Fərhad Xəlilov
Fərhad Qurban oğlu Xəlilov (26 noyabr 1946, Bakı) — Azərbaycan rəssamlıq məktəbinin nümayəndəsi, Azərbaycan Respublikasının xalq rəssamı (2002), Azərbaycan Rəssamlar İttifaqının sədri (1987-ci ildən).
| Fərhad Xəlilov | |
|---|---|
| Doğum tarixi | |
| Doğum yeri | Bakı, Azərbaycan SSR, SSRİ |
| Milliyyəti | azərbaycanlı |
| Vətəndaşlığı | SSRİ→ Azərbaycan |
| Atası | Qurban Xəlilov |
| Fəaliyyəti | rəssam |
| Təhsili | Əzim Əzimzadə adına Azərbaycan Dövlət Rəssamlıq Məktəbi S. Q. Stroqanov adına Moskva Dövlət İncəsənət və Sənaye Akademiyası Moskva Poliqrafiya İnstitutu |
| Janrı | portret |
| Stili | abstraksionizm |
| Mükafatları | |
| farhadkhalilov.com (ing.) | |
| Vikianbarda əlaqəli mediafayllar | |
Həyatı
Fərhad Xəlilov 26 oktyabr 1946-cı ildə anadan olub. 23 saylı orta məktəbdə təhsil almışdır. İlk peşə təhsilini 1961–1966 illərdə Əzim Əzimzadə adına Azərbaycan Dövlət Rəssamlıq Məktəbində almışdır. Daha sonra o, 1966–1968-ci illərdə Stroqanov Rəssamlıq Məktəbində və 1969–1975-ci illərdə Moskva Poliqrafiya İnstitutunda öz təhsilini davam etdirmişdir.
F. Xəlilov 1989-cu ildən SSRİ Rəssamlar İttifaqının üzvü olmuş, 1987-ci ildə Azərbaycan Rəssamlar İttifaqının sədri seçilmişdir. 2008-ci ildən Rusiya Rəssamlıq Akademiyasının fəxri üzvüdür.
Rəssamın yaradıcılığında Abşeron motivləri əhəmiyyətli yer tutur. Çimərliklər və Abşeron görüntüləri, həmçinin Abşeron yarımadasının yaşayış məntəqələri — Nardaran, Buzovna, Zağulba, Maştağa, Mərdəkan və başqaları buna misal ola bilər.
Rəssamın əsərləri dəfələrlə keçmiş SSRİ ölkələrində, Avropada, həmçinin müxtəlif qalereya və sərgilərdə nümayiş etdirilmişdir.
Təltif və mükafatları
- "Azərbaycan Respublikasının xalq rəssamı" fəxri adı — 30 may 2002
- "Azərbaycan SSR əməkdar incəsənət xadimi" fəxri adı — 7 may 1988
- "Şərəf" ordeni — 25 oktyabr 2016
- "Şöhrət" ordeni — 25 oktyabr 2006
- "İncəsənət və ədəbiyyat" ordeni (Fransa) — 2000
- "Puşkin" medalı — 2000
- Müstəqil Dövlətlər Birliyinin "Birliyin ulduzu" mükafatı — 2017
- Rusiya Rəssamlıq Akademiyasının qızıl medalı — 2012
- Rusiya Rəssamlıq Akademiyasının gümüş medalı — 1987
İstinadlar
- "Fərhad Xəlilov ilə yaradıcılıq axşamı". www.yarat.az (azərb.). 26 sentyabr 2017. İstifadə tarixi: 10 mart 2021.
- "Fərhad Xəlilov". nar-gallery.com (azərb.). İstifadə tarixi: 10 mart 2021.
- ↑ "Халилов Фархад Курбан Оглы". www.rah.ru (rus). İstifadə tarixi: 10 mart 2021.
- "Rəssamlıq sənətimizin Fərhadı". www.anl.az (azərb.). 3 noyabr 2016. İstifadə tarixi: 10 mart 2021.
- "Təsviri sənət xadimlərinə Azərbaycan Respublikası fəxri adlarının verilməsi haqqında Azərbaycan Respublikası Prezidentinin Fərmanı". e-qanun.az. 30 may 2002. İstifadə tarixi: 1 mart 2021.
- "F.Q.Xəlilovun "Şərəf" ordeni ilə təltif edilməsi haqqında Azərbaycan Respublikası Prezidentinin Sərəncamı". president.az. 25 oktyabr 2016. İstifadə tarixi: 27 oktyabr 2016.
- "F.Q.Xəlilovun "Şöhrət" ordeni ilə təltif edilməsi haqqında Azərbaycan Respublikası Prezidentinin Sərəncamı". e-qanun.az. 25 oktyabr 2006. İstifadə tarixi: 1 mart 2021.
- "Fərhad Xəlilov Rusiya Rəssamlıq Akademiyasının qızıl medalı ilə mükafatlandırılıb". az.trend.az (azərb.). 30 mart 2012. İstifadə tarixi: 10 mart 2021.