Azərbaycan Avropa Hərəkatı
Bu məqaləni vikiləşdirmək lazımdır. Lütfən, məqaləni ümumvikipediya və redaktə qaydalarına uyğun şəkildə tərtib edin. |
Azərbaycan Avropa Hərəkatı (AAH) (ing. European Movement Azerbaijan) — Azərbaycanda Avropaya inteqrasiya üzrə faliyyət göstərən hərəkat.
Azərbaycan Avropa Hərəkatı | |
---|---|
Azərbaycan Avropa Hərəkatı | |
Növü | Qeyri-hökumət təşkilatı |
Yaranma tarixi | 2004 |
Qeydiyyat tarixi | iyun 2012 |
Rəsmi dili | Azərbaycan, İngilis |
Sədr | Ramin Hacılı |
Üzvləri | 1200 (2012) |
www.azeuromove.az |
Tarixi
Avropanın 43 ölkəsində fəaliyyət göstərən Beynəlxalq Avropa Hərəkatının Azərbaycan nümayəndəliyinin yaradılması ilə bağlı təşəbbüs 2004-cü ildən mövcuddur. Həmin dövrdə yaradılan Azərbaycan Avropa Hərəkatının Hazırlıq Komitəsi Benəlxalq Avropa Hərəkatına tam hüqulu üzv olmaq üçün və Avropa dəyərlərinin təbliği istiqamətində müvafiq layihələr həyata keçirib.
2012-ci ilin yanvar ayında Azərbaycan Avropa Hərəkatının Hazırlıq Komitəsinə bu təşəbbüsü dəstəkləmək üçün müxtəlif sahələrdə fəaliyyət göstərən onlarla gənc qoşuldu. Yaradılan təşəbbüs qrupunda birləşən 41 nəfər vətəndaş Azərbaycanda öz uğurları ilə seçilən fərdlər idi. Fevral ayının 17-də keçirilən ilk Konqresdə hərəkatın prezidenti (Ramin Hacılı) və İdarə Heyəti (Xalisə Şahverdi, Emin Aslan, Pərviz Abbasov, Gülsel Səfərova, Mirhəsən Seyidov, Elnarə Qəribova, Qüdsiyyə Məmmədova, Orxan Əkbərov, Fariz Əhmədov, Cavid İsmayılov, Leyla Aslanova və Vüqar Əhmədov) üzvləri seçildi. Fevral ayında keçirilən AAH-ın İdarə Heyətinin ilk toplantısında Hərəkatın Fəaliyyət proqramı, Strukturu, Manifesti, rəsmi atributları və Əsasnaməsi qəbul edildi. Mart ayında keçirilən hərəkatın İdarə Heyətinin toplantısında Fəxri prezidentlər (Asim Mollazadə, Kamal Abdulla), Vitse prezidentlər (Sevinc Hacızadə, Mərdan Əfəndiyev, Leyla Məmmədli, Hikmət İsmayılov), Baş katib (Aysel Qayıbxan), İşçi Heyəti, Müşavirlər və Komitə rəhbərləri təsdiqləndi. Toplantıda həmçinin hərəkatın Strateji Planını hazırlamaq üçün işçi qrup yaradıldı.
17-21 fevral 2012-ci il tarixlərində Bakıda səfərdə olan Beynəlxalq Avropa Hərəkatının (BAH) prezidenti cənab Co Leinen "Avropaya inteqrasiya prosesində vətəndaş cəmiyyətinin rolu” mövzusunda keçirilən konfransda çıxış edərək, Avropa üçün Azərbaycanın əhəmiyyətindən bəhs etdi və AAH-a dəstək verəcəyini bəyan etdi. 13 – 16 sentyabr 2012-ci ildə BAH-ın Baş Katibi cənab Diogo Pinto Bakıya səfər etdi. Səfərin nəticəsi olaraq 2013-cü ildə keçiriləcək BAH-ın "Şərq tərəfdaşlığı” konqresinin AAH-nın təşkilatçılığı ilə Bakıda təşkil olunmasının mümkünlüyü cənəb D.Pinto tərəfindən təsbit olunub və bununla bağlı BAH qərar verib. 2012-ci ilin iyun ayında Azərbaycan Respublikası Ədliyyə Nazirliyi tərəfindən Azərbaycan Avropa Hərəkatı (AAH) dövlət qeydiyyatına alındı. 2012-ci ilin sentyabr ayında isə AAH Beynəlxalq Avropa Hərəkatının (BAH) tamhüquqlu üzvü oldu. ATƏT-in maliyyə dəstəyi ilə 14 rayonda AAH-ın klubları yaradıldı. Hazırda Bakıda və 14 regionada fəaliyyət göstərən AAH-nın 1263 fərdi üzvü, 34 assosativ üzvü mövcuddur. AAH öz fəaliyyətini Azərbaycan Respublikaısnın Konustutsiyası, qanunları, Beynəlxalq Konvensiyalar, Nizamnaməsi, Əsasnaməsi, Fəaliyyət Proqramı və BAH-ın tövsiyələri əasında qurur.
Məqsəd və vəzifəsi
AAH-nın əsas məqsədi Azərbaycanın Avropaya inteqrasiya prosesinə dəstək olmaq və bu ideyanı özündə birləşdirən qurumların, həmçinin fərdlərin birləşdiyi platforma yaratmaqdır. Hərəkat öz məqsədinə çatmaq üçün sivil metodlardan istifadə etməklə yanaşı, Beynəlxalq təşkilatlar, fondlar, digər ictimai və siyasi birliklər, Azərbaycan dövləti və BAH-ın digər ölkələrdə olan milli şuraları ilə əməkdaşlıq edir.
Fəaliyyət
2012-ci ilin yanvar ayında Azərbaycan Avropa Hərəkatının ilk Konqresinə hazırlıqlar başlandı. 2004-cü ildən fəaliyyət göstərən Hərəkatın müxtəlif layihələr həyata keçirməsinə baxmayaraq, konqresi keçirilməmişdi. Beynəlxalq Avropa Hərəkatı tərəfindən "Azərbaycan Avropa Hərəkatı Hazırlıq Komitəsi” kimi tanınan quruma 2008-2012-ci illərdə Surxan Lətifov rəhbərlik edib. 2011-ci ilin 28 noyabrında Surxan Lətifovun sərəncamı ilə "Dalğa Gənclər Hərəkatı”nın həmtəsisçisi və "Demokratiya Akademiyası”nın prezidenti Ramin Hacılı Azərbaycan Avropa Hərəkatının (bundan sonra AAH) Baş katibi təyin edildi. 2011-ci ilin dekabr ayında AAH prezidenti Surxan Lətifovun təhsili ilə bağlı İsveçrəyə getməsindən sonra Hazırlıq Komitəsinə baş katib Ramin Hacılı rəhbərlik etdi. Onun çağırışına cəmiyyətin müxtəlif sferalarından onlarla vətəndaş qoşuldu. Müxtəlif müzakirələr və fikir mübadilələri nəticəsində, 2012-ci ilin fevral ayında Hərəkatın ilk konqresinin keçirilməsi qərara alındı. 41 nəfərdən ibarət təşəbbüs qrupuna uğurları ilə seçilən və öz sahələrinin lideri olan gənclər qoşulmuşdu. Yaradılan işçi qrup qısa müddət ərzində konqres üçün bütün hazırlıqları həyata keçirməklə yanaşı , Konqresdə iştirak etməsi üçün Beynəlxalq Avropa Hərəkatının (bundan sonra BAH) prezidenti cənab Jo Leinenin Bakıya səfərini təşkil etdi. Təşəbbüs qrupunun iştirakçısı olan AAH prezidenti Surxan Lətifov daxili qaydalara uyğun olaraq konqresdən iki gün öncə - 15 fevral 2012-ci ildə hərəkatın prezidenti vəzifəsindən istefa verdi. 17 fevral 2012-ci ildə baş tutan konqresdə təşəbbüs qrupu üzvləri açıq səsvermə yolu ilə üç il müddətinə Hərəkatın yeni prezidentini və 12 nəfərədən ibarət İdarə Heyəti üzvlərini seçdi, Nizamnaməsini qəbul etdi. Nəticələrə əsasən, Ramin Hacılı Hərəkatın prezidenti,Xalisə Şahverdi, Emin Aslan, Pərviz Abbasov, Gülsel Səfərova, Mirhəsən Seyidov, Elnarə Qəribova, Qüdsiyyə Məmmədova, Orxan Əkbərov, Fariz Əhmədov, Cavid İsmayılov, Leyla Aslanova və Vüqar Əhmədov AAH-ın İdarə Heyətinə üzv seçildi. Azərbaycan Avropa Hərəkatı konqresdən sonra faəliyyət proqramına əsasən həyata keçirib:
• 18 fevral 2012-ci il tarixində "Avropaya inteqrasiya prosesində vətəndaş cəmiyyətinin rolu” mövzusunda konfrans keçirildi. Konfransın keçirilməsində məqsəd ilk Konqresini keçirən AAH-nı cəmiyyətə təqdim etmək və fəaliyyət istiqamətini əyani şəkildə göstərmək idi.
• 17-21 fevral 2012-ci il tarixlərində Bakıda səfərdə olan Beynəlxalq Avropa Hərəkatının (BAH) prezidenti cənab Jo Leinen "Avropaya inteqrasiya prosesində vətəndaş cəmiyyətinin rolu” mövzusunda keçirilən konfransda çıxış edərək, Avropa üçün Azərbaycanın əhəmiyyətindən bəhs etdi və AAH-a dəstək verəcəyini bəyan etdi.
• 19 ferval 2012-ci il tarixində BAH-ın prezidenti cənab Jo Leinenin iştirakı ilə Azərbaycan Avropa Hərəkatının ofisinin açılışı olub. Jo Leinen AAH-ın İdarə Heyəti ilə görüş keçirib.
• Fevral ayında keçirilən AAH-ın İdarə Heyətinin ilk toplantısında Hərəkatın Fəaliyyət proqramı, Strukturu, Manifesti, rəsmi atributları və Əsasnaməsi qəbul edildi.
• Mart ayında keçirilən hərəkatın İdarə Heyətinin toplantısında Fəxri prezidentlər (Asim Mollazadə, Kamal Abdulla), Vitse prezidentlər (Sevinc Hacızadə, Mərdan Əfəndiyev, Leyla Məmmədli, Hikmət İsmayılov), Baş katib (Aysel Qayıbxan), İşçi Heyəti, Müşavirlər və Komitə rəhbərləri təsdiqləndi. Toplantıda həmçinin Hərəkatın Strateji planını hazırlamaq üçün işçi qrup yaradıldı.
• 13 mart 2012-ci ildə Hərəkat rəhbərliyi AAH-nı Azərbaycan Respublikası Ədliyyə Nazirliyində qeydiyyatdan keçmək üçün müvafiq sənədləri təqdim etdi.
• 16 mart 2012-ci ildə AAH geniş ictimaiyyət üçün "FAQ” adlı tədbir keçirdi. Tədbirin keçirilməsində məqsəd AAH-nın strukturlarında təmsil olunan şəxsləri, Fəaliyyət proqramını, Manifestini, saytını, Əsasnaməsini və rəsmi atributlarını ictimaiyyətə təqdim etmək idi.
• 17 mart 2012-ci ildə Azərbaycan Avropa Hərəkatı Bakıda keçiriləcək "Eurovision 2012" ilə bağlı beynəlxalq ictimaiyyətə müraciət etdi. AAH müraciətdə avropalı müttəfiqlərini bu müsabiqəyə dəstək verərək, Azərbaycanın Avropa ailəsinə qoşulmasına yardımçı olmağa səslədi.
• 3 aprel 2012-ci ildə AAH İsveçin "Upsala” universitetindən Azərbaycana gələn 17 tələbənin iştirakı ilə "Demokratiyanın inkişafında Skandinav modeli”, "Aland münaqişəsi Qarabağ problemi üçün president ola bilərmi?” və "Azərbaycanın Avropaya İnteqrasiya prosesi: tənqidlər və təkliflər” mövzuları ətrafında müzakirə təşkil edib.
• Aprel ayı boyunca Kütləvi İnformasiya Vasitələri ilə əməkdaşlığın gücləndirilməsi üçün AAH rəhbərliyi Azərbaycanda fəaliyyət göstərən müxtəlif media qurumları ilə görüşlər keçirdi.
• 12 Aprel –ci ildə Beynəlxalq Avropa Hərəkatının İdarə Heyəti AAH-nın tamhüquqlu üzvlüyü ilə bağlı etdiyi müraciətə baxaraq müsbət qərar çıxardıb. Bununla da Azərbaycan Avropa Hərəkatı tamhüquqlu üzvlük istiqamətində birinci mərhələni keçmiş oldu.
• Aprel – may aylarında Azərbaycanda fəaliyyət göstərən səfirliklər və beynəlxalq təşkilatlarla görüşlər keçirildi. Görüşlərin keçirilməsində məqsəd "Azərbaycanda Avropa Evi” layihəsinin müzakirəsi və bu istiqamətdə gələcək əməkdaşlıqlar oldu. Bununla yanaşı ,AAH öz təqdimatının və 3 aylıq fəaliyyətinin əks olunduğu xüsusi buraxılış (jurnal) hazırlayaraq diplomatik korpuslara təqdim etdi.
• 9 May 2012-ci ildə "9 may Avropa günü” ilə əlaqədar AAH Bakının mərkəzində "Avropalı gəzinti” devizi ilə yürüş təşkil etdi. Saat 16:00-da başlayan və paytaxtın "Azneft” dairəsindən "Saat Qülləsi”-nə kimi (Milli park boyunca) davam edən gəzinti polislərin bir sıra müdaxilələlərinə baxmayaraq, uğurla başa çatdı. Gəzinti iştirakçıları yürüş zamanı "Demokratiya”, "İnsan Haqları” , "Azadlıq” , "Mülkiyyət toxunulmazlığı”, "Vətəndaş cəmiyyəti”, "Şəffaflıq”, "Sülh” və s. kimi Avropa dəyərlərinin qeyd olunduğu plakatları qaldırmış və Azərbaycanın Avropanın bu kimi dəyərlərinə istinad etməli olduğu mesajını hər kəsə bəyan etdi. 500-ə yaxın gənc "Avropalı gəzintisi”ndə iştirak etdi və Avropa dəyərlərinin ölkəmizdə təbliğinə öz töhfələrini verdi. Gəzintiyə bir neçə Avropa təşkilatları, o cümlədən Avropa İttifaqının Azərbaycan nümayəndəliyi dəstək verdi.
• 25 – 26 may 2012-ci ildə keçirilən BAH-ın Federal Assambleyasında AAH öz nümayəndələri ilə iştirak etdi. Assambleyada AAH prezidenti Ramin Hacılı, vitse – prezident Sevinc Hacızadə, İdarə Heyətinin üzvü Xalisə Şahverdi və Baş katib Aysel Qayıbxan iştirak etdi. Ramin Hacılı Federal Assambleya iştirakçıları qarşısında çıxış etdikdən sonra 2012-ci ildə Bakıda təşkil edilən "Avropa günü” yürüşünün video roliki nümayiş etdirildi. Assambleya tərəfindən AAH-ın BAH-a tamhüquqlu üzv olmasına müsbət rəy verildi və 2012-ci ildə ən yaxşı "Avropa günü”nü qeyd etmə nominasiyasının qalibi AAH seçildi.
• 28 may 2012-ci ildə BAH Azərbaycanla bağlı bəyanat verdi. Bəyanatda Azərbaycanın Avropaya inteqrasiyası istiqamətində tutduğu yol təqdir olunur və Azərbaycan hakimiyyətinə bu istiqamətdə ümumbəşəri dəyərlərin əhəmiyyəti xatırladırdı.
• 8 iyun 2012-ci il AAH-nın təşkilatçılığı ilə "Uşaqların Beynəlxalq Müdafiəsi Günü”nə həsr olunan "Kitaba alışqanlıq” aksiyası adlı intellektual yarışma təşkil etdi. Yarışma "PTC - Uşaq İnkişafı və Dayəlik Şirkəti”nin ideyası əsasında, "Metro Park” Ticarət və Əyləncə Mərkəzi baş tutdu. Yarışmada 40 dan çox uşaq iştirak edib ki, bunlardan bir çoxu kimsəsiz uşaq evlərindən oldu. Qeyd edək ki, təbdirin dəstəkçiləri "Birliyə Doğru” Əlil və Kimsəsiz Uşaqlara Qayğı İctimai Birliyi, "Məlahətli Ana” Uşaqlara Yardım İctimai Birliyi, "9 Ay” Mağazalar şəbəkəsi, "Metro Park” Ticarət və Əyləncə Mərkəzi, "Ləzzət” Şirniyyat Şəbəkəsi və ANN.Az xəbər portalı idi.
• 6 iyun 2012-ci ildə ATƏT-in Bakı ofisi ilə Azərbaycan Avropa Hərəkatı "Gənclərin ictimai və siyasi fəallığının artırılması üzrə regional təlimlər” layihəsinə start verdi. Layihə çərçivəsində Azərbaycanın 14 regionunda "Avropa klubu” yaradılması nəzərdə tutulub.
• 14 iyun 2012-ci ildə Azərbaycan Respublikası Ədliyyə Nazirliyi tərəfindən AAH dövlət qeydiyyatına alındı.
• 23 iyun 2012-ci ildə ATƏT-in Bakı Ofisnin təşkilatçılığı ilə Azərbaycan Avropa Hərəkatının üzvləri üçün hərəkatın ofisində təlim keçirdi. "QHT üçün bacarıqların inkişafı” adlanan təlimdə beynəlxalq təlimçi – ATƏT-in Demokratik Təsisatlar və İnsan Hüquqları Ofisinin nümayəndəsi Karolina Stefanczak iştirakçılara 3 istiqamət üzrə məlumatlar verdi.
• 24-25 iyun 2012-ci il tarixlərində AAH ATƏT-in Bakı ofisinin maliyyə dəstəyi ilə həyata keçirdiyi "Gənclərin ictimai və siyasi fəallığının artırılması üzrə regional təlimlər” layihəsi çərçivəsində Sumqayıt şəhərində yerli gənclər üçün təlim keçdi.
• 29 iyun 2012-ci ildə AAH Azərbaycanın dövlət telekanallarında Anti – avropa təbliğatının aparılmasından narahatlıq keçirməsi ilə bağlı bəyanat yaydı və bu kampaniyanı pislədi.
• 2012-ci ilin iyun və iyul aylarında Azərbaycanda fəaliyyət göstərən bəzi partiya rəhbərləri ilə görüşlər keçirldi və gələcək əməkdaşlıqlarla bağlı müzakirələr aparıldı.
• 21-22 iyul 2012-ci il tarixlərində AAH ATƏT-in Bakı ofisinin maliyyə dəstəyi ilə həyata keçirdiyi "Gənclərin ictimai və siyasi fəallığının artırılması üzrə regional təlimlər” layihəsi çərçivəsində Xaçmaz və Qusar rayonlarında yerli gənclər üçün təlim keçdi.
• 24 iyul 2012–ci ildə "Milli mətbuat günü” ilə bağlı AAH-nın ofisində Azərbaycanın tanınmış jurnalistləri ilə görüş keçirildi. Görüşdə mətbuatın ümumi problemləri və hazırkı durum müzakirə edildi.
• 2012-ci ilin iyun, iyul və avqust aylarında hərəkatın imkanları ilə tanış olmaq üçün Azərbaycanda fəaliyyət göstərən bir çox beynəlxalq təşkilatların nümayəndələri AAH-nın mərkəzi ofisini ziyarət etdi.
• 1 avqust 2012-ci ildə AAH-nın təşkilatçılığı ilə "Avropalı” fotomüsabiqəsinə start verildi. Müsabiqənin nəticəsi olaraq,sərginin təşkili və qaliblərin mükafatlandırılması nəzərdə tutulub. Müsabiqə iştirakçıları həvəskar və peşəkar fotoqraflar olmaqla, 3 nominasiya üzrə fotolarını təqdim etmək haqqını qazanıblar.
• 4-7 avqust 2012-ci il tarixlərində AAH ATƏT-in Bakı ofisinin maliyyə dəstəyi ilə həyata keçirdiyi "Gənclərin ictimai və siyasi fəallığının artırılması üzrə regional təlimlər” layihəsi çərçivəsində Gəncə, Mingəçevir və Yevlax rayonlarında yerli gənclər üçün təlim keçdi.
• 10 avqust 2012-ci ildə "Beynəlxalq Gənclər Günü” münasibəti ilə AAH, BMT-nin İnkişaf Proqramı, ABŞ-ın Azərbaycandakı səfirliyi və ABŞ Təhsilli Məzunlar Birliyi ilə birgə "Gənclər təşkilatları arasında əməkdaşlığın artırılması” mövzusunda dəyirmi masa keçirdi.
• 10-11 avqust 2012-ci ildə BAH-ın təşkilatçılığı ilə Gürcüstanın paytaxtı Tbilisi şəhərində keçirilən Cənubi Qafqazdakı münaqişlərin sülh yolu ilə həll olunması üzrə gələcək əməkdaşlıqla bağlı müzakirə keçirildi. Müzakirədə AAH-ın prezidenti Ramin Hacılı, İdarə Heyətinin üzvü Xalisə Şahverdi və Hərəkatın İnteqrasiya Komitəsinin sədri Zinəddin Babayev iştirak etdi. Görüşdə BAH rəhbərliyi ilə yanaşı, həmçinin Gürcüstan və Ermənistan Avropa Hərəkatının rəhbərliyi iştirak edirdi. Görüşün nəticəsi olaraq Tbilisi deklorasiyası qəbul edildi.
• 7-9 sentyabr 2012-ci il tarixlərində AAH ATƏT-in Bakı ofisinin maliyyə dəstəyi ilə həyata keçirdiyi "Gənclərin ictimai və siyasi fəallığının artırılması üzrə regional təlimlər” layihəsi çərçivəsində Şəki, Zaqatala və Qax rayonlarında yerli gənclər üçün təlim keçdi.
•8 avqust 2012-ci ildə AAH Azərbaycan Respublikasının vətəndaşı olan yazarlar Fərid Hüseyn və Şəhriyar Hacızadənin İranda müxtəlif ittihamlarla həbsdə saxlanması ilə etiraz bəyanatı verib. Qeyd edək ki, F. Hüseyn və Ş. Hacızadə aprelin 29-da Təbrizdə "Güney Azərbaycan Yazarlar Ocağı”nın təşkil etdiyi poeziya festivalında iştirak etmək üçün İrana getdiblər. Onlar barəsində casusluq ittihamı açılıb və Azərbaycan Xarici İşlər Nazirliyinin 4 dəfə nota verməsinə baxmayaraq ittihamın detayları açıqlamayaraq İran onları 5 ay qanunsuz olaraq hıbsdı saxlayıb. Bəyanat BAH tərəfindən dsətəklənib.
• 10 sentyabr 2012-ci il tarixində AAH Erməni zabitini öldürdüynə görə Macarıstda həbs olunan azərbaycanlı zabit Ramil SəfərovunAzərbaycana ekstradisiya olunaraq əfv olunması məsələsi ilə bağlı bəyanat yaydı.
Diogo Pinto Bakıya səfər etdi. Səfər zamanı D. Pinto Beynəlxalq Avropa Hərəkatının Azərbaycandakı nümayəndəliyinin fəaliyyəti ilə maraqlanıb, Hərəkatın İdarə Heyəti ilə, ATƏT-in Bakı ofisinin missiya rəhbəri, səfir əvəzi Melissa Stone və qurumun digər rəhbər şəxsləri, Avropa Birliyinin Azərbaycandakı nümayəndəliyinin siyasi məsələlər üzrə müşaviri Andrey Valentinovla,Strateji Araşdırmalar Mərkəzinin drektoru Fərhad Məmmədovla, Xarici İşlər Nazirliyinin mətbuat xidmətinin rəhbəri Elman Abdullayevlə, Gənclər və İdman Nazirinin birinci müavini İntiqam Babayevlə, Gənclər Fondunun rəhbəri Fərhad Hacıyevlə və Demokratik İslahatlar Partiyasının sədri, Millət vəkili Asim Mollazadə ilə görüşdü. O həmçinin, AAH-nın Bakının mərkəzində təşkil olunanan flaşmoda iştirak etdi. Sonda görüşün nəticəsi olaraq Reportyorların Azadlıq və Təhlükəsizlik İnstitutunun ofisində mətbuat konfransı keçirdi.
• 15 sentyabr 2012-ci ildə Azərbaycan Avropa Hərəkatı Bakının mərkəzində - "Fəvvarələr Meydanı”nda flaşmob keçirdi. Hərəkatın mətbuat xidmətindən verilən məlumata görə, flaşmobda hərəkatın 30-dan çox könüllüsü iştirak etdi. Flaşmobun əsas şüarı "Bu gün şar, 10 il sonra Avropa Birliyinin vəsiqəsi” oldu. Flaşmoba Azərbaycanda səfərdə olan Beynəlxalq Avropa Hərəkatının baş katibi Diogo Pinto və Azərbaycan Avropa Hərəkatının Prezidenti Ramin Hacılı da qatıldı.
• 20 sentyabr 2012-ci ildə BAH-ın İdarə Heyəti toplantısında AAH-nın quruma tamhüquqlu üzlüyü ilə bağlı etdiyi müraciətə baxıldı. Bugünə qədərki fəaliyyət və AAH-nın həyata keçirdiyi tədbirlər yüksək qiymətləndirilərək BAH tərəfindən AAH tamhüquqlu üzv kimi tanındı.
Toplantıda həmçinin 2013-cü ildə keçiriləcək BAH-ın "Şərq tərəfdaşlığı” konqresinin AAH-nın təşkilatçılığı ilə Bakıda təşkil olunması qərara alındı.
• 2 oktyabr 2012-ci ildə Azərbaycanda həbs olunan gənc fəal Zaur Qurbanlı barəsində AAH məlumat yaydı. Məlumatda bildirilir ki, hadisə haqqında Azərbaycan Avropa Hərəkatına məlumat daxil olan kimi, Hərəkatın İctimaiyyətlə Əlqalər üzrə katibiPərviz Əzimov məsələ ilə bağlı müvafiq məlumatlar toplamağa, araşdırmalara başlayıb. Hal – hazırda, barəsində həbs qətiimkan tədbiri seçilmiş ictimai fəal Zaur Qurbanlıya münasibətdə dövlətin atacağı addımlar tərəfimizdən araşdırmalarımızın yekun nəticəsi kimi qiymətləndiriləcək və bu barədə Beynəlxalq Avropa Hərəkatı məlumatlandırılacaq.
• 04 oktyabr 2012-ci ildə Avropa İttifaqının "Şərq Tərəfdaşlığı” Proqramı (ŞTP) Vətəndaş Cəmiyyəti Forumunun (VCF) bu ilin 29-30 noyabr tarixlərində İsveçin Stokholm şəhərində keçiriləcək 4-cü illik görüşündə iştirak üçün Avropa İttifaqı tərəfindən seçildi. Bununla bərabər, Hərəkat eyni zamanda, ŞTP VCF-nin Azərbaycan Milli Platformasına da üzv qəbul edildi.
• 5-7 oktyabr 2012-ci il tarixlərində AAH ATƏT-in Bakı ofisinin maliyyə dəstəyi ilə həyata keçirdiyi "Gənclərin ictimai və siyasi fəallığının artırılması üzrə regional təlimlər” layihəsi çərçivəsində Şirvan, Saatlı və Lənkəran rayonlarında yerli gənclər üçün təlim keçdi.
• 12 oktyabr 2012-ci ildə AAH fəal əməkdaşların təltif olunması barəsində qərar qəbul etdi. Bunun üçün xüsusi diplomun hazırlanması qərara alındı.
•20-21 oktyabr 2012-ci tarixlərində AAH ATƏT-in Bakı ofisinin maliyyə dəstəyi ilə həyata keçirdiyi "Gənclərin ictimai və siyasi fəallığının artırılması üzrə regional təlimlər” layihəsi çərçivəsində Göyçay, Ağcabədi, Xaçmaz və Qusar rayonlarında yerli gənclər üçün təlim keçdi.
• 2012-ci il oktyabr ayı boyunca 2013-cü ilin iyun ayında Bakıda baş tutacaq "Şərq tərəfdaşlığı” konqresinin təşkili ilə bağlı müvafiq layihənin hazırlanması üçün işçi qrup yaradılıb və müvafiq qurumlarla danışıqlara start verildi.
• 23 oktyabr 2012-ci ildə AAH Beynəlxalq "UNITED” təşkilatına qoşuldu. Avropanın 46 ölkəsində 100-lərlə üzvü olan "UNITED” şəbəkəsi irqçiliyə və ayrıseçkiliyə qarşı mübarizə aparan qurumların birliyindən formalaşıb.
• 31 oktyabr 2012-ci ildə AAH 10 ayın yekunları ilə bağlı maliyyə və yazılı hesabat hazırladı. Hesabatda fəaliyyət proqramına uyğun olaraq, qarşıya qoyulan əsas məqsədlərə (müxtəlifliyi özündə birləşdirən platformanın qurulması, dövlət qeydiyyatı, tamhüquqlu üzvlük, ictimai tanınma, beynəlxalq əlaqələr, infrastrukturun yaradılması və müstəqil fəaliyyət) çatdığı öz əksini tapdı. 9 ayın hesabatının hazırlanmasında əsas məqsəd qarşıdakı iki ay ərzində növbəti ilin fəaliyyət proqramını və strateji planın hazırlanması yardım məqsədi daşıyır.
• 11-12 noyabr 2012-ci il tarixində Azərbaycan Avropa Hərəkatının ATƏT-in Bakı ofisinin maliyyə dəstəyi ilə həyata keçirdiyi "Gənclərin İctimai və Siyasi Fəallığının Artırılması Üzrə Regional Təlimlər” adlı layihə üzrə Bakıda Novxanı AF oteldə yekun təlim keçirilib. Təlimə Azərbaycanın 14 regionundan gənclər cəlb olunub. 2 gün davam edən təlim zamanı region gənclərinə strateji planlaşdırma, təşkilati quruculuq, könüllülük və şəbəkələşmə mövzularında təlimlər keçirilib.
• 13 noyabr 2012-ci il tarixində Azərbaycan Avropa Hərəkatının ATƏT-in Bakı ofisinin maliyyə dəstəyi ilə həyata keçirdiyi "Gənclərin İctimai və Siyasi Fəallığının Artırılması Üzrə Regional Təlimlər” adlı layihənin yekunu olaraq Azərbaycanın 14 regionunda "Avropa klubları" təsis edilib. Bununla da AAH-ın ATƏT-in bakı ofisi ilə həyata keçiridyi ilk layihə başa çatıb.
• 23 noyabr 2012-ci ildə Azərbaycan Avropa Hərəkatı BMT-nin maliyyə dəstəyi ilə Azərbaycan və Gürcüstan tələbələri arasında həyata keçirilən mübadilə proqramının Azərbaycan üzrə tərəfdaşı seçildi. Proqram çərçivəsində Gürcüstandan Bakıya gələcək 8 tələbə 4 gün müddətinə buradakı 8 Azərbaycanlı tələbənin evində qalacaq. Eyni qayda ilə Bakıdan Tibilisiyə gedən 8 tələbə ordakı tələbələrin evində qalacaqlar. Hər iki ölkəyə səfər zamanı gənclərə BMT tərəfindən təlimlər keçiriləcək.
• 1 dekabr 2012-ci ildə Gürcütsan və Azərbaycan tələbələri arasında keçirilən mübadilə proqramı çərçivəsində Azərbaycana səfər etmiş 6 gürcü tələbə üçün Azərbaycan Avropa Hərəkatının ofisində görüş keçirildi və bununla da proqrama start verildi. Onlara Azərbaycan Avropa Hərəkatı haqqında məlumat verilib və tələbələr hərəkatın fəaliyyətini əks etdirən materiallarla tanış oldular.
• 18 oktyabr tarixində Azərbaycan Avropa Hərəkatının təşkilatçılğı ilə Baku Creative Center-də 58 fotoqrafın 77 fotosundan ibarət "Avropalı foto sərgi”nin açılışı oldu. Müsabiqə çərçivəsində təşkil olunan sərgi zamanı ilk öncə sərginin təşkil olunmasına dəstək göstərən Avropa İqtisadiyyat Sənaye və Ticarət Palatasının rəhbəri Nizami Piriyevə, Təşkilati dəstək olan "Global Network" Partners Company şirkətinin rəhbəri Rifət Sultanzadəyə və digər şəxslərə təşəükkürnamə təqdim olundu.Daha sonra munsiflər heyəti 77 foto arasında 3 nominasiya üzrə qalibləri seçiblər. Munsiflərin birgə rəyi əsasında müəyyənləşmiş 3 qalibə Azərbaycan Avropa Hərəkatı tərəfindən diplomlar və pul mükafatı təqdim olundu.
• 25 dekabr 2102-ci ildə Azərbaycan Avropa Hərəkatı Azərbaycan respublikasının Prezidenti İlham Əliyeva müraciət edərək 2013-cü ilin azərbaycanda "Avropa ili" elan olunması ilə müvafiq səsərncamın verilməsi ilə bağlı xahiş etdi. Hərəkat 2013-cü ili "Avropa ili" elan edərək Azərbaycanda fəaliyyət gsötərən digər qurumları da bu kompaniyaya qoşulmağa çağırdı.
• 26-30 dekabr tarixlərində Azərbaycan Avropa Hərəkatının rəhbərliyində təmsil olunan şəxslərin müzakirəsi təşkil olunaraq 2013-cü il üçün fəaliyyət proqramı və strateji plan hazırlanıb. Hazırlanan proqram və planda 2013-cü ildə keçiriləcək prezident seçkiləri, avropa dəyərlərinin təbliği və Ermənistan - Azərbaycan Dağlıq Qarabağ münaqişəsinin sülh yolu ilə həll olunması istiqamətində görüləcək işlərə xüsusi yer ayrılıb.
Xarici keçidlər
- Rəsmi veb-saytı www.azeuromove.az 2013-01-29 at the Wayback Machine
- AAH BAH-ın rəsmi səhifəsində www.europeanmovement.eu
İstinadlar
- . 2012-11-03 tarixində orijinalından arxivləşdirilib. İstifadə tarixi: 2013-03-09.
- Ramin Hacılı Hərəkatın prezidenti seçildi[ölü keçid]
- Konfrans[ölü keçid]
- . 2013-01-31 tarixində orijinalından arxivləşdirilib. İstifadə tarixi: 2013-03-09.