Elnur Kərimov

Elnur Umbay oğlu Kərimov — Azərbaycan aktyoru, Azərbaycanın əməkdar artisti (2018).

Elnur Kərimov
Elnur Umbay oğlu Kərimov
Doğum tarixi	11 sentyabr 1981 (39 yaş)
Doğum yeri	Bakı, Azərbaycan SSR, SSRİ
Milliyyəti	azərbaycanlı
Vətəndaşlığı	SSRİ→ Azərbaycan
Atası	Kərimov Umbay Məhəmməd oğlu
Anası	Kərimova Solmaz Xanbala qızı
Fəaliyyəti	aktyor
Təhsili	ADMİU
Mükafatları

Həyatı və fəaliyyəti

Elnur Umbay oğlu Kərimov 11 sentyabr 1981-ci ildə Bakıda anadan olub.Ata Kərimov Umbay Məhəmməd oğlu 2 nömrəli avtobus parkında işləyib. Ana Kərimova Solmaz Xanbala qızı 1969-cu ildən Azərnəşrdə korrektor vəzifəsində işləyib. 3 yaşından bacı və qardaşları ilə bərabər Yuri Qaqarin adına Pionerlər Sarayında rəqs və xüsusi ilə “Nağara” dərnəyində musiqi ilə məşğul olub.

• 1986 ci ildə Yuri Qaqarin adına Pionerlər Sarayının 50 illik yubileyində (indiki Heydər Əliyev adına saray) nağarada solo “Çırtma qaytağı” ilə çıxış edib.
• 1988-ci ildən “Dənizçilər Klubu” Mədəniyyət Sarayının ansamblına ən gənc nağara ifaçısı olaraq dəvət olunub.
• 1989-cu ildə Krasnovodsk və Şevçenko şəhərlərində keçirilən Azərbaycan Mədəniyyət Günlərində iştirak edib.
• 1989-cu ildə xüsusi istedadına görə indiki İncəsənət Gimnaziyasına Əfsər Cavanşirovun qərarı ilə imtahansız qəbul olunub. Orada “Simli alətlər”, “Nəfəs alətləri” , “Vokal”, ”Aktyorluq” sənəti üzrə dərslər alıb. Gimnaziyada təhsil aldığı müddətdə “Şəhriyar” yubiley tamaşasında (Şəhriyar),

“Məhəmməd Füzuli” yubileyində (Füzuli), Məmmədkamal Kazımovun quruluş verdiyi S.M.Qənizadənin “Xor-Xor” tamaşasında (Rüstəm bəy), Ənvər Əblucun quruluş verdiyi Ü.Hacibəyovun “O olmasın,bu olsun” operettasında (Qoçu Əsgər) rollarını oynayıb. Gimnaziya şagirdlərinin ifasındakı “O olmasın, bu olsun” tamaşası AzTV-nin qızıl arxivində saxlanılır. Gimnaziyada təhsil aldığı müddət ərzində “Kunq fu Toa” idman növü ilə məşğul olub və paytaxt birincisi olub.

• 1999-cu ildə Gimnaziyanı bitirib elə həmin il , ADMİU - Dram və kino aktyorluğu fakültəsinə daxil olub
• 2000-ci ildə Gənc Tamaşaçılar Teatrına dəvət alıb.
• 2001-ci il may ayından etibarən Gənc Tamaşaçılar Teatrının aktyorudur.

İlk rolu Ağaxan Salmanlının quruluş verdiyi “Qarışqa şıllaq atdı” tamaşasında (Elbənd) rolu olub. Qısa müddət ərzində teatrın bütün repertuarında olan tamaşalarda müxtəlif obrazlarda çıxış edib.

Müxtəlif televiziya kanallarında veriliş aparıcısı kimi fəaliyyət göstərib: “Bərəkətli olsun” (Space TV), “Düşərgə” (İctimai TV), “Səhər görüşləri” (AzTV).

2009-cu ildən Gənc Tamaşaçılar Teatrının Bədii Şurasına üzv seçilib. Gənc Tamaşaçılar Teatrı Həmkarlar Komitəsinin “Gənclərlə iş üzrə” katibidir. Mədəniyyət işçiləri Həmkarlar İttifaqının mükafatına layiq görülüb. Azərbaycan Respublikasının prezidenti cənab İlham Əliyevin 2009-2019 Teatrların inkişafı dövlət proqramı çərçivəsində, ASSİTEJ milli mərkəzinin xətti və Gənc Tamaşaçılar Teatrının truppası ilə Rusiya Federasiyası Kalmıkiya Respublikasına qastrolunda “İki ölkə arasında Mədəni əlaqələrin inkişafındakı xüsusi xidmətlərinə görə” Kalmıkiya Respublikasının Ölkə rəhbərliyinin xüsusi, Mədəniyyət Nazirliyi və Teatr Xadimləri İttifaqı tərəfindən mükafat, diplom və döş nişanı ilə təltif olunub. İki ölkə arasında Teatr sahəsindəki uğurlarına görə “Stanislavski” 150 illik yubiley medalına layiq görülüb. Şimali Osetiya “Txapsayev adına Milli Dram Teatrı”nın diplomu ilə təltif olunub. 2003-cü ildə “Azərbaycanfilm” Kinostudiyasının istehsalı olan,quruluşçu rejissor Nicat Feyzullayevin “Küçələrə su səpmişəm” filmində baş rol “Gənc Bəhmən” obrazına dəvət alıb. Beləliklə, Teatr və Kino sahəsində fəaliyyətini davam etdirib.

Ailəsi

Evlidir.

Mükafatları

1 avqust 2018-ci ildə isə Azərbaycanın əməkdar artisti fəxri adına layiq görülmüşdür.

Əsas rolları

1. Aqil - («Mənim ağ göyərçinim» T.Vəliyeva)
2. Ömər İtməz - («Məhəbbət br bəladır» Ə.Orucoğlu)
3. Əlibaba - («Əlibaba və qırx quldur» Ərəb x.nağılı)
4. Vəzir - («Ələddinin sehrli çırağı» Ərəb x.nağılı)
5. Tuk-tuk - («Tık-tık və Tuk-tuk» A.Şaiq)
6. Əlləz - («Qaraca qız» S.S.Axundov, A.Şaiq)
7. Elbənd - («Qarışqa şıllaq atdı Q.İlkin)
8. Təbriz - («Büllur sarayda» İ.Əfəndiyev)
9. Bircu - («Hind fantaziyası» R.Əliyev)
10. Xoruz - («Pişiyin evi» S.Marşak)
11. Əli - («Çimnaz xanım yuxudadır» S.Rüstəm)
12. Prostoməmməd - ( «Cənnətin üç alması» N.Kazımov)
13. Tural – («İki tonqal» A.Həsənoğlu)
14. Ənvər, Səlim – («Güc birlikdədir» R.Tohidoğlu)
15. Namiq – («Nənənin kələyi» Ə.Orucoğlu)
16. Siçan bəy – («Tıq-tıq xanım» A.Şaiq)
17. Kor ərəb – (Şeyx Sənan», H.Cavid)
18. Bayram – («Hekayəti-xırs-quldurbasan», M.F.Axundov)
19. Romeo – («Romeo və Cülyetta» U.Şekspir)
20. Elnur – («Qoca kloun» M.Vişnek)
21. Şahzadə Xəzər - («Şahzadə Xəzərin nağılı» K.Ağabalayev, N.Kazımov)
22. Şəngülüm – («Şəngülüm, şüngülüm, məngülüm» M.Müşfiq)
23. Valeh – («Sarıköynəklə Valehin nağılı» İ.Əfəndiyev)
24. Riçmond –(«3-cü Riçard» ,U.Şekspir)
25. Sabir – («Yarımçıq qalmış..»,Yefim Abramov və Leyla Bəyim)
26. Çərkəz Murad – ( «Ana» , H.Cavid)
27. Yuhannes – («Viktoriya», Knut Hamsun)
28. Nəvə,Döyüşçü –(«Mahmud və Məryəm», Elçin)
29. Döyüşçü –(«Dədə Qorqud», Əbdüləzəl Dəmirçizadə)
30. Mikayıl Müşfiq – («Ölüm hökmü», Elçin)
31. Oliver Tvist - tamaşasında Rejissor asisstenti
32. Dost –(«Ağdəvə», Elçin)
33. Musiqiçi –(«Bulaqahvalatı», Aqşin Babayev)
34. Pyero – («Səhvlər komediyası», U.Şekspir)
35. Xeyir – («Xeyir və Şər»,N.Gəncəvi)
36. Ərköyün qazbalası – («Ana Qaz»,R.Rza)
37. Əcinə - («Pəri Cadu», Ə.Haqverdiyev)
38. Fərman – («Xortdanın cəhənnə mməktubları»,Ə.Haqverdiyev)
39. Syuqdek – («Qohumlar» , Kalmıkiya xalq komediyası)
40. Forlipopili – («Mehmanxana sahibəsi» , Karlo Qaldoni)
41. Şelkunçik – («Şelkunçik» ,Alman Xalq nağılı)
42. Cingiz Mustafayev - operator («Şəhidlər», Bəxtiyar Vahabzadə)
43. Selnur («Mağara», AygünHəsənoğlu)

Rus bölməsinin tamaşalarında da çıxış edib

1. “Кошкиндом” (Петух)
2. “Индийская фантазия” ( Бирджу)

Filmoqrafiya

1. Mən sənin dayınam (film, 2001)
2. Dronqo (serial, 2002)
3. Yol yoldaşları (film, 2003) - rol: təzəbəy
4. Küçələrə su səpmişəm (film, 2004) - rol: Gənc Bəhmən
5. Milli bomba (film, 2004)
6. Ana qaz (film, 2005) - rol: qaz balası
7. Günaydın, mələyim! (film, 2008) – rejissor Rəhman
8. Qardaşımdan yaxşısı yox idi (film, 2010)
9. Əzizim Fellini (film, 2010) - rol: Rasimin dostu
10. Əlavə təsir (film, 2010) - rol: kapitan Akif Nuriyev
11. Buta (film, 2011) - rol: kəndə gələn menecer
12. Tərsinə çevrilən dünya (film, 2011) - rol: Fərhad
13. Qayınana (film, 2011) - rol: Kamil
14. Bir ailəm var (teleserial, 2013) - rol: Samir
15. Cehizsiz gəlinlər (serial, 2016) - rol: Seymur
16. Həddən artıq uyğunluq (film, 2016)
17. Pray for Zahra (2017)
18. İstiqlaliyyət təşnəsi (film)
19. Ata ocağı (film, 2017) - rol: İlkin

İstinadlar

1. Kərimov, E. “6-nın yerinə 9 desəm, aləm qarışar”: [Gənc Tamaşaçılar Teatrının aktyoru, “Qaynana” serialından Kamil rolunun ifaçısı kimi tanınan Elnur Kərimovla müsahibə] /müsahibəni apardı Rəis Xəyalə //Kaspi.- 2012.- 1 noyabr.- S.11.
2. President.Az (01.08.2018). "Azərbaycanın kino xadimlərinə fəxri adların verilməsi haqqında Azərbaycan Respublikası Prezidentinin Sərəncamı" (azərb.). President.az. İstifadə tarixi: 2018-08-01.

Xarici keçidlər

İzlə