Hi Score Girl

Hi Score Girl, Yaponiyada tanınan adı ilə High Score Girl – Rensuke Oşikiri tərəfindən yazılan və çəkilən manqa seriyası. 2010-cu ilin oktyabrından 2018-ci ilin sentyabrına qədər "Square Enix" nəşriyyatının "" jurnalında serializasiya olunmuşdur. Manqa seriyasında hadisələr 1990-cı illərdə – arkade döyüş oyunlarının populyar olduğu dövrdə baş verir. Hekayə vaxtının çoxunu oyun salonlarında keçirən altıncı sinif şagirdi olan Haruo Yaquçi və döyüş oyunlarında çox güclü olan varlı sinif yoldaşı Akira Ono arasında yaranan romantik münasibətlərdən bəhs edir.

Hi Score Girl
Birinci tankobon cildinin üzlüyü. Personajlar: Haruo Yaquçi (solda) və Akira Ono (sağda).
ハイスコアガール (Hay Sukoa Qaru)
Janr	romantik komediya
Manqa
Manqaka
Nəşriyyat	Square Enix
Jurnal
Demoqrafiya	seynen
Nəşr tarixi	25 oktyabr 2010 – 25 sentyabr 2018
Cildlər	10 (cild siyahısı)
Anime serialı
Rejissor
Ssenarist	Tatsuhiko Urahata
Bəstəkar
Studiya
Lisenziya	Netflix
Kanal	, ,
Yayım tarixi	13 iyul 2018 – 20 dekabr 2019
Seriyalar	21 + 3 OVA
Əlavə məlumat Manqa Hi Score Girl DASH Manqaka Rensuke Oşikiri Nəşriyyat Square Enix Jurnal Monthly Big Gangan Demoqrafiya seynen Nəşr tarixi 25 dekabr 2019 – hazırda Cildlər 7 ((cild siyahısı))

"" studiyası tərəfindən çəkilən anime serialı adaptasiyasının birinci mövsümü 2018-ci ildə, ikinci mövsümü 2019-cu ildə yayımlanmışdır. 2019-cu "Hi Score Girl DASH" adlı spin-off manqası serializasiya olunmağa başlamışdır.

Məzmun

1991-ci ildir. Arkade oyun salonları və 2D döyüş oyunları Yaponiyada çox populyardır. Haruo Yaquçi dərslərinə fikir verməyən, bütün gününü oyun salonlarında keçirən və döyüş oyunlarında peşəkarlaşmağı qarşısına məqsəd kimi qoyan altıncı sinif şagirdidir. Oyunlardan başqa heç bir şey fikirləşməyən Haruo öz bacarıqları ilə yerli oyun salonlarında müəyyən qədər nüfuza malikdir və oyunlardakı bacarıqları ilə öyünməyi sevir. Lakin bir gün oyunla eyni sinifdə oxuyan, məktəbdə qiymətləri əla olan, varlı bir ailədən gələn Akira Ono onu asanlıqla "Street Fighter II" oyununda məğlub edir. Haruo bu gözlənilməz məğlubiyyətdən sonra Akira Ononu əsas rəqibi kimi görməyə başlayır və onu oyunlarda üstələmək istəyir. Onlar öz aralarında rəqabət edərkən eyni zamanda aralarında romantik münasibətlər də inkişaf etməyə başlayır.

Personajlar

Haruo Yaquçi (矢口 春雄, Yaquçi Haruo)

Səsləndirən:

Oyunları həddən çox sevən məktəb şagirdi. O, xüsusilə, döyüş oyunlarını oynamağı sevir. "Street Fighter II" oynayarkən Akira Ono ilə tanış olur və ona məğlub olur. Bundan sonra onu məğlub etməli olduğu əzəli rəqibi kimi görməyə hesab edir. O, oyunları o qədər sevir ki, Ononun və Hidakanın ona qarşı bəslədiyi hislərin fərqində olmur, lakin hekayə davam etdikcə yetkinləşir.

Akira Ono (大野 晶, Ono Akira)

Səsləndirən:

Ono ailəsinin qızı. Akira varlı, populyar, dərslərini yaxşı oxuyan bir şagirddir – Haruonun tam əksidir. Ailəsi onun təhsilinə çox ciddi yanaşdığı üçün Akira oyunları qaçış vasitəsi kimi görür. Haruo ilə tanış olduqdan sonra onunla birlikdə oyunlar oynamağa başlayır və ona bağlanır.

Koharu Hidaka (日高 小春, Hidaka Koharu)

Səsləndirən:

Haruonun məktəb yoldaşlarından biri. Hidaka öz dərslərinə fikir verən, introvert bir qızdır. Əvvəlcə oyunları sevməsə də, Haruo ilə vaxt keçirməyə başladıqdan sonra oyunlara bağlanır. Onun Haruoya qarşı hisləri var və onun sevgisini qazanmaq üçün Ono ilə mübarizə aparır, lakin onların münasibətində artıq adam olduğunu bilir.

İstehsal

Rensuke Oşikirinin sözlərinə görə uşaqlıqda "Street Fighter II" oynamaq üçün oyun salonlarına gedirdi. Bu səbəbdən bu oyun manqanın hekayəsində vacib yer tutur.

Anime

Anime serialı adaptasiyası 2013-cü ilin dekabrında anons edilsə də, 2014-cü ildə müəlliflik hüquqları ilə bağlı yaşanan mübahisə səbəbilə anime ləğv olunmuşdur. Mübahisə həll olunduqdan sonra anime serialı üzərində iş yenidən başlamışdır. Əvvəlcə animenin 2D formatında hazırlanması planlaşdırılmışdı, çünki 2013-cü ildə 3D üçün texniki imkanlar zəif idi. Studiya qarşı qarşıya oturan oyunçuların pis görsənməməsi, oyun salonlarının və oyun görüntülərinin həqiqi görünməsi üçün əvvəlcə oyun salonlarının, daha sonra personajların 3D-CGI ilə çəkilməsinə qərar vermişdir. Manqa müəllifi Oşikiri animenin 3D-CGI ilə çəkiləcəyini eşidəndə təəccüblənmiş, animenin "necə görünəcəyini ağlında canlandıra bilməmiş" və adaptasiyasının pis olacağından narahat olmuşdur. Animedəki CGI səhnələrini çəkmək üçün "" studiyasına müraciət etmişdirlər, çünki onların "" animesindəki işini bəyənmişdirlər. Onlar əvvəlcə nümunə kimi tanıdıcı video hazırlamış, işləri bəyənildikdən sonra bu iş onlara tapşırılmışdır. İstehsal prosesi 2017-ci ilin payızında başlamışdır. Komanda 1990-cı illərin atmosferini və personajların emosiyalarını əks etdirməyə çalışmış, üz ifadə sistemindən istifadə etmişdir. Matsukura animedəki hər oyun salonunu fərdi xarakteristika ilə təsvir etməyə çalışmışdır.

"Final Fight" və "Street Fighter II" oyunları üçün musiqi bəstələmiş anime adaptasiyasının bəstəkarı olmuşdur.

Prodüser Şinya Tsuruoka bir müsahibəsində qeyd etmişdir ki, "oyunlardan real görüntülər olmadan animeni çəkmək mənasız idi". O, istehsal prosesindən öncə hər bir oyun şirkətindən icazə almaq üçün müqavilələr imzalamışdır. İstehsalçı heyət oyun salonlarının ölçüləri haqqında dəqiq məlumatlar əldə etmək üçün ölkə daxilində araşdırma aparmışdır, çünki bu haqda sənədləşdirilmiş məlumatlar tapa bilməmişdirlər. Proses zamanı oyun araşdırmaçısı Keniçi İşiquronun köməyindən yararlanmışdırlar. Animasiya prodüseri Yuci Matsukuranın sözlərinə görə anime üçün oyunların ekran görüntülərini almaq üçün müxtəlif üsulları dəfələrlə yoxlamışdırlar. Bu səbəbdən animenin formatını dəyişməli olublar. Çünki videoların həcmi standart həcmdən 2 dəfə çox idi. Animelər 24fps ilə çəkilsə də, oyun görüntülərinin yaxşı görsənməsi üçün əvvəlcə 30fps formatı yoxlanmış, sonda isə animenin 60fps ilə çəkilməsinə qərar vermişdirlər. Animedəki oyun səhnələrini çəkmək üçün "Mikado" oyun mərkəzindən olan peşəkar oyunçuların köməyindən yararlanmışdırlar. Matsukuraya görə birinci seriyada "Final Fight" oyunundakı mükəmməl xallıq oyun görüntüsünü əldə etmək ən çətin iş idi. Tsuruokanın sözlərinə görə isə "" oyunundakı bombaları oyuna əlavə etmək üçün çətinlik çəkmişdirlər. Manqa müəllifi Oşikiri də bu prosesdə iştirak etmişdir: o, "" oyununun görüntüsünü çəkmək üçün Fobos adlı personajı oynamışdır.

Oşikiri bir müsahibəsində qeyd etmişdir ki, anime adaptasiyasının birinci mövsümünü o qədər bəyənmişdir ki, animeni "40 dəfə izləmişdir". Anime adaptasiyasının istehsalı başlayanda manqa seriyasının təkcə 6 cildi çıxdığı üçün əvvəlcə bir mövsümdən ibarət olması və təkcə ilk 4 cildi adaptasiya etməsi planlaşdırılmışdı. Lakin Tsuruoka Koharunun hekayəsini yarımçıq qoymaq istəmədiyi üçün 5-ci və 6-cı cildləri də adaptasiya etmək qərarına gəlmişdir. Belə olan halda hekayə 12 seriyaya sıxışmayacağı üçün 13–15-ci seriyalar OVA kimi hazırlanmışdır. Tsuruoka manqa seriyasının 10-cu cilddən sonra bitəcəyini öyrənəndə və finalın konsepsiyasından xəbərdar olduqdan sonra ikinci mövsümü çəkmək istəmiş və bunu Matsukuraya bildirmişdir. İkinci mövsümün ssenarisi və hekayə lövhəsi birinci seriyadan başlayaraq yox, sonuncu seriyadan başlayaraq birinci seriyaya doğru ardıcıllıqla hazırlanmışdır.

Akira Ono seriya boyunca danışmayan bir personaj olduğu üçün istehsalçı heyət yeni və saf bir səsə malik seçməyə qərar vermişdir. Suzuşiro qeyd etmişdir ki, personajının heç bir replikası olmadığı üçün narahat idi və personajı sadəcə nəfəs səsləri ilə necə ifadə edə biləcəyini düşünürdü. Haruonun dialoqları çox olduğu üçün ağır dialoqların öhdəsindən gələ biləcək aktyor axtarırdılar. Əvvəlcə Haruonu səsləndirməsi üçün qadın seyyu fikirləşsələr də, oğlanların həmin yaşdakı sadəlövhlüyünü əks etdirmək üçün kişi seyyu axtarmağa qərar vermişdirlər. Dinləmələr zamanı Oşikiri aktyorların səsinə görə Haruonun üzünü çəkməyə və Haruo üçün ən uyğun səsi tapmağa çalışırdı. O, səsini eşidəndə onun Haruo üçün ən uyğun səs aktyoru olduğunu düşünmüşdür. Koharu üçün isə təbii səsə malik bir aktrisa axtardıqları üçün seçmişdirlər.

Media

Manqa

Manqa seriyası Rensuke Oşikiri tərəfindən yazılmış və illüstrasiya olunmuşdur. 25 oktyabr 2010-cu ildən 25 sentyabr 2018-ci ilə qədər "Square Enix" nəşriyyatının "" jurnalında serializasiya olunmuşdur. Manqa seriyasının 10 tankobon cildi buraxılmışdır. Birinci cild 25 fevral 2012-ci ildə, sonuncu cildi 25 mart 2019-cu ildə buraxılmışdır. 6 iyun 2013-cü ildə manqanın 4-cü cildi ilə birlikdə rəsmi fanat kitabı nəşr olunmuşdur. 25 aprel 2019-cu ildə rəsmi fanat kitabı "Kajimest Continue" buraxılmış və fanat kitabına 24 səhifəlik bonus manqa daxil edilmişdir. 24 oktyabr 2020-ci ildə "Monthly Big Gangan" jurnalında manqa üçün xüsusi van-şot fəsil nəşr olunmuşdur.

Müəllif hüquqları ilə bağlı məsələyə görə 2014-cü ilin avqustundan 2016-cı ilin iyuluna qədər manqa seriyasının serializasiyasında fasilə yaranmışdır. Məsələnin həllindən sonra 25 iyul 2016-cı ildə manqanın serializasiyası davam etmişdir. 2014-cü ildə manqanın ilk beş cildi satışdan yığışdırılsa da, 2016-cı ildə "Hi Score Girl Continue" adı altında yeni üzlüklərlə yenidən buraxılmışdır. Bu buraxılışa 16 səhifəlik van-şot manqa da daxildir.

Rensuke Oşikiri tərəfindən yazılan və illüstrasiya olunan "Hi Score Girl DASH" adlı spin-off manqası 25 dekabr 2019-cu ildə "Monthly Big Gangan" jurnalında serializasiya olunmağa başlamışdır. Manqa seriyasında hadisələr 2007-ci ildə baş verir və əsas personajı məktəbdə müəllim kimi işləyən Koharu Hidakadır. Manqanın birinci tankobon cildi 25 mart 2021-ci ildə buraxılmışdır.

Anime

Anime serialının loqosu.

25 dekabr 2023-cw ildə "Monthly Big Gangan" jurnalının 1-ci buraxılışında manqa seriyasının anime serialı adaptasiyası anons edilmişdir. "" və "SMDE" studiyaları tərəfindən çəkilən anime serialının rejissoru , ssenaristi Tatsuhiko Uehara, personaj dizayneri Mitsuru Kuvabata, bəstəkarı . Birinci mövsüm 13 iyuldan 28 sentyabr 2018-ci ilə qədər və digər kanallar vasitəsilə yayımlanmışdır. Açılış mahnısı "" qrupu tərəfindən ifa olunan "New Stranger" mahnısı, bağlanış mahnısı tərəfindən ifa olunan "Hōkago Distraction" mahnısıdır. Anime 24 dekabr 2018-ci ildə "Netflix" tərəfindən yayımlanmışdır.

28 sentyabr 2018-ci ildə animenin birinci mövsümünün davam seriyaları kimi nəzərdə tutulmuş 3 OVA seriyasının buraxılacağı açıqlanmışdır. OVA seriyaları "Hi Score Girl: Extra Stage" adı ilə 20 mart 2019-cu ildə buraxılmışdır. OVA buraxılışına Oşikiri tərəfindən hazırlanmış 8 səhifəlik xüsusi manqa fəsili daxil edilmişdir. OVA seriyaları 4 oktyabrdan 18 oktyabr 2019-cu ilə qədər televiziya vasitəsilə yayımlanmışdır.

Doqquz seriyadan ibarət olan ikinci mövsüm 21 mart 2019-cu ildə anons edilmişdir. İkinci mövsüm 25 oktyabrdan 20 dekabr 2019-cu ilə qədər yayımlanmışdır. İkinci mövsümün açılış mahnısı "sora tob sakana" qrupu tərəfindən ifa olunan "Flash" mahnısı, bağlanış mahnısı Etsuko Yakuşimaru tərəfindən ifa olunan "Unknown World Map" mahnısıdır. İkinci mövsüm 9 aprel 2020-ci ildə "Netflix" tərəfindən yayımlanmışdır.

Radio verilişi

"Hi Score Girl Doujo" adlı radio verilişi 18 dekabr 2018-ci ildə yayımlanmağa başlamışdır. Sonuncu – 8-ci seriya 4 oktyabr 2019-cu ildə buraxılmışdır. Verilişin aparıcısı anime serialında Haruonu səsləndirən Kohey Amasakidir.

Qəbul

Manqa seriyası 2012-ci ildə "" jurnalı tərəfindən təqdim olunan Bros. Komiks Mükafatının qalibi olmuşdur.

Qeydlər

1. yaponca: ハイスコアガール, Hepbörn: Hay Sukoa Qaru, hərf. "Yüksək xallı qız"
2. hərf. "Yeni yad"
3. yaponca: 放課後ディストラクション, Hepbörn: Hokaqo Disutorakuşon, hərf. "Məktəbdən sonra diqqətin dağılması"
4. yaponca: アンノウン・ワールドマップ, Hepbörn: Announ Vodo Mappu, hərf. "Bilinməyən dünya xəritəsi"
5. yaponca: ハイスコアガール道場, Hepbörn: Hay Sukoa Qaru Doco, hərf. "Yüksək xallı qız docosu"
6. Ümumilikdə 9 seriyadır. İlk seriya 0-cı seriya kimi yayımlanmışdır.

İstinadlar

1. "Creator Rensuke Oshikiri Says He's Working on a 'New' Hi Score Girl Project". Anime News Network (ingiliscə). 4 oktyabr 2019. İstifadə tarixi: 13 iyun 2025.
2. "押切蓮介「ハイスコアガール」アニメ化決定！5巻は本日発売". Comic Natalie (yaponca). 25 dekabr 2013. İstifadə tarixi: 13 iyun 2025.
3. "アニメ「ハイスコアガール」、イベントで押切蓮介「紆余曲折ありすぎた（笑）」". Comic Natalie (yaponca). 26 iyul 2018. İstifadə tarixi: 13 iyun 2025.
4. "Interview: J.C. Staff Producer Yuji Matsukura". Anime News Network (ingiliscə). 29 avqust 2018. İstifadə tarixi: 13 iyun 2025.
5. "いよいよTVアニメ2期がスタート！ 原作・押切蓮介＆プロデューサーが語る、「『ハイスコアガール』に託したもの」（後編）". (yaponca). 25 oktyabr 2019. İstifadə tarixi: 13 iyun 2025.
6. "「そうだ アニメ，見よう」第60回は押切蓮介氏原作の「ハイスコアガール」。松倉プロデューサーが語る，制作の裏側とは". 4gamer.net (yaponca). 2 avqust 2018. İstifadə tarixi: 13 iyun 2025.
7. "書籍『アニメCGの現場 2019』発売記念！　TVアニメ『ハイスコアガール』CG制作の舞台裏に迫る". CG World (yaponca). 28 dekabr 2018. İstifadə tarixi: 13 iyun 2025.
8. "「ハイスコアガール」第2期は原作最終回まで！天崎滉平が鈴代紗弓の苦労を実感". Comic Natalie (yaponca). 21 mart 2019. İstifadə tarixi: 13 iyun 2025.
9. "いよいよTVアニメ2期スタート！ 原作・押切蓮介＆プロデューサーが語る、「『ハイスコアガール』に託したもの」（前編）". (yaponca). 24 oktyabr 2019. İstifadə tarixi: 13 iyun 2025.
10. "「ハイスコアガール」上映会、天崎滉平の思い出のハードは「ドリームキャスト". Comic Natalie (yaponca). 17 avqust 2018. İstifadə tarixi: 13 iyun 2025.
11. "Hi Score Girl Manga Ends on September 25". Anime News Network (ingiliscə). 24 avqust 2018. İstifadə tarixi: 14 iyun 2025.
12. "押切蓮介、地獄のミサワ、長田悠幸らゲーマーがストIIで対決". Comic Natalie (yaponca). 21 fevral 2012. İstifadə tarixi: 14 iyun 2025.
13. "「ハイスコアガール」最終10巻発売、ハルオと大野の物語はエンディングへ". Comic Natalie (yaponca). 25 mart 2019. İstifadə tarixi: 14 iyun 2025.
14. "ハイスコアガールをあきまん、西村キヌ、剛田チーズが執筆". Comic Natalie (yaponca). 14 iyun 2013. İstifadə tarixi: 14 iyun 2025.
15. "Hi Score Girl Manga Gets Special 1-Shot in October". Anime News Network (ingiliscə). 30 sentyabr 2020. İstifadə tarixi: 14 iyun 2025.
16. "Rensuke Oshikiri's Hi Score Girl Manga Resumes in July". Anime News Network (ingiliscə). 23 may 2016. İstifadə tarixi: 14 iyun 2025.
17. "「ハイスコアガール」新刊＆リニューアル版の表紙公開、ミニ色紙など特典も". Comic Natalie (yaponca). 25 iyun 2016. İstifadə tarixi: 14 iyun 2025.
18. "新連載「ハイスコアガールDASH」次号BGで開幕！予告には中学教師となった小春の姿". Comic Natalie (yaponca). 25 noyabr 2019. İstifadə tarixi: 14 iyun 2025.
19. "「ハイスコアガール DASH」28歳になった小春が主人公の続編1巻、PVも公開". Comic Natalie (yaponca). 25 mart 2021. İstifadə tarixi: 14 iyun 2025.
20. "「ハイスコアガール」ハルオと大野が交流するロングPV、押切蓮介登壇イベントも". Comic Natalie (yaponca). 7 iyul 2018. İstifadə tarixi: 19 iyun 2025.
21. "Hi Score Girl Anime's TV Ad Previews Opening Theme Song". Anime News Network (ingiliscə). 15 iyun 2018. İstifadə tarixi: 19 iyun 2025.
22. "Netflix to Stream Hi Score Girl Anime in December". Anime News Network (ingiliscə). 11 avqust 2018. İstifadə tarixi: 19 iyun 2025.
23. "「ハイスコアガール」TVアニメの続き描く全3話、OVA発売＆Netflixで配信決定". Comic Natalie (yaponca). 29 sentyabr 2018. İstifadə tarixi: 19 iyun 2025.
24. "「ハイスコアガール」OVAに新キャスト、春雄役・天崎滉平のWebラジオもスタート". Comic Natalie (yaponca). 18 dekabr 2018. İstifadə tarixi: 19 iyun 2025.
25. "押切蓮介が「ハイスコアガール」新作の構想明かす「まったく毛色の違うものに」". Comic Natalie (yaponca). 3 oktyabr 2019. İstifadə tarixi: 19 iyun 2025.
26. "「ハイスコアガール」TVアニメ第2期制作決定！10月放送開始". Comic Natalie (yaponca). 21 mart 2019. İstifadə tarixi: 19 iyun 2025.
27. "Etsuko Yakushimaru Performs Hi Score Girl II Anime's Ending Theme Song". Anime News Network (yaponca). 9 sentyabr 2019. İstifadə tarixi: 19 iyun 2025.
28. "Netflix Adds Hi Score Girl II Anime Outside Japan, China on April 9". Anime News Network (ingiliscə). 13 sentyabr 2020. İstifadə tarixi: 19 iyun 2025.
29. "ハイスコアガール道場(ラジオ)". "Hi Score Girl" animesinin rəsmi saytı (yaponca). İstifadə tarixi: 20 iyun 2025.
30. "押切蓮介「ハイスコアガール」が今年のブロスマンガ大賞に". Comic Natalie (yaponca). 21 noyabr 2012. İstifadə tarixi: 20 iyun 2025.

Xarici keçidlər

• magazine.jp.square-enix.com/biggangan/introduction/highscoregirl/ — "Monthly Big Gangan"da manqanın rəsmi saytı  (yap.)
• hi-score-girl.com — Animenin rəsmi saytı  (yap.)