Gürcüstanda turizm

Gürcüstanda turizm — Gürcüstan iqtisadiyyatının əhəmiyyətli bir hissəsini təşkil edir. Beynəlxalq turizm tez inkişaf edən sahədir. 2016-cı ildə turizm sektoru ölkənin Ümumi Daxili Məhsulun 7,3 %-ini təşkil edirdi. 2015-ci ildə isə bu göstərici yalnız 6,6 %-ə bərabər olmuşdur. 2016-cı ildə 6,35 milyon xarici turist ölkəni ziyarət etmişdir. Bu göstərici əvvəlki illərə nisbətdə 7,6 % daha çoxdur. Gürcüstan Milli bankının məlumatına görə, 2016-cı ilin birinci üç rübü ərzində turistlər ölkədə təxminən 1,68 milyard dollar xərcləmişlər. Göstərici keçən ilin analoji dövrü ilə müqayisədə 11 % çoxdur. Gürcüstanda xarici turistlərin xərcləri ödəmə balansına əhəmiyyətli dərəcədə təsir göstərir və təxminən Gürcüstan xidmətlərinin ixracından gələn gəlirlərin 61,4 %-i turizm sahəsinin üzərinə düşür.

Xarici turistlər orta hesabla 5,1 gündən bir ölkəyə gəlirlər. 2016-cı ildə ölkəyə 24 saat ərzində keçən turistlərin sayı 19 % artmışdır.

Gürcüstanın Turizm üzrə Milli Administrasiyası ölkədə turizmin inkişafı ilə bağlı olan məsələlərlə məşğul olur. 2015-ci ildə qurum 26 beynəlxalq və daxili turizm yarmarkasında iştirak etmişdir. Doqquz marketinq məqsədli kampaniyaları təşkil etmiş və mətbuat üçün 64 tanışlıq səfəri keçirmişdir.

Ölkələr üzrə turistlər

Xarici ölkə vətəndaşlarından 2015 və 2016-cı illərdə Gürcüstanı ən çox ziyarət edənlər:

Sıra	Ölkə	2015		Sıra	Ölkə	2016
1	Ermənistan	1,468,888		1	Azərbaycan	1,523,075
2	Azərbaycan	1,393,257		2	Ermənistan	1,496,246
3	Türkiyə	1,391,721		3	Türkiyə	1,254,089
4	Rusiya	926,144		4	Rusiya	1,037,564
5	Ukrayna	141,734		5	Ukrayna	172,631
6	İsrail	59,487		6	İran	147,915
7	Polşa	41,425		7	İsrail	92,213
8	Almaniya	36,826		8	Qazaxıstan	48,809
9	Qazaxıstan	36,777		9	Polşa	44,388
10	ABŞ	31,147		10	Almaniya	40,889
2015-ci ildə ümumi turist		5,901,094		2016-cı ildə ümumi turist		6,350,825

Viza məhdudiyyətlərinin ləğvi nəticəsində, 2016-cı ildə İrandan gələn ziyarətçilərin sayı 485 % artmışdır. Həmçinin İsraildən gələn ziyarətçilərin sayı əhəmiyyətli dərəcədə — 55 % artmışdır.

Otellər

Milli turizm administrasiyasının məruzəsinə əsasən, Gürcüstanda 2016-cı ilə təxminən 1700 mehmanxana fəaliyyət göstərmişdir. Tiflisdə 14 837 koyko-yer qeydə alınmışdır.

Beynəlxalq mehmanxana şəbəkələrinin bir çoxu Gürcüstanda fəaliyyət göstərir: Courtyard by Marriott, Sheraton Hotels and Resorts və Radisson Hotels.

İstinadlar

1. 7.3 % of Georgia’s GDP in 2016 Produced by Tourism Sector 2018-07-25 at the Wayback Machine // tabula.ge
2. "Georgian tourism in figures" (PDF). GNTA. 2015. 7 November 2017 tarixində (PDF). İstifadə tarixi: 2 February 2017.
3. "Holiday Inn Tbilisi". ihg.com. 27 April 2017 tarixində . İstifadə tarixi: 4 February 2017.
4. "Sheraton Batumi". sheratonbatumi.com. 5 February 2017 tarixində . İstifadə tarixi: 4 February 2017.
5. "Radisson Blu Iveria". radissonblu.com. 7 May 2017 tarixində . İstifadə tarixi: 4 February 2017.

Xarici keçidlər

• VikiSəyahətdə Georgia haqqında səyahət məlumatları var.

Vikianbarda Tourism in Georgia ilə əlaqəli mediafayllar var.

• Interactive map of the protected areas of Georgia^{[ölü keçid]}
• Official Georgian government website on tourism, by the Department of Tourism and Resorts of Georgia
• "Hvino TOUR News": daily news on tourism and hospitality industry of Georgia (in English)
• Tourism Geoinformation Center: Tours across Georgia (in English)