Lego Mindstorms NXT

Lego Mindstorms NXT — Lego şikrəti tərəfindən istehsal edilən robot kitidir. Bu kitin hazırlanması və satışında şirkətin əsas məqsədi robototexnikaya yeni başlayanlar üçün ucuz və proqramlaşdırılması rahat mühit formalaşdırmaqdır. Bugünə qədər Lego robotlarının 3 versiyası satışa çıxarılmışdır. İlk dəfə 2006-cı ildə Lego Mindstorms, daha sonra Lego Mindstorms NXT 2.0 və 2013-cü ildə Lego EV3 platforması robototexnika həvəskarlarına təqdim edildi.

Haqqında

Bu kitlərdə toplanan robot hissələri əsasən 4 qismə ayrılır:

• proqramlaşdırma beyni
• aktivatorları
• sensorları
• digər mexaniki dizayn hissələri

Proqramlaşdırma beyni

Lego Mindstorm NXT kitlərinin əsas proqramlaşdırma hissəsi proqramlaşdırma beynidir. Bu beyin giriş portlarından aldığı məlumatları prosesləyərək çıxış motorlarına məlumat göndərir. Fərqli Lego Mindstorms robot kitlərinin fərqli sayda giriş-çıxış portları və texniki imkanları vardır. Ən geniş yayılmış Lego Mindstorms NXT 2.0 kitlərinin proqramlaşdırma beyinlərinin 1 proqramlaşdırma üçün USB, 4 sensor girişi və 3 motor çıxışı portu vardır. Beyinin üzərindəki 4 düymə beyinə yüklənmiş proqram təminatlarını idarə etməyə, işə salmağa-dayandırmağa və s. imkan verir.

Aktivatorlar

Lego Mindstroms NXT kitlərində istifadə edilən aktivator yalnız 3 ədəd motordan ibarətdir.

Sensorlar

Bu robot kitlərində əsas 4 sensor yer alır. Digər sensorlarsa əlavə olaraq sifariş verilə bilir. Kitdə yer alan sensorlan bunlardır:

• Ultrasəs sensoru - ultrasəs dalğaları vasitəsilə məsafəni ölçməyə imkan verir.
• İnfraqırmızı sensor - infraqırmızı işıq dalğaları vasitəsilə məsafəni ölçməyə və 7 əsas rəngi təyin etməyə imkan verir.
• Düymə sensoru - rəqəmsal dəyərlər (0 və 1) qiyməti qaytaran bu sensor toxunan səthlərdə istifadə edilir (maneəni toxunaraq hiss etmək üçün və s.).
• Səs sensoru - həmçini mini-mikrofon da demək olar. Səsli əmrlərlə işləmək üçün istifadə edilir.

Bununla yanaşı aşağıdakı əlavə sensorlar da əlavə olaraq sifariş verilib istifadə edilə bilər:

• Temperatur sensoru
• Təzyiq sensoru
• Günəş paneli
• Rütubət sensoru və s.

Digər mexaniki dizayn hissələri

Lego Mindstorm NXT kitlərinin mexaniki dizayn hissələri bu kitdən istifadə etməklə onlarla fərqli dizaynda robotlar yığmağa və proqramlaşdırmağa imkan verir.

Proqramlaşdırılması

Kitlərin proqramlaşdırılması üçün bir neçə üsuldan istifadə edilir. Məsələn, yeni başlayanlar vizual proqramlaşdırma mühitindən, C mütəxəssisləri RobotC-dən, java mütəxəssiləri leJOS-dan və s. istifadə edirlər.

Vizual Proqramlaşdırma

Lego şirkəti tərəfindən təklif edilən vizual proqramlaşdırma mühiti NXT Software adlanır və satılan Lego Mindstorm kitləri ilə birlikdə müştərilərə təqdim edilir. Bu proqramlaşdırma mühitində heç bir proqramlaşdırma biliyi olmayanlar belə robot proqramlaşdırmasını öyrənə bilərlər.

RobotC

RobotC C kompilyatoru əsasında qurulmuş Lego proqramlaşdırma beyinlərini proqramlaşdırmağa imkan verən mühitdir. Bu dil sintaksına görə C dilinə bənzəsə də robotlarla bağlı bəzi özəlliklərə sahibdir. Bunlara proqramlanabilən yaddaş limiti və s. aid etmək olar.

leJOS

Java istifadəçiləri tərəfindən hazırlanan bu paket standart java mühitində Lego Minstorms NXT kitlərini proqramlaşdırmağa imkan verir. Mövcud hər 3 Lego proqramlaşdırma beyinləri üçün (RCX, NXT və EV3) üçün leJOS proqramlaşdırması mühiti vardır. Bu Legoların obyekt yönlü proqramlaşdırma məntiqi istifadə etməklə proqramlaşdırılmasına imkan verir.

Xarici Keçid

• leJOS - rəsmi web səhifəsi
• Lego Minstroms - web səhifəsi 2006-01-09 at the Wayback Machine
• Qafqaz Universiteti İKT ETM Bloqu 2014-04-18 at the Wayback Machine