Babək Abidov
Babək Vəfadar oğlu Abidov (3 may 1992; Dəvəçi, Azərbaycan – 2 aprel 2016; Azərbaycan) — Azərbaycan Silahlı Qüvvələrinin kiçik giziri. 2016-cı ildə Aprel döyüşləri zamanı şəhid olub, ölümündən sonra "Hərbi xidmətdə fərqlənməyə görə" III dərəcəli medalı ilə təltif edilib.
| Babək Abidov | |
|---|---|
| Babək Vəfadar oğlu Abidov | |
| Şəxsi məlumatlar | |
| Doğum tarixi | |
| Doğum yeri | Dəvəçi, Azərbaycan |
| Vəfat tarixi | (23 yaşında) |
| Vəfat yeri | Azərbaycan |
| Vəfat səbəbi | Şəhid olmuşdur |
| Dəfn yeri | |
| Vətəndaşlığı | Azərbaycan |
| Hərbi fəaliyyəti | |
| Mənsubiyyəti | Azərbaycan Ordusu |
| Qoşun növü | Quru Qoşunları |
| Xidmət illəri | 2016 |
| Rütbə | |
| Təltifləri | |
Həyatı
Babək Abidov 1992-ci ilin 3 may günündə Şabran rayonunun (dövrünün Dəvəçi rayonu) Zeyvə kəndində anadan olub.
Hərbi xidməti
Kiçik gizir Babək Abidov 2016-cı ilin aprel ayında Azərbaycan-Ermənistan təmas xəttində baş verən atışma zamanı qəhrəmancasına şəhid oldu.
Aprelin 9-u isə Babək Abidov doğulduğu Şabran rayonunun Zeyvə kəndində son mənzilə yola salındı. Dəfn mərasiminə minlərlə rayon sakini ilə yanaşı, şəhidin qulluq etdiyi hərbi hissənin əsgərləri və zabitləri də qatıldı. Dəfn mərasiminin sonunda yaylım atəşi açıldı və kiçik gizir Abidov uğrunda şəhid olduğu torpağa tapşırıldı.
Babək Abidov ölümündən sonra göstərdiyi qəhrəmanlığa görə Azərbaycan Respublikasının Prezidenti İlham Əliyevin sərəncamı ilə "Hərbi xidmətdə fərqlənməyə görə" III dərəcəli medalı ilə təltif edildi.