Frantişek Raytoral

Frantişek Raytoral (12 Mart 1986 – 23 Aprel 2017) Çex futbolçusu olmuşdur. Sonuncu şərəfini qoruduğu klub Türkiyənin "Qaziantepspor" komandası olmuşdur. O həmçinin Çexiya milli futbol komandasının üzvü idi. Futbolçu 23 aprel 2017-ci ildə Türkiyədəki evində özünü asaraq intihar etmişdir.

Frantişek Raytoral
Raytoral 2013-cü ildə.
Ümumi məlumatlar
Tam adı	Frantişek Raytoral
Doğum tarixi	12 mart 1986
Doğum yeri	Pribram, Çexoslovakiya
Vəfat tarixi	23 aprel 2017 (31 yaşında) (31 yaşında)
Vəfat yeri	Qaziantep,Türkiyə
Vətəndaşlığı	Çexiya
Boyu	1.80 sm
Çəkisi	76 kq
Mövqeyi	Yarımmüdafiəçi
Karyerası
Həvəskar karyerası 1992—1994 Kovohute Pribram 1994—2004 Pribram Peşəkar karyerası 2004—2005 Marila Pribram 15 (1) 2005—2009 Banik Ostrava 100 (12) 2009—2016 Viktoriya Plzen 168 (19) 2014 → Hannover 96 7(0) 2016–17 Qaziantepspor FK 12 (0) Cəmi 302(32) Milli yığma 2004 Çexiya (18 yaşlılar) 5 (0) 2004–2005 Çexiya (19 yaşlılar) 10 (1) 2004 Çexiya (21 yaşlılar) 15 (1) 1994—2006 Çexiya 14
Milli çempionatların müxtəlif liqalarında peşəkar klubların heyətində keçirdiyi oyunların və vurduğu qolların sayı. Rəsmi oyunlarda milli yığmanın heyətində keçirdiyi oyunların və vurduğu qolların sayı.

O, 2010-cu ildə "Viktoriya Plzen"in tərkibində Çexiya kubokunun qalibi olmuşdur. O, həmçinin digər mükafatlarıda Çexiya birinci liqasında mübarizə aparan klubun tərkibində qazanmışdır. Buraya Çexiya Superkubokuda daxildir.

2012-ci il fevralın 29-da Çexiya milli futbol komandasının heyətində İrlandiya milli futbol komandasına qarşı keçirilmiş yoldaşlıq matçında debüt etmişdir. Oyun 1-1 hesabı ilə bitmişdir.

Raytoral jurnalist Mark Smit tərəfindən "Çexiyada ən yaxşı hücuma meyilli yarımmüdafiəçilərdən biri" kimi təsvir edilmişdir.

Klub karyerası

Erkən illər

Raytoral cəmi bir mövsüm "Marila Pribram" klubunun heyətində oynamışdır. Növbəti mövsüm olan 2005-ci ildə isə "Banik Ostrava" klubu ilə 3 illik yeni müqavilə imzalamışdır. Avropa xarakterli ilk turniri olan UEFA Kubokunda isə məhz bu klubun tərkibində oynamışdır.

Viktoriya Plzen

2009-cu ildə "Banik Ostrava" klubundan "Viktoriya Plzen" klubuna transfer edilmişdir.

Raytoral 2010-cu ildə Futbol üzrə Çexiya superkuboku çərçivəsində "Sparta Praqa" ilə matçda komandanın heyətində çıxış etmiş və komandasının uduzğu bu görüşdə meydandan qırmızı vərəqə alaraq qovulan iki futbolçudan biri olmuşdur. O, 2010/11 mövsümündə ilk qolunu oktaybr ayında "Mlada Boleslav" komandasına qarşı keçirilən matçda vurmuşdur. Lakin matç "Viktoriya Plzen"in 4-3 hesablı məğlubiyyəti ilə başa çatmışdır.

2011-ci ildə Futbol üzrə Çexiya superkuboku görüşü çərçivəsində Raytoral 46-cı dəqiqədə Marian Çişovskiyi əvəz etdi. Əsas vaxt 1-1 hesabı ilə bitməsinə rəğmən penaltilər seriyasında "Viktoriya Plzen" komandası "Mlada Boleslav"ı 4-2 hesabı ilə məğlub edərək Futbol üzrə Çexiya superkubokunu qazandı.

Hannover 96

2014-cü ilin yanvar ayında Raytoral kirayə əsasında Almaniyanın "Hannover 96" klubuna keçmişdir. Lakin "Hannover 96" rəhbərliyi onun çıxışından razı qalmadığı üçün o, öz klubuna geri dönmüşdür.

Qaziantepspor və vəfatı

2016-cı il yay transfer dönəmində Türkiyənin "Qaziantepspor FK" klubuna 500.000 avro qarşılığında transfer olunub. Komandanın təcrübəli müdafiəçisi olan Raytoral 12 oyunda iştirak etdi. Lakin 23 aprel 2017-ci ildə səhər komanda ilə birlikdə keçirilən məşqə qoşulmadıqdan sonra Qaziantepdə evində ölü tapılmışdır. Araşdırmalardan sonra bəyan edildi ki o, özünü asaraq intihar etmişdir.

Mükafatları

Klub

  Viktoriya Plzen

• Çexiya kuboku: 2010
• Çexiya çempionatı: 2010-11, 2012-13, 2014-15, 2015-16
• Futbol üzrə Çexiya superkuboku: 2011, 2015

Şəxsi həyatı

Raytoral, peşəkar karyerasına başladığı Pribram şəhərində anadan olmuşdur.. Burada o, ilk klubu olan "Marila Pribram" komandasının heyətində çıxış etmişdir. 2008-ci ildə həkimlər ona xroniki yorğunluq sindromu diaqnozu qoymuşdular. Onun bu xəstəliyi 2014-cü ildə yenidən inkişaf etməyə başladı.

2017-ci ilin 24 aprel tarixində o, məxsus olduğu klubun tərkibində təlimə qatılmamışdır. Polis onun yaşadığı mənzildə intihar etdiyini aşkar etmişdir. İntihar səbəbi ilə irəli sürülmüş fərziyyələrə 2016-cı ildə uzun müddət birlikdə olduğu xanımla ayrılması və 2017-ci ilin fevralında dostu sayılan Daniel Kolar ilə ayrılıq üzündən vəziyyətinin dahada pisləşməsi daxildir.

İstinadlar

1. "Former Czech Republic international Frantisek Rajtoral found dead after 'committing suicide'". The Telegraph.
2. "Manchester City in Champions League: Viktoria Plzen profile". BBC Sport. 16 September 2013. İstifadə tarixi: 6 May 2014.
3. "František Rajtoral". UEFA. 22 May 2012. İstifadə tarixi: 6 May 2014.
4. "Nováčci zatím v Ostravě bloudí". Mladá fronta DNES (Czech). 14 July 2005. İstifadə tarixi: 6 May 2014.
5. Vacek, Václav (29 June 2009). "Do Viktorie míří Rajtoral, do Baníku se vrací Varadi". Deník (Czech). İstifadə tarixi: 6 May 2014.
6. "Superpohár měl dva vyloučené. Řepka s Rajtoralem za to budou pykat v lize". Mladá fronta DNES (Czech). 8 July 2010. İstifadə tarixi: 6 May 2014. (#parameter_ignored)
7. "Dostat čtyři góly? To je moc, věděl po prohře plzeňský obránce Rajtoral". Mladá fronta DNES (Czech). 24 October 2010. İstifadə tarixi: 6 May 2014.
8. "Mistrovská Plzeň získala Superpohár, Boleslav zdolala po penaltách". Mladá fronta DNES (Czech). 22 July 2011. İstifadə tarixi: 6 May 2014.
9. "Football: Plzeň's Rajtoral sent to Hannover on loan". Radio Prague. 30 January 2014. İstifadə tarixi: 6 May 2014.
10. "Gaziantepspor's Czech striker Rajtoral commits suicide by hanging". DailySabah. İstifadə tarixi: 23 April 2017.
11. "F. Rajtoral". Soccerway. İstifadə tarixi: 24 April 2017.
12. "Profil hráče - František Rajtoral #27 - FC VIKTORIA Plzeň". www.fcviktoria.cz. İstifadə tarixi: 2017-04-24.
13. "Gaziantepsporlu Frantisek Rajtoral intihar etti". Fanatik. İstifadə tarixi: 2017-04-24.