Avianka Hava Yolları reys 203

Avianka Hava Yolları reys 203, Boqotada yerləşən El Dorado Beynəlxalq Havalimanından Kalidəki Alfonso Bonilla Aragon Beynəlxalq Havalimanına daxili reys ilə hərəkət edən uçuş. 27 noyabr 1989-cu ildə Soaça bələdiyyəsi üzərində Partlayıcı vasitə ilə partladılmışdır. Təyyarə Kolumbiyanın paytaxtı Boqotadan havaya qalxdı. Hava qalxdıqdan 5 dəqiqə sonra 794 kilometr (493 mil) sürətlə hərəkət edən təyyarə gözlənilmədən partladı.

Avianka Hava Yolları reys 203
Avianka Boing 727-100 təyyarəsi. Qəzaya uğramış təyyarənin bənzəri.
Ümumi məlumatlar
Tarix	27 noyabr 1989-cu il
Qəza növü	Partlayıcı vasitə ilə bombalama.
Qəza səbəbi	Bomba
Yer	Soaça yaxınlığında, Boqotanın 16km cənub-şərqində, Kolumbiya
Koordinatlar	4°33′30″ şm. e. 74°15′45″ q. u.
Sərnişin sayı	101
Komanda	6
Yaralı sayı	0
Ölü sayı	110 (3 nəfər partlayan təyyarənin altında qalanlar)
Təyyarə
Təyyarə modeli	Boeing 727-21
Havayolu şirkəti	Avianka Hava Yolları
Qalxma yeri	El Dorado Beynəlxalq Havalimanı, Boqota, Kolumbiya
Uçuş nömrəsi	203
Qeydiyyat nömrəsi	HK-1803

Uçuş

Təyyarə, Pan American World Hava yollarından alınan, HK-1803 qeydiyyat nömrəli Boeing 727-21 idi. Yerli vaxtla 07:13-də havalandı və havaya qalxdıqdan 5 dəqiqə sonra yanacaq deposunun yanında qoyulan bomba 13000 fit (3960m) hündürlükdə partladı. Partlayış təyyarəni parçaladı: Quyruq hissəsindən ayrılan burun hissəsi alovlu halda aşağı endi. Yerdə olan 3 nəfər və üzərilərinə düşən təyyarədəki 107 nəfərin hamısı həlak oldu.

Qəza sonrası

Uçuş 203-ün bombalanması, o zamandan bu yana Kolumbiyada yaşanan ən ölümcül cinayət hücumu olmuşdur. Medellin narkotik kartelinin yaradıcılarından olan Pablo Eskobar, 1990-cı il prezident seçimləri zamanı namizəd olmuş Sezar Qavirianı öldürmək ümidi ilə bu bombalamanı planladı. Lakin Qaviria təyyarədə deyildi və daha sonra Kolumbiyanın prezidenti oldu. Qəza zamanı ölən iki amerikalı, Amerikanın Eskobarı tapmaq üçün fəaliyyətə başlamasına səbəb oldu.

Son hadisələr

28 noyabr 2016-cı ildə Kolumbiyanın El Espectador qəzeti, Uçuş 203-ə aid 8 bölümdən ibarət olan istintaq hesabatını dərc etməyə başlamışdır. Partlayışa səbəb kimi yanacaq deposunda olan yanacaq nasosunun nasaz olması iddia edilmişdir. Hesabat Avianka şirkəti və zərər çəkmişlərin ailə üzvləri tərəfindən ağır tənqid edilmişdir.

Həmçinin bax

• Pablo Eskobar
• Medellin Karteli

İstinadlar

1.  (isp.)"Vuelo 1803, 20 años después". YouTube. Testigo Directo. İstifadə tarixi: 22 İyul 2017.
2.  (isp.)"OBJETIVO: GAVIRIA". Semana. 8 May 1995. İstifadə tarixi: 25 İyul 2017.
3. Bowden 2001, səh. 81.
4. Thomas Hoffman; Pablo Correa; Sergio Silva. "Avianca 203, la historia que nunca nos contaron" (İspan dili). El Espectador. İstifadə tarixi: 25 İyul 2017. (#apostrophe_markup)
5. Thomas Hoffman; Pablo Correa; Sergio Silva. "Avianca 203, la historia que nunca nos contaron. Capitulo 5: El detalle inconveniente" (İspan dili). El Espectador. 2 dekabr, 2016. İstifadə tarixi: 25 İyul 2017. (#apostrophe_markup)
6. "Familiares de fallecidos de avión de Avianca, en 1989, responden a investigación de El Espectador" (İspan dili). El Espectador. İstifadə tarixi: 3 Mart 2017. (#apostrophe_markup)

Xarici keçidlər

• Qəzanın təsviri