Mirələsgər Mirqasımov
Mirələsgər (Mirəli) Mirəsədulla oğlu Mirqasımov (9 fevral 1924, Bakı – 9 noyabr 2003, Bakı) — Azərbaycan heykəltəraşı, Azərbaycan SSR xalq rəssamı (1982).
Mirələsgər Mirqasımov | |
---|---|
Mirələsgər (Mirəli) Mirəsədulla oğlu Mirqasımov | |
Doğum tarixi | |
Doğum yeri | Bakı, Bakı qəzası, Azərbaycan SSR, ZSFSR, SSRİ |
Vəfat tarixi | (79 yaşında) |
Vəfat yeri | Bakı, Azərbaycan |
Milliyyəti | azərbaycanlı |
Vətəndaşlığı | SSRİ→ Azərbaycan |
Fəaliyyəti | heykəltəraş |
Təhsili | İ.Y.Repin adına Leninqrad Boyakarlıq, Heykəltəraşlıq və Memarlıq İnstitutu Ə.Əzimzadə adına Azərbaycan Dövlət Rəssamlıq Məktəbi |
Mükafatları | |
Həyatı
Azərbaycan incəsənətinə ağır itki üz vermişdir. Respublikanın görkəmli heykəltəraşı, Azərbaycan Rəssamlar İttifaqının üzvü, əməkdar incəsənət xadimi, xalq rəssamı Mirələsgər Mirəsədulla oğlu Mirqasımov 2003-cü il noyabrın 9-da ömrünün 80-ci ilində vəfat etmişdir. Mirələsgər Mirqasımov 1924-cü il fevralın 9-da Bakı şəhərində müasir Azərbaycan tibb elminin əsaslarını qoyanlardan biri Mirəsədulla Mirqasımovun ailəsində anadan olmuşdur. Təsviri sənətə olan böyük həvəsi onu Əzim Əzimzadə adına Azərbaycan Dövlət Rəssamlıq Məktəbinə gətirib çıxarmışdır. 1944-cü ildə həmin məktəbi bitirən Mirələsgər Mirqasımov təhsilini İ.Y.Repin adına Leninqrad Boyakarlıq, Heykəltəraşlıq və Memarlıq İnstitutunda davam etdirmiş və 1950-ci ildə orada təhsilini uğurla başa çatdıraraq, ilk ali təhsilli peşəkar Azərbaycan heykəltəraşı olmuşdur. Mirələsgər Mirqasımov mənsub olduğu ailənin gözəl ənənələrindən qaynaqlanan yüksək intellektuallığı və əməksevərliyi, seçdiyi sənətə sonsuz bağlılığı sayəsində heykəltəraş kimi böyük yaradıcılıq yolu keçmiş və onun yarım əsrdən artıq müddət ərzindəki fəaliyyəti Azərbaycanda heykəltəraşlığın inkişafında mühüm rol oynamışdır. Mirələsgər Mirqasımovun monumental plastika sahəsindəki xidmətləri xüsusilə yüksək qiymətə layiqdir. Heykəltəraşın xalqımızın görkəmli oğul və qızlarının mərmərdə, qranitdə və tuncda əbədiləşdirdiyi obrazları küçə və meydanları, böyük sərgi və muzeyləri bəzəyən sənət inciləridir. Bakıda Cəfər Cabbarlının, Naxçıvanda Cəlil Məmmədquluzadənin monumental abidələri, Sumqayıtda Nəriman Nərimanovun büstü incəsənətimizin qızıl fonduna həmişəlik daxil olmuşdur. Heykəltəraşın əsərləri Rusiya, Polşa, Bolqarıstan, Almaniya, Kanada, Misir və başqa ölkələrdə uğurla nümayiş etdirilərək, Azərbaycan heykəltəraşlıq məktəbinə şöhrət qazandırmışdır.
Mükafatları
- "Azərbaycan SSR əməkdar incəsənət xadimi" fəxri adı — 12 aprel 1963
- "Azərbaycan SSR xalq rəssamı" fəxri adı — 1 dekabr 1982
- "Şöhrət" ordeni — 7 oktyabr 1996
Şəxsi
- Azərbaycanlı cərrah, Azərbaycan SSR EA-nın ilk prezidenti Mirəsədulla Mirqasımovun oğludur.
- Kinorejissor Oqtay Mirqasımovun qardaşıdır.
- Aktrisa Ayan Mirqasımovanın əmisidir.
İstinadlar
- Mədəniyyət TV (10.02.2021). "Vernisaj. Xalq rəssamı Mirələsgər Mirqasımov" (azərb.). Youtube.com. İstifadə tarixi: 2021-02-11.
- Respublika təsviri sənət xadimlərinə Azərbaycan SSR fəxri adları verilməsi haqqında Azərbaycan SSR Ali Soveti Rəyasət Heyətinin 1 dekаbr 1982-ci il tarixli Fərmanı — anl.az saytı
- M. M. Mirqasımovun "Şöhrət" ordeni ilə təltif edilməsi haqqında Azərbaycan Respublikası Prezidentinin Fərmanı // Azərbaycan Respublikası Prezidentinin Fərmanları və Sərəncamları.- Bakı, 1996.- № 4.- S.5.
Mənbə
- Cəlil Məmmədquluzadə Ensiklopediyası. Bakı, 2008. səh. 194.
Xarici keçidlər
- "MİRƏLƏSGƏR MİRƏSƏDULLA OĞLU MİRQASIMOV" ( (azərb.)). azertag.az. 2003-10-11. 2017-08-21 tarixində . İstifadə tarixi: 2017-08-21.
- Ziyadxan Əliyev, "Cəfər Cabbarlı dühasına layiq abidə", "Mədəniyyət" qəzeti / Ziyadxan Əliyev (2017-04-22). "Həzi Aslanovun əsgəri olmuş general Azərbaycana necə yaxşılıq etdi?" ( (azərb.)). kulis.lent.az. 2017-06-27 tarixində . İstifadə tarixi: 2017-08-21.
- Elmin Nuri (2013-09-23). "7 tankın, iki infarktın hesabına başa gələn Cəfər Cabbarlı heykəli - LAYİHƏ" ( (azərb.)). modern.az. 2017-08-21 tarixində . İstifadə tarixi: 2017-08-21.
- Heydər Əliyev, Müstəqilliyimiz əbədidir, doqquzuncu kitab, mart, 1997 — may, 1997 Bakı, "Azərnəşr", 2000, səh. 159–160