Hi Score Girl fəsillərinin siyahısı

"Hi Score Girl" tərəfindən yazılan və çəkilən manqa seriyasıdır. Manqa seriyası 25 oktyabr 2010-cu ildən 25 sentyabr 2018-ci ilə qədər "Square Enix" nəşriyyatının "" jurnalında serializasiya olunmuşdur. İlk tankobon cildi 25 fevral 2012-ci ildə, 10-cu və sonuncu cildi 25 mart 2019-cu ildə buraxılmışdır. Müəllif hüquqları ilə bağlı məsələyə görə 2014-cü ilin avqustundan 2016-cı ilin iyuluna qədər manqa seriyasının serializasiyasında fasilə yaranmış, 25 iyul 2016-cı ildə serializasiya davam etmişdir. Manqanın ilk 5 cildi 25 iyul 2016-cı ildə "Hi Score Girl CONTINUE" adı altında yeni üzlüklərlə yenidən buraxılmışdır. Manqanın fərdi fəsilləri "kredit" adlanır.

25 fevral 2012-ci ildə "Square Enix" nəşriyyatı tərəfindən buraxılmış birinci tankobon cildinin üzlüyü. Personajlar (soldan sağa): Haruo Yaquçi və Akira Ono.

Manqa seriyasında hadisələr 1990-cı illərdə – arkade döyüş oyunlarının populyar olduğu dövrdə baş verir. Haruo Yaquçi dərslərinə fikir verməyən, bütün gününü oyun salonlarında keçirən və döyüş oyunlarında peşəkarlaşmağı qarşısına məqsəd kimi qoyan altıncı sinif şagirdidir. Oyunlardan başqa heç bir şey fikirləşməyən Haruo öz bacarıqları ilə yerli oyun salonlarında müəyyən qədər nüfuza malikdir və oyunlardakı bacarıqları ilə öyünməyi sevir. Lakin bir gün oyunla eyni sinifdə oxuyan, məktəbdə qiymətləri əla olan, varlı bir ailədən gələn Akira Ono onu asanlıqla "Street Fighter II" oyununda məğlub edir. Haruo Akiranı əsas rəqibi kimi görməyə başlayır və onu oyunlarda üstələmək istəyir. Onlar rəqabət edərkən eyni zamanda aralarında romantik münasibətlər də inkişaf etməyə başlayır.

Rensuke Oşikiri tərəfindən yazılan və illüstrasiya olunan "Hi Score Girl DASH" spin-off manqası 25 dekabr 2019-cu ildə "Monthly Big Gangan" jurnalında serializasiya olunmağa başlamışdır. Manqa seriyasında hadisələr 2007-ci ildə baş verir və əsas personajı məktəbdə müəllim kimi işləyən Koharu Hidakadır. Manqanın birinci tankobon cildi 25 mart 2021-ci ildə buraxılmışdır. 25 iyun 2025-ci ilə kimi 7 cildi buraxılmışdır.

"" studiyası tərəfindən istehsal olunan anime serialı adaptasiyasının ilk mövsümü 13 iyuldan 18 sentyabr 2018-ci ilə kimi, ikinci mövsümü 25 oktyabrdan 20 dekabr 2019-cu ilə kimi yayımlanmışdır.

Cild siyahısı

№	Yaponca nəşr tarixi	Yaponca ISBN
1	25 fevral 2012	(Cont.)
1–9-cu fəsillər 1-ci xüsusi fəsil
1991-ci il. Oyunları çox sevən Haruo Yaquçi oyun salonunda "Street Fighter II" oynayarkən Akira Ono adlı müəmmalı bir qız tərəfindən gözlənilməz məğlubiyyətə uğradılır. Tezliklə o, onunla eyni sinifdə oxuyan və varlı bir ailəyə mənsub Akiranın çox güclü və bacarıqlı oyunçu olduğunun fərqinə varır. Haruo Akira ilə tez-tez oyun salonlarında rastlaşmağa başlayır. Yağışlı bir gündə bir mağazada birlikdə "Final Fight" oynayırlar. Akira Haruonun evində "PC Engine" olduğunu öyrənir və xəstə ziyarəti bəhanəsi ilə Haruonun evinə gəlir. Haruo onun "PC Engine"də oyunlar oynamasına icazə verir. Dərslərdən bezən Akira Haruoya qoşulub müəmmalı bir oyun salonunda oyunlar oynayırlar. Haruo onu başqa oyun salonlarına da aparacağını vəd edir. Lakin tezliklə Akiranın ailəsi tərəfindən xaricdə oxumağa göndəriləcəyini öyrənir. Hava limanında ayrılanda Akiraya bir oyunda qazandığı plastik üzüyü hədiyyə edir və Akira ağlayaraq onu qucaqlayır.
2	25 iyun 2012	(Cont.)
10–15-ci fəsillər 2–3-cü xüsusi fəsillər
1993-cü ilin sonları. Haruo oyun salonlarına getməyə davam edir. Haruo ilə eyni məktəbdə oxuyan, oyunlarla arası olmayan Koharu Hidaka onun əyləndiyi görüb qibtə edir. Onlar qarlı havada bir dükana sığınırlar və onlar birlikdə oyun oynayırlar. Haruo Milad şənliyinə getmək yerinə Koharunun ailəsinə məxsus mağazada oyun oynayır. Bunu görən Hidaka da şənliyə getməyib onun necə oynadığını seyr edir və şənliyə apardığı hədiyyəni ona verir. Bayramdan sonra birlikdə "Mortal Kombat" oynamağa gedirlər və Haruo onun istifadə etdiyi oyun texnikalarından təəccüblənib Akiranı xatırlayır. Koharu onun oyunlardan başqa şey düşünmədiyini fikirləşib əsəbləşir, lakin Haruonu unuda bilmir. O, Sevgililər günündə Haruonun evini ziyarət edir, ona oyun jurnalı hədiyyə edir və birlikdə oyun oynayırlar. O, Haruonun ürəyini qazanmaq üçün bir gün döyüş oyunlarını yaxşı oynamağı arzulayır. Koharu oyun salonunda oynayarkən müəmmalı bir qız oyunçu tərəfindən məğlub edilir. Haruo Akiranın Yaponiyaya qayıtdığını düşünür. O, onunla qarşı-qarşıya oynamaq istəsə də, Akira bundan imtina edir və ondan qaçınır.
3	25 dekabr 2012	(Cont.)
16–21-ci fəsillər 4-cü xüsusi fəsil
Haruo məktəbin zalında bir oğlanın Akiraya eşqini etiraf etməsinə şahidlik etsə də, Akira oğlanı rədd edir. Akira Haruonun onu ciddiyə almamasına əsəbləşir, lakin Haruo onun hislərini anlamır. İyunda məktəbin Kiotoya ekskursiyası baş tutur. Haruo müəllimi üçün içki almaq istəyəndə Koharu ilə birlikdə qatarı buraxır. Onlar alternativ yolla Kiotoya çatmağa qərar verirlər və yolda müxtəlif oyun salonlarında birlikdə vaxt keçirirlər. Kioto gəzintisi zamanı Haruonun dostu Miyao Kotaro başa düşür ki, Koharunun Haruodan xoşu gəlir. Haruo gəzintini buraxıb Osakadakı "Street Fighter" turnirinə gəlir və Akiranın da iştirakçılardan biri olduğunu görür. Haruo turnirin finalında Akira ilə qarşılaşır və onu çətinliklə də olsa, məğlub edir. Akira düymələrin nasazlığına görə uduzduğu üçün Haruo tam sevinə bilmir. Onlar yumruqlarını işə salıb dalaşırlar və Haruo onun üçün nə qədər darıxdığını etiraf edir. Haruo növbəti il Akira ilə eyni liseyə – Coran liseyinə daxil olmaq üçün oyunları qırağa atıb dərslərinə hazırlaşmağa qərar verir və bütün semestr oyun salonlarına getmir. İmtahan günü Akira Haruo ilə görüşür və bunu onun üçün etdiyini öyrənib əlindən tutur. Haruo imtahandan keçərsə, əsl hislərini Akiraya etiraf etməyə qərar verir.
4	25 iyun 2013	(Cont.) (MN)
22–27-ci fəsillər 5-6–cı xüsusi fəsillər
1995-ci ilin iyunu. Coran liseyinə düşə bilməyən Haruo evdə oyunlar oynamaqla vaxt keçirir və pul yığmaq üçün işləməyə başlayır. O, uzun müddətdən sonra oyun salonuna getməyə qərar verir, lakin məşq etmədiyi üçün oyunların hamısında Koharuya uduzub dilxor olur. Lakin motivasiyasını itirməyərək məşqlərə başlayır və Akiranı məğlub etmək məqsədindən əl çəkmir. Koharu isə Haruoya yaxınlaşmaq üçün özünü oyunlarda inkişaf etdirməyə davam edir. O, oyun salonunda Haruo ilə oynadıqdan sonra birdən Akira ilə qarşılaşır. Miyao müdaxilə edib vəziyyəti yumşaldır və Akira ilə Koharu birlikdə "" oynayırlar. Koharu ona Haruo haqqında suallar verib Haruonu sevib-sevmədiyini soruşur. Akira həm Haruo ilə münasibətlərin qeyri-müəyyənliyinə görə, həm də sosial həyatının məhdudlaşdırılmasına görə gərgindir. Buna görə də evdən qaçır. Akiranı tapmaq üçün bütün oyun salonlarını gəzən Haruo nəhayət onu tapa bilir. Qayıtmaq üçün pulları olmadıqları üçün gecəni eyni hotel otağında keçirirlər və oyun oynayırlar. Növbəti gün Akiranı evinə yola salır və birlikdə şəkil çəkdirirlər. Koharu öz "PlayStation"ını Haruoya vermək üçün evinə gələndə bu şəkili görüb qısqanır və nəhayət sevgisini Haruoya etiraf edib onu duelə dəvət edir: əgər o qalib gələrsə, Haruo onunla sevgili olmalıdır, məğlub olarsa, ondan həmişəlik əl çəkəcək.
5	25 dekabr 2013	(Cont.) (MN)
28–33-cü fəsillər 7-8–ci xüsusi fəsillər
Haruo Hidakanın etirafı və duel təklifi barədə Miyao ilə müzakirə aparır. Akiranın şəxsi müəllimi Moemi Qoda Haruonun evinə gedib onun Akiradan uzaqlaşmasını tələb edir. Lakin Haruonun anası müdaxilə edərək Akiranın həyatına çox müdaxilə etdiyi bildirir. Moemi Akiranın şəxsi sürücüsünün ona gizlicə oyun konsolu verdiyini kəşf edir və onu şəxsi sürücü işindən uzaqlaşdırır. O, son iş olaraq Akiranı Moeminin xəbəri olmadan Haruonun evinə gətirir. Onlar birlikdə məbəd festivalına gedirlər və oyun salonunda oyunlar oynayıb əylənirlər. Akira bir stenddə qazandığı oyunu Haruoya hədiyyə edir. Bu görüşün onların son görüşü olduğunu düşünüb kədərlənirlər. səhnələrində Akiranın böyük bacısı Makoto Moeminin dərslərindən imtina edib ailənin bütün məsuliyyətini Akiraya yükləyir. Akira intensiv dərslərdən bezib yoldan keçərkən gördüyü oyun salonuna qaçır və "Street Fighter II" oynamağı öyrənir. Bir neçə həftə boyunca salona getməyə davam edən Akira bir gün Haruo ilə qarşılaşır. İndiki zamanda Koharu Haruo ilə qarşılaşmasına hazırlaşmaq üçün güclü qız oyunçulardan olan Nikotama Felisiyanın dəvətini qəbul edib onun güclü oyunçulardan ibarət qrupu ilə məşq etməyə başlayır. Digər tərəfindən Haruo dəyişdiyini və daha yetkin biri olduğunu hiss edir. O, Hokarunun duel təklifini qəbul etdiyini bildirir və oyun salonunda qarşılaşma başlayır.
6	7 iyul 2016
34–40-cı fəsillər
7	25 yanvar 2017
41–45-ci fəsillər
8	24 mart 2018
46–51-ci fəsillər
9	25 iyun 2018
52–57-ci fəsillər
10	25 mart 2019
58–63-cü fəsillər

Hi Score Girl DASH

№	Yaponca nəşr tarixi	Yaponca ISBN
1	25 mart 2021
1–8-ci fəsillər
2	25 sentyabr 2021
9–16-cı fəsillər
3	23 iyun 2022
17–24-cü fəsillər
4	25 mart 2023
25–32-ci fəsillər
5	25 dekabr 2023
33–40-cı fəsillər
6	25 sentyabr 2024
41–48-ci fəsillər
7	25 iyun 2025
49–56-cı fəsillər

Qeydlər

1. 1–5-ci cildlər 25 iyul 2016-cı ildə "Hi Score Girl CONTINUE" adı ilə yenidən buraxılmışdır.
2. "Hi Score Girl CONTINUE" buraxılışlarına daxil edilmiş fəsillər.

İstinadlar

1. "Hi Score Girl Manga Ends on September 25". Anime News Network (ingiliscə). 24 avqust 2018. İstifadə tarixi: 14 iyun 2025.
2. "押切蓮介、地獄のミサワ、長田悠幸らゲーマーがストIIで対決". Comic Natalie (yaponca). 21 fevral 2012. İstifadə tarixi: 14 iyun 2025.
3. "「ハイスコアガール」最終10巻発売、ハルオと大野の物語はエンディングへ". Comic Natalie (yaponca). 25 mart 2019. İstifadə tarixi: 14 iyun 2025.
4. "Rensuke Oshikiri's Hi Score Girl Manga Resumes in July". Anime News Network (ingiliscə). 23 may 2016. İstifadə tarixi: 14 iyun 2025.
5. "新連載「ハイスコアガールDASH」次号BGで開幕！予告には中学教師となった小春の姿". Comic Natalie (yaponca). 25 noyabr 2019. İstifadə tarixi: 14 iyun 2025.
6. "「ハイスコアガール DASH」28歳になった小春が主人公の続編1巻、PVも公開". Comic Natalie (yaponca). 25 mart 2021. İstifadə tarixi: 14 iyun 2025.
7. "【6月25日付】本日発売の単行本リスト". Comic Natalie (yaponca). 24 iyun 2025. İstifadə tarixi: 24 iyun 2025.
8. "【2月25日付】本日発売の単行本リスト". Comic Natalie (yaponca). 25 fevral 2012. İstifadə tarixi: 15 iyun 2025.
9. "【6月25日付】本日発売の単行本リスト". Comic Natalie (yaponca). 25 iyun 2012. İstifadə tarixi: 15 iyun 2025.
10. "【12月25日付】本日発売の単行本リスト". Comic Natalie (yaponca). 25 dekabr 2012. İstifadə tarixi: 15 iyun 2025.
11. "【6月25日付】本日発売の単行本リスト". Comic Natalie (yaponca). 25 iyun 2013. İstifadə tarixi: 15 iyun 2025.
12. "【12月25日付】本日発売の単行本リスト". Comic Natalie (yaponca). 25 dekabr 2013. İstifadə tarixi: 15 iyun 2025.
13. "【7月25日付】本日発売の単行本リスト". Comic Natalie (yaponca). 7 iyul 2016. İstifadə tarixi: 15 iyun 2025.
14. "【1月25日付】本日発売の単行本リスト". Comic Natalie (yaponca). 25 yanvar 2017. İstifadə tarixi: 15 iyun 2025.
15. "【3月25日付】本日発売の単行本リスト". Comic Natalie (yaponca). 24 mart 2018. İstifadə tarixi: 15 iyun 2025.
16. "【3月25日付】本日発売の単行本リスト". Comic Natalie (yaponca). 25 iyun 2018. İstifadə tarixi: 14 iyun 2025.
17. "【3月25日付】本日発売の単行本リスト". Comic Natalie (yaponca). 25 mart 2019. İstifadə tarixi: 14 iyun 2025.
18. "【3月25日付】本日発売の単行本リスト". Comic Natalie (yaponca). 25 mart 2021. İstifadə tarixi: 14 iyun 2025.
19. "【9月25日付】本日発売の単行本リスト". Comic Natalie (yaponca). 25 sentyabr 2021. İstifadə tarixi: 14 iyun 2025.
20. "【6月23日付】本日発売の単行本リスト". Comic Natalie (yaponca). 23 iyun 2022. İstifadə tarixi: 14 iyun 2025.
21. "【3月25日付】本日発売の単行本リスト". Comic Natalie (yaponca). 25 mart 2023. İstifadə tarixi: 14 iyun 2025.
22. "【12月25日付】本日発売の単行本リスト". Comic Natalie (yaponca). 25 dekabr 2023. İstifadə tarixi: 14 iyun 2025.
23. "【9月25日付】本日発売の単行本リスト". Comic Natalie (yaponca). 25 sentyabr 2024. İstifadə tarixi: 14 iyun 2025.