Nəriman Süleymanov
Süleymanov Nəriman Qoca oğlu (1930–1995) – nasir, 1959-cu ildən Azərbaycan Yazıçılar Birliyinin üzvü, Jurnalistlər Birliyinin üzvü (1985), Azərbaycanın Əməkdar mədəniyyət işçisi (1977).
| NƏRİMAN SÜLEYMANOV | |
|---|---|
| Nəriman Qoca oğlu Süleymanov | |
| Doğum tarixi | |
| Doğum yeri | Qərbi Azərbaycan, Körpülü |
| Vəfat tarixi | |
| Mükafatları | |
Həyatı
1930-cu il avqustun 15-də Qərbi Azərbaycanın Körpülü kəndində anadan olmuşdur. Burada orta məktəbi bitirdikdən sonra ADU-nun filologiya fakültəsinin jurnalistika şöbəsini bitirmişdir (1947–1952). Həmin vaxtdan «Pioner» jurnalı redaksiyasında ədəbi işçi, pioner və məktəblilər şöbəsinin müdiri, məsul katib, «Pioner» («Günəş») jurnalının baş redaktoru vəzifəsində çalışmışdır (1977-ci ildən ömrünün sonunadək). Yazıçılar Birliyinin Təftiş komissiyasının müavini seçilmişdir (1991). Moskvada, Leninqradda, Daşkənddə, Düşənbədə və digər şəhərlərdə ədəbiyyat problemlərinə həsr olunmuş müşavirə, simpozium, konfranslarda fəal iştirak etmişdir. Əsərləri keçmiş SSRİ xalqlarının dillərinə tərcümə olunmuşdur. Macarıstan və Yuqoslaviya ölkələrində çıxan uşaq jurnallarında və almanaxlarda hekayələri çap edilmişdir. Ədəbi fəaliyyətə 1956-cı ildə «Azərbaycan pioneri» qəzetində çıxan kiçik bir hekayə ilə başlamışdır. Üç dəfə Azərbaycan Respublikası Ali Soveti Rəyasət Heyətinin Fəxri Fərmanı ilə təltif olunmuşdur.
1995-ci il aprelin 15-də dünyasını dəyişmişdir.
Əsərləri
1. Balaca atlı. B., Uşaqgəncnəşr, 1956, 34 səh., 10.000 nüs.
2. Qaraçı qızı. B., Uşaqgəncnəşr, 1963, 65 səh., 10.000 nüs.
3. Tanışlıq. B., Azərnəşr, 1963, 64 səh., 10.000 nüs.
4. Sovqat. B., Azərnəşr, 1965, 64 səh., 6000 nüs.
5. Novruzgülü. B., Azərnəşr, 1966, 107 səh., 10.000 nüs.
6. Qocalar və uşaqlar. B., Gəncnəşr, 1967, 120 səh., 10.000 nüs.
7. Yetər nənə. B., Gənclik, 1971, 83 səh., 12.500 nüs.
8. Babamın bağı. B., Gənclik, 1974, 56 səh., 14.000 nüs.
9. Göy qurşağı. B., Gənclik, 1975, 163 səh., 10.500 nüs.
10. Tək çiçək. B., Gənclik, 1979, 177 səh., 10.000 nüs.
11. Əsas ürəkdir. B., Gənclik, 1983, 198 səh., 10.000 nüs.
12. Ömrün iki payızı. B., Gənclik, 1986, 200 səh., 30.000 nüs.
13. Tərs külək. B., Yazıçı, 1987, 213 səh., 10.000 nüs.
14. İnsan yaşayır. B., Gənclik, 1989, 260 səh., 15.000 nüs.
15. Ruhlar çağırır. B., Təhsil, 2015, 832 səh., 1000 nüs.
16.Birinci cığır.B., Təhsil,2017,2 səh.,dərslik