (azərb.). Bəxtiyar-4. 2 (17). 2015. (#accessdate_missing_url)