Lotay Tserinq
Lotay Tserinq (dz. བློ་གྲོས་ཚེ་རིང་; 10 may 1969, Thimphu) — 7 noyabr 2018-ci ildən etibarən Butanın hazırkı Baş naziri və siyasətçi.
| Lotay Tserinq | |||||
|---|---|---|---|---|---|
| dz. བློ་གྲོས་ཚེ་རིང་ | |||||
| |||||
| Sələfi | Tserinq Tobqay | ||||
| |||||
| Sələfi | Tandi Dorci | ||||
| |||||
| Sələfi | Yeşi Zimba | ||||
| Şəxsi məlumatlar | |||||
| Doğum tarixi | |||||
| Doğum yeri | Thimphu, Butan | ||||
| Həyat yoldaşı | Uqyen Dema | ||||
| Uşağı | 3 (2-i qəyyumluğa götürülüb) | ||||
| | |||||
.jpg.html){kind=link}
Həyatı
Tserinq 10 may 1969-cu ildə sadə bir ailədə anadan olub. Thimphu şəhərinin Daluxa kəndində böyüyüb.
İlk təhsilini Punaxa Liseyində almış və Şerubtse Kollecini bitirmişdir. Banqladeşdəki Dakka Universitetinin nəzdindəki Mymensinq Tibb Kollecini bitirmiş və 2001-ci ildə magistr dərəcəsi almışdır. Banqladeşin Dakka şəhərindəki Banqabandu Şeyx Mucib Tibb Universitetində cərrahiyyə ixtisasını bitirmişdir. 2007-ci ildə ABŞ-ın Viskonsin Tibb Kollecində Ümumdünya Səhiyyə Təşkilatının ona verdiyi maddi dəstəyin sayəsində urologiya təhsili aldı. Butana qayıtdıqdan sonra ölkəsində təcrübə keçən yeganə uroloq idi. 2010-cu ildə Sinqapurun Sinqapur Ümumi Xəstəxanasında və Yaponiyanın Okayama Universitetində endourologiya ixtisası üzrə kurs aldı. 2014-cü ildə Avstraliyanın Kanberra Universitetindən magistr dərəcəsi alıb.
Tserinq həkim Uqyen Dema ilə evlidir. Cütlüyün iki qızı var. Monqar Regional Referral Xəstəxanasında işlədiyi müddətdə bir qız və bir oğlan övladlığa götürdü. Tserinq dzonqxa, lotşamxa, benqali və ingilis dili daxil olmaqla bir neçə dildə danışır.
Professor fəaliyyəti
Tserinq CDVMRX və Monqar Regional Referral Xəstəxanasında məsləhətçi cərrah vəzifəsində çalışmış və eyni zamanda 11 il CDVMRX-da uroloq məsləhətçi kimi xidmət etmişdir.
Kral Dövlət Xidməti Komissiyasına təqribən 6.2 milyon nqultrumu ödədikdən sonra 2013-cü ildə siyasətə qoşulmaq CDVMRX-dan ayrıldı.
Siyasi fəaliyyəti
Tserinq 2013-cü il Milli Məclis Seçkilərində iştirak etdi, lakin partiyası ilkin mərhələdə məğlubiyyətə uğradı.
14 may 2018-ci ildə Tserinq 1.155 səs aldı və Milli Məclisə 3-cü çağırışdan cəmi beş ay öncə Butan Birləşmiş Partiyasının Prezidenti seçildi.
Butan Milli Məclisinə 2018 Butan Milli Məclisi seçkilərində Cənubi Thimphu seçki dairəsindən BBP namizədi olaraq seçildi. BBP-ın namizədi Kinli Tseringqi məğlub edərək 3.662 səs aldı. Partiyası 2018-ci il Milli Məclis seçkilərində ən çox yer qazandı və Tserinqi Baş nazirliyə gətirdi, bununla da Butan Birləşmiş Partiyası ilk dəfə hökumətə başçılıq etməyə başladı.
Baş nazir fəaliyyəti
7 noyabr 2018-ci ildə Tserinq Tobqayı əvəzlədi və Butanın 3-cü demokratik yolla seçilən Baş naziri seçildi.
27 dekabr 2018-ci ildə vəzifəyə başladıqdan sonra ilk xarici səfərində Hindistana getdi.
13 aprel 2019-cu ildə Kral adından rəsmi səfərə və daha sonra 24 mart 2021-ci ildə Banqladeşin müstəqilliyinin Qızıl Yubileyini qeyd etmək üçün Banqladeşə getdi.
Kabineti
Tserinq kabinetindəki 10 naziri 3 noyabr 2018 tarixində açıqladı.
Mükafatları
- 1991: Şerubtsedəki akademik fəaliyyətinə görə Ata Uilyam Makki Qızıl Medalı ilə təltif edildi.
- 2005: 14-cü Dalay Lama tərəfindən Unsunq Şəfqət Qəhrəmanı Mükafatına layiq görüldü.
- 2017: Kral Ciqme Xesar Namqyel Vanqçuk tərəfindən "Tsava-Suma fədakar və sədaqətli xidmətinə görə" İldırım Əjdaha Sevgisi Medalı ilə təltif edildi.
- 2018: Kral Ciqme Xesar Namqyel Vanqçuk tərəfindən "Baş nazir təyin edilməsi" üçün Narıncı Ehramla təltif edildi.
- 2020: Kral Ciqme Xesar Namqyel Vanqçuk tərəfindən "Baş nazir olaraq davam edən pandemiya ilə mübarizədəki sarsılmaz səyləri və töhfələri" üçün Bəyaz Ehram ilə təltif edildi. Tserinq keçmiş Baş nazir Daşo Tserinq Tobqaydan sonra 1952–1972-ci illərdə 3-cü Butan Krallı tərəfindən bu mükafat yaradıldığı gündən bu şərfə layiq görülən ikinci şəxsdir.
Həmçinin bax
İstinadlar
- http://www.kuenselonline.com/dr-lotay-tshering-is-the-prime-minister-candidate/
- http://www.kuenselonline.com/dnt-cannot-be-stronger-than-2018s-team/
- https://bhutantimes.com/article/11-things-to-know-about-bhutans-new-prime-minister-dr-lotay-tshering
- http://www.kuenselonline.com/the-persuasive-president/
- https://bhutantimes.com/article/11-things-to-know-about-bhutans-new-prime-minister-dr-lotay-tshering
- https://economictimes.indiatimes.com/news/politics-and-nation/centre-left-dnt-win-may-strengthen-india-bhutan-relations/articleshow/66289584.cms
- http://www.bbs.bt/news/?p=95594
- https://timesofindia.indiatimes.com/world/south-asia/bhutan-chooses-new-party-to-form-government/articleshow/66281779.cms
- http://www.newindianexpress.com/world/2018/nov/08/dr-lotay-tshering-sworn-in-as-bhutans-new-prime-minister-1895467.html
- https://nenow.in/neighbour/maiden-foreign-tour-bhutan-pm-lotay-tshering-arrives-in-india.html
- . 2021-04-16 tarixində orijinalından arxivləşdirilib. İstifadə tarixi: 2021-05-13.
- https://www.bhutantimes.com/article/bhutan-s-newly-elected-prime-minister-lotay-tshering-unveiled-the-10-cabinet-ministers-on-3-november-2018
- http://www.kuenselonline.com/the-persuasive-president/
- https://bhutantimes.com/article/11-things-to-know-about-bhutans-new-prime-minister-dr-lotay-tshering
- http://www.kuenselonline.com/the-persuasive-president/
- http://www.bbs.bt/news/?p=106529
- http://www.bbs.bt/news/?p=140927