Aygün Həsənova

Aygün Diridağlı (tam adı: Həsənova Aygün Vəzir qızı; 30 yanvar 1974, Cəbrayıl rayonu) — jurnalist, ssenari müəllifi, Azərbaycan Respublikasının Əməkdar jurnalisti (2015).

Aygün Həsənova (Diridağlı)
Aygün Vəzir qızı Həsənova
Doğum tarixi	30 yanvar 1974(51 yaş)
Doğum yeri	Cəbrayıl, Azərbaycan SSR, SSRİ
Milliyyəti	azərbaycanlı
Vətəndaşlığı	SSRİ→ Azərbaycan
Fəaliyyəti	ssenarist
Mükafatları

Həyatı

Aygün Həsənova 1974-cü il yanvarın 30-da Cəbrayıl rayonunda anadan olub. 1991-ci ildə orta məktəbi gümüş medalla başa vurub. 1996-cı ildə Bakı Dövlət Universitetinin jurnalistika fakültəsini bitirib. 1996-cı ildə Azərbaycan Dövlət Teleradio Verilişləri Şirkətinin (AzTV) radiosunda jurnalist kimi fəaliyyətə başlayıb. 1996–2010-cu illərdə Azərbaycan radiosunda müxbir, veriliş müəllifi, redaktor vəzifələrində çalışıb. Aygün Diridağlı müəllif adı ilə dövrü mətbuatda, onlayn mediada çox sayda məqalələri dərc edilib. Yerli televiziyalarda filmlərin tərcüməçisi olub. 2013-cü ildə başladılan "Gəzdim Azərbaycanı" videolayihəsinin müəlliflərindən biridir. Çox sayda videoreportajların müəllifidir.

"Azərbaycantelefilm" yaradıcılıq birliyində ssenarist kimi fəaliyyət göstərib. Bir neçə sənədli filmin ssenari müəllifidir: "İşıq həsrəti", "Ömür urası", "Mömünə Xatun türbəsi", "Əbilov teatrı", "AZƏRTAC xəbər verir…" (ssenari müəllifi və rejissor) və s.

2010–2012-ci illərdə Azərbaycan Dövlət İnformasiya Agentliyində (AZƏRTAC) müxbir, 2012-ci ildən AZƏRTAC-ın videoxəbər xidmətinin rəhbəri, 2018–2020-ci illərdə Multimedia və informasiya resursları baş redaksiyasının baş redaktorunun müavini/videoxəbər xidmətinin rəhbəri olub.

2021-ci il aprelindən 2023-cü ilin yanvarınadək "Azad Azərbaycan" teleradio şirkətində Rəqəmsal media şöbəsinin müdiri işləyib.

2017–2023-cü illərdə "Xabar 24" xəbər telekanalının Azərbaycan üzrə nümayəndəsi olub. Azərbaycanla bağlı hazırladığı müxtəlif mövzuda süjetlər Qazaxıstanın bu telekanalının efirində yayımlanıb.

2023-cü ilin fevralından 2024-cü ilin dekabrınadək Azərbaycan Dövlət İnformasiya Agentliyində (AZƏRTAC) Videoinformasiya baş redaksiyasının baş redaktoru işləyib.

Azercell şirkətinin bir sıra reklam çarxlarının mətnlərinin müəllifi olub.

Qazaxıstanın "Kazakh TV" telekanalında yayımlanan "Colors of Asia" verilişi üçün Azərbaycanın tarixi və mədəniyyəti ilə bağlı hazırlanan süjetlərin müəllifidir.

İşğaldan azad edilmiş ərazilərdən onun ssenari müəllifliyi ilə hazırlanan silsilə filmləri, həmçinin süjetləri ATV telekanalının efirində yayımlanıb.

AZƏRTAC-ın 2023-cü ildə hazırladığı "Heydər Əliyev Azərbaycandır!" iki hissəli sənədli filmin redaktorlarından biridir

2023-cü ilin dekabrında reportaj hazırlamaq üçün getdiyi Fransanın dənizaşırı ərazisi olan Yeni Kaledoniyada polis tərəfindən saxlanılıb və ölkəyə girişinə qadağa qoyulub.. Medianın İnkişafı Agentliyi, Mətbuat Şurası, Ombudsman və digər media təşkilatları Fransanın bu addımını pisləyərək jurnalistə təzyiq kimi dəyərləndiriblər. Məsələ Azərbaycanın, həmçinin Türkiyə mediasının diqqətində olub.

2024-cü ilin iyununda COP29 ilə bağlı keçirilən seminarda iştirak etmək üçün Almaniyanın Bonn şəhərinə gedərkən hava limanında ölkəyə girişinə icazə verilməyib və Şengen vizasının Fransa tərəfindən bloklandığı bildirilib. Lakin Azərbaycanın Almaniyadakı səfirliyi və UNFCCC Katibliyinin məsələyə qarışmasından, eyni zamanda, Almaniyanın rəsmi qurumlarının Fransanın tələbinin əsassız olduğunu gördükdən sonra ona ölkəyə daxil olmasına icazə verilib.

Ailəlidir, iki övladı var.

Filmoqrafiya

1. Sara Qədimova (film, 2003) (ssenari müəllifi)
2. Ağ adam (Albinos) (film, 2004) (ssenari müəllifi)
3. Əkrəm Əylisli. İşıq həsrəti (film, 2003)
4. Ömür urası (film, 2007)
5. Mömünə Xatun türbəsi
6. Əbilov klubu (film, 2004) (ssenari müəllifi)
7. AZƏRTAC xəbər verir… (film, 2015)
8. 30 ildən sonra doğulduğu torpağa dönənlərin hekayəsi — Biz qayıdırıq — Cəbrayıl / 1-ci HİSSƏ
9. 2 yaşlı qardaşım qumun üstündə qalmışdı — Əməkdar artist — Biz Qayıdırıq — Cəbrayıl / 2-ci HİSSƏ
10. Şəhid xanımından ürək dağlayan sözlər – Dedi ki, bura bəlkə mənsiz gəldiz – Biz qayıdırıq — Cəbrayıl / 3-cü HİSSƏ
11. Bir kəndin sakinlərinin 30 il sonra bitən həsrəti — Biz Qayıdırıq — Cəbrayıl / 4-cü HİSSƏ
12. "Heydər Əliyev Azərbaycandır!" — 1-ci hissə
13. "Heydər Əliyev Azərbaycandır!" — 2-ci hissə

İstinadlar

1. "Azərbaycan Dövlət İnformasiya Agentliyinin (AzərTAc-ın) əməkdaşlarına fəxri adların verilməsi haqqında Azərbaycan Respublikası Prezidentinin Sərəncamı". 2021-04-13 tarixində arxivləşdirilib. İstifadə tarixi: 2020-07-09.
2. "Azercell Rebranding commercial". 2021-11-10 tarixində arxivləşdirilib. İstifadə tarixi: 2021-10-14.
3. "Colours of Asia". 2023-06-28 tarixində arxivləşdirilib. İstifadə tarixi: 2021-10-14.
4. "Cəbrayılın işğalından 29 il ötmür: Ata-baba yurdlarına qayıdış günü uzaqda deyil". 2025-01-30 tarixində arxivləşdirilib. İstifadə tarixi: 2025-01-28.
5. ""Heydər Əliyev Azərbaycandır!"". 2025-01-29 tarixində arxivləşdirilib. İstifadə tarixi: 2025-01-28.
6. "AZƏRTAC-ın jurnalistinin Yeni Kaledoniyadan əsassız deportasiyası ilə bağlı açıqlaması". 2023-12-05 tarixində arxivləşdirilib. İstifadə tarixi: 2025-01-31.
7. "Fransanın azərbaycanlı jurnalistə qarşı qanunsuz davranışı ilə bağlı rəsmi açıqlama". 2025-01-31 tarixində arxivləşdirilib. İstifadə tarixi: 2025-01-31.
8. "HASANOVA: DEMOKRASİ VE İNSAN HAKLARI BEYANLARININ SÖZDE OLDUĞUNU GÖRDÜM". 2025-01-31 tarixində arxivləşdirilib. İstifadə tarixi: 2025-01-31.
9. AZƏRTAC Fransa hakimiyyətinin agentliyin jurnalistinə qarşı qərəzli mövqeyini qətiyyətlə pisləyir
10. "Sara Qədimova (film, 2003) — izlə (youtube.com)". 2020-08-14 tarixində arxivləşdirilib. İstifadə tarixi: 2020-07-09.
11. "Ağ adam (Albinos) (film, 2004) — izlə (youtube.com)". 2020-07-14 tarixində arxivləşdirilib. İstifadə tarixi: 2020-07-09.
12. "Əbilov klubu (film, 2004) — izlə (youtube.com)". 2023-06-28 tarixində arxivləşdirilib. İstifadə tarixi: 2020-07-09.
13. "AZƏRTAC xəbər verir... (film, 2015) — izlə (youtube.com)". 2020-09-05 tarixində arxivləşdirilib. İstifadə tarixi: 2020-07-09.
14. "30 ildən sonra doğulduğu torpağa dönənlərin hekayəsi - Biz qayıtdıq - Cəbrayıl / 1-ci HİSSƏ". 2023-05-19 tarixində arxivləşdirilib. İstifadə tarixi: 2025-01-28.
15. 2 yaşlı qardaşım qumun üstündə qalmışdı — Əməkdar artist — Biz Qayıdırıq — Cəbrayıl / 2-ci HİSSƏ
16. Şəhid xanımından ürək dağlayan SÖZLƏR – Dedi ki, bura bəlkə mənsiz gəldiz – Biz qayıdırıq — Cəbrayıl / 3-cü HİSSƏ
17. "Bir Kəndin Sakinlərinin 30 il sonra bitən həsrəti - Biz Qayıdırıq - Cəbrayıl /4-cü HİSSƏ". 2025-01-30 tarixində arxivləşdirilib. İstifadə tarixi: 2025-01-28.
18. ""Heydər Əliyev Azərbaycandır!" - - 1-ci hissə". 2025-01-29 tarixində arxivləşdirilib. İstifadə tarixi: 2025-01-28.
19. ""Heydər Əliyev Azərbaycandır!" - 2-ci hissə". 2025-01-30 tarixində arxivləşdirilib. İstifadə tarixi: 2025-01-28.

Xarici keçidlər

• Diridağlı, Aygün. "Adəmdən Akif Səmədə…" // Azərbaycan.- 2007.- № 8.- S.129–131: Qeyd: Məqalə Azərbaycan şerinin deyimli-duyumlu şairi, publisist yazarı Akif Səməd haqqındadır [AZ-J]
• Yad et məni, qaibanə, yad et!
• Viranə yurdların Novruzu…
• Xəyanət (Hekayə) Arxivləşdirilib 2020-07-09 at the Wayback Machine
• 74-lərin faciəsi: müharibənin qucaq açdığı nəsil
• Nələr gizlədər döyüşçü ürəyi…
• Gəzdim Azərbaycanı
• AZƏRTAC-ın cəbhə bölgəsindən reportajı: Atəş altında yaşayan Qapanlı kəndi
• Cəbhə xətti: Tapqaraqoyunluda 70-dək ev dağılıb – Reportaj
• Цвета Азии № 4. Архитектура Ташкента