Böyük Qaladərəsi
Böyük Qaladərəsi — Azərbaycan Respublikasının Şuşa rayonunun Qaladərəsi kənd inzibati ərazi dairəsində kənd.
Böyük Qaladərəsi | |
---|---|
39°39′30″ şm. e. 46°36′07″ ş. u. | |
Ölkə | Azərbaycan |
Rayon | Şuşa rayonu |
Tarixi və coğrafiyası | |
Mərkəzin hündürlüyü | 1.500 m |
Saat qurşağı | |
Rayon mərkəzindən 39 km cənub-qərbdədir. Əhalisi 161 nəfərdir (2008). İşğaldan əvvəl (1992-ci il, may) əhalisi heyvandarlıq və əkinçiliklə məşğul olmuşdur. Orta məktəbi, musiqi məktəbi, mədəniyyət evi var idi.
1992-ci ildə Ermənistan Respublikası Silahlı Qüvvələri tərəfindən işğal edilib.
Toponomik izahı
Orta əsrlərdə Şuşa qalasının ətəyində dərənin adı. Ərəbcə mənbədə. Kala-i-Dara formasındadır.VII əsrdə ermənicə tərcüməsi Berdadzor. 1828-ci ildə İrandan köçürülmüş ermənilər orada məskunlaşdıqdan sonra iki Qaladərəsi kəndi yaranmışdır: Metz (böyük) Qaladərsi və Pokr (kiçik) Qaladərəsi. Qala sözü şumer dilində eqan "bərkidilmiş" və ya "hasarlanmış yer" sözündəndir. Şumer dilindən bu söz Suriya dilində akil, akkad dilində ekallu, erməni dilində anqel, ərəb dilində qələ və fars dilində qala kimi əksini tapmışdır.
Qarabağ silsiləsinin ətəyindədir. Keçmiş adı Köhnəkənd, Sovet hakimiyyəti illərində Kirov, Metsqaladərəsi olmuşdur. 1992-ci ildən bu adla rəsmiləşdirilmişdir. Oykonim "Qala (Şuşa nəzərdə tutulur) dərəsindəki böyük kənd" deməkdir.
Həmçinin bax
İstinadlar
- Azərbaycan Respublikasının Dövlət Statistika Komitəsi (2019). "İnzibati ərazi bölgüsü təsnifatı" (PDF) (azərb.). stat.gov.az. 2020-04-16 tarixində (PDF). İstifadə tarixi: 2020-04-16.
- B.Budaqov, Q.Qeybullayev Yuxarı Qarabağın Toponimləri
- "Böyük Qaladərəsi". Azərbaycan toponimlərinin ensiklopedik lüğəti. I. Bakı: "Şərq-Qərb". 2007. 304. ISBN 978-9952-34-155-3.