Amagi Brilliant Park

Amagi Brilliant Park (甘城ブリリアントパーク, Amagi Buririanto Pāku^?, azərb. Amaqi Brilyant Parkı‎) — Yuka Nakacimanın rəssamlığı ilə Şoci Qato tərəfindən yazılan ranobe seriyası. Ranobe seriyası Seyya Kanie adlı narsist oğlanın Mapl adlı fentezi ölkəsindən gələnlər tərəfindən təşkil olunmuş Amaqi Brilyant Parkını xilas etməyə çalışmasından bəhs edir. İlk cildi 20 fevral 2013-cü ildə Fujimi Shobo nəşriyyatı tərəfindən Fujimi Fantasia Bunko imprinti altında buraxılmışdır. 18 iyun 2016-cı ilə kimi isə 8 cildi nəşr olunmuşdur. "Amagi Brilliant Park: Maple Summoner" adlı spin-off ranobesinin isə 2014-2015-ci illərdə 3 cildi çapdan çıxmışdır.

Amagi Brilliant Park
Birinci cildin üzlüyü. Personajlar: Seyya Kanie (solda) və İsuzu Sento (sağda).
甘城ブリリアントパーク (Amagi Buririanto Pāku) azərb. Amaqi Brilyant Parkı‎
Janr	fentezi, romantik komediya
Ranobe
Müəllif	Şoci Qato
Rəssam	Yuka Nakacima
Nəşriyyat	Fujimi Shobo
Məqsədli auditoriya	kişilər
Nəşriyyat leyblı	Fujimi Fantasia Bunko
Publikasiya tarixi	20 fevral 2013 – hazırda
Cild sayı	8 (cild siyahısı)
Ranobe
Amagi Brilliant Park: Maple Summoner
Müəllif	Keyşo Yanaqava
Rəssam	Yuka Nakacima
Nəşriyyat	Fujimi Shobo
Məqsədli auditoriya	kişilər
Nəşriyyat leyblı	Fujimi Fantasia Bunko
Publikasiya tarixi	18 oktyabr 2014 – 20 fevral 2015
Cild sayı	3 (cild siyahısı)
Manqa
Yazıçı	Şoci Qato
Rəssam	Kimitake Yoşioka
Orijinal nəşriyyatı	Fujimi Shobo
Jurnal	Monthly Dragon Age
Auditoriya	şonen
Publikasiya tarixi	8 fevral 2014 – 9 sentyabr 2016
Cild sayı	6 (cild siyahısı)
Fəsil sayı	32
Manqa
Amagi Brilliant Park? Fumo
Yazıçı	Şoci Qato
Rəssam	Koci Azuma
Orijinal nəşriyyatı	Fujimi Shobo
Jurnal	Monthly Dragon Age
Auditoriya	şonen
Publikasiya tarixi	9 may 2014 – hazırda
Cild sayı	2 (cild siyahısı)
Anime serialı
Rejissor	Yasuhiro Takemoto
Prodüsser	Şinci Horikiri Şunsuke Matsumura Tomohito Naqase Yoşihisa Nakayama Yuiçi Yamada
Ssenarist	Fumihiko Şimo
Bəstəkar	Şinkiçi Mitsumune
Studiya	Kyoto Animation
Digər lisenziatları	^AVA Madman Entertainment ^ŞA Sentai Filmworks ^BB Animatsu Entertainment
Kanal	TBS, TBC, RKB, MBS, CBC, BS-TBS, TUT
Yayım tarixləri	6 oktyabr 2014 – 25 dekabr 2014
Seriya sayı	13 (seriya siyahısı)
OVA
Rejissor	Yasuhiro Takemoto
Ssenarist	Fumihiko Şimo
Bəstəkar	Şinkiçi Mitsumune
Studiya	Kyoto Animation
Digər lisenziatları	^ŞA Sentai Filmworks
İlk baxış	26 iyun 2015
Vaxt	25 dəq.
Manqa
Amagi Brilliant Park The Animation
Yazıçı	AmaBri Restoration Committee
Rəssam	Ami Hakui
Orijinal nəşriyyatı	Kadokawa
Jurnal	ComicWalker
Auditoriya	şonen
Publikasiya tarixi	2014 – hazırda
Cild sayı	3 (cild siyahısı)
Anime və manqa portalı

Üç manqa adapastiyası istehsal olunmuşdur. Kimitake Yoşioka tərəfindən hazırlanan birinci manqa Fujimi Shobo tərəfindən 2014-cü ilin fevralında 2016-cı ilin sentyabrına kimi nəşr olunmuşdur. Koci Azuma tərəfindən istehsal olunmuş ikinci manqa 2014-cü ilin mayından Fujimi Shobo tərəfindən nəşr olunur. Ami Hakui tərəfindən hazırlanan üçüncü manqa 2014-cü ildən Kadokawa tərəfindən çap olunur. Kyoto Animation tərəfindən istehsal olunmuş anime serialı adaptasiyası Yaponiyada 6 oktyabr 2014-cü ildən 25 dekabr 2014-cü ilə kimi kimi yayımlanmışdır. Anime Şimali Amerikada Sentai Filmworks, Avstraliya və Yeni Zelandiyada Madman Entertainment, Böyük Britaniyada Animatsu Entertainment tərəfindən lisenziyalaşdırılmışdır.

Məzmun

Seyya Kanie yaraşıqlı, bacarıqlı və ağıllı lisey tələbəsidir. Lakin narsist şəxsiyyətinə görə heç bir dostu yoxdur. Bir gün İsuzu Sento adlı müəmmalı qız onu görüşə dəvət edir və maliyyə problemləri üzündən bağlanmaq ərəfəsində olan Amaqi Brilyant Parkı adlı əyləncə parkına aparır. Məlum olur ki, bu əyləncə parkı əslində Mapl adlı sehrli krallıqdan gəlmiş sakinlər tərəfindən qurulub. Onlar əyləncə parkında insanları əyləndirərək sehr enerjisi toplayırlar. Əgər park bağlanarsa, o zaman Mapl sakinləri insanların diyarında yaşaya bilməzlər.

Parkı bağlanmaqdan xilas etmək istəyən Mapl şahzadəsi Latifa Flürantsa Seyyaya parkın yeni direktoru olmağı və bacarıqlarından istifadə edərək parkı xilas etməyi təklif edir. Seyya əvvəlcə tərəddüd etsə də, sonda təklifi qəbul etməli olur. Parkın bağlanmaması üçün qoyulan şərt sadəcə 3 ay ərzində 250.000 ziyarətçi çəkməkdir.

Personajlar

Əsas

Seyya Kanie (可児江 西也, Kanie Seiya^?)

Səsləndirən: Koki Uçiyama

Seyya seriyanın baş qəhrəmanıdır. Çox ağıllı, əla refleksləri olan və narsist şəxsiyyət malik lisey tələbəsidir. Uşaq ikən əyləncə sahəsində işləmiş və səhnə adı Seyya Kodama olmuşdur. İsuzuya görə hər bir valideyn bu cür uşaqla fəxr edə bilərdi. Buna baxmayaraq, Seyya İsuzuya artıq "öldüyünü" deyir. Latifah Seyyanı öpərək ona insanların nə düşündüklərini eşitməyə yarayan sehr verir, lakin bu sehr bir insanda sadəcə bir dəfə yarayır. Uşaq ikən Seyya bir dəfə Latifa ilə qarşılaşmışdı, lakin onun lənəti haqqında öyrənənə qədər bunu xatırlamır. Onun adı Kanye Vest ilə əlaqədardır.

İsuzu Sento (千斗 いすず, Sento Isuzu^?)

Səsləndirən: Ay Kakuma

Kral mühafizəçisidir. Seyyaya onunla birlikdə görüşə çıxmağa və Amaqi Brilyant Parkına getməyə məcbur edir. Stoist şəxsiyyətə malikdir, nadir hallarda emosiyalarını büruzə verir. Buna baxmayaraq, çox həssasdır. Seyyanın gəlişinə qədər parkı o idarə edirdi, lakin kral mühafizəçisi kimi aldığı tərbiyəyə və işçilər arasındakı mənfi reputasiyasına görə işinin öhdəsindən layiqincə gəlməmişdir. Seyyanın gəlişindən sonra onun katibəsi olur. Seyya ilə tanış olandan sonda şəxsiyyətində az da olsa dəyişiklik olur və ona qarşı sevgi hisləri bəsləməyə başlayır, lakin bunu etiraf etməkdən imtina edir. İsuzu Şteynberqer adlı sehrli ağızdan doldurmalı tapança gəzdidir. Tapança sehrli olduğundan bədəninin içərisində saxlayır və istədiyi yerdən çıxara bilər. Tapança üçün müxtəlif sehrli güllələr qoyula bilər. Güllərin müxtəlif effektləri olur: bəzi güllələr yaddaşı poza, bəziləri isə sadəcə ağrıya səbəb ola bilər.

Latifa Flürantsa (ラティファ・フルーランザ, Ratifa Furūranza^?)

Səsləndirən: Yukiyo Fucii

Mapl diyarının şahzadəsidir. Seyyanı öpərək ona sehrli güc verir. Trikenə görə Latifa Mofflın qardaşı qızıdır. Bədəni çox zəif olduğundan sehrli barikada ilə çevrlənmiş bağçasını tərk edə bilmir. Ranobedə Latifa kordur. Belə ki, onun bədəni bir sehrbaz tərəfindən lənətlənib. Lənətə görə onun yaddaşı və yaşı hər il yenilənir, bu isə o deməkdir ki, Latifa artıq 10 ildən çoxdur ki, 14 yaşındadır. Onun adı Kuin Latifa ilə əlaqəlidir.

İşçilər

Talismanlar

Moffl (モッフル, Moffuru^?)

Səsləndirən: Ayako Kavasumi

Papaqlı siçan formasında olan şəkər pərisidir. Amaqi Brilyant Parkının əsas talismanıdır. Seyyanı sevmir. Latifanın əmisidir və həmişə onu qorumağa çalışır. Görünüşü "Full Metal Panic? Fumoffu" seriyasının uydurma talismanı Banto ilə eynidir (bu anime də Kyoto Animation tərəfindən çəkilmiş və eyni müəllifin – Şoji Qatonun ranobesinə əsaslanır). Kimsə onu Bontanın saxta forması adlandıranda əsəbləşir. Moffl sevimli bacısı ilə evləndiyi üçün Latifanın atasına nifrət edir.

Makaron (マカロン, Makaron^?)

Səsləndirən: Ryoko Şirayşi

Qoyun formasında olan musiqi pərisidir. Parkın talismanlarından biridir. Kobud xasiyyəti var. Skripkada çala bilir. O, qızına himayədarlıq etmək üçün həyat yoldaşı ilə boşanıb.

Tirami (ティラミー, Tiramī^?)

Səsləndirən: Ay Nonaka

Çəhrayı pomeran iti formasında olan çiçək pərisidir. Parkın talismanlarından biridir. Gənc qadınlara qarşı tamahı var. Partlayıcı maddələr haqqında məlumatı var.

Vanipi (ワニピー, Wanipī^?)

Səsləndirən: Takuma Teraşima

Göy timsah formasında olan pəridir. Parkın talismanlarından biridir.

Dornel (ドルネル, Doruneru^?)

Səsləndirən: Satoşi Hino

Safsar formasında olan çiçək pərisidir. On il öncə səhvən "Ruby's Trial by Fire" adlı attraksionda xəzinə axtararkən ilişdikdən sonra burada qalıb anime və manqa baxmağa qərar vermişdir.

Çənə (ジョー, Jō^?)

Səsləndirən: Şiniçiro Miki

Köpəkbalığı formasında olan pəridir. Suya girəndə çox qorxulu görünüşə malik olur. Seyyanın ona güzgüyə baxmağa məcbur etməsinə qədər belə bacarığa malik olduğundan xəbərsiz idi.

Elementario

Muza (ミュース, Myūsu^?)

Səsləndirən: Yuka Aysaka

Su pərisi və Elementario pərilərinin lideridir. Muse çox enerjili və nikbin şəxsiyyətə malikdir, üzündən gülüş əskik olmur. Elementarionun az olan populyarlığına rəğmən səylə çalışır. Dörd pəri içərisində ən yaxşı mahnı ifa edəndir.

Silfi (シルフィー, Shirufī^?)

Səsləndirən: Tomoyo Kurosava

Külək pərisidir. Ağlı bir qarış havadadır, lakin performanslarına görə ən yaxşısıdır. Danışığında bəzən Çin deyimlərindən istifadə edir.

Kobori (コボリー, Koborī^?)

Səsləndirən: Şiori Mikami

Torpaq pərisidir. Stoist şəxsiyyətə malikdir və yaoy janrı ilə maraqlanır. Tamamilə bacarıqsız kimi göstərilir.

Salama (サーラマ, Sārama^?)

Səsləndirən: Minami Tsuda

Alov pərisidir. Elementarionun çıxışlarında tənbəl davranır və nikbin deyil. Telefonundan çox istifadə edir, hətta Elementario pəriləri arasında telefonda ən sürətli mesaj yazan pəridir.

Digər işçilər

Triken (トリケン, Toriken^?)

Səsləndirən: Cun Fukuyama

Sarı triseratops formasında olan eynəkli pəridir. Satışlardan məsuldur və bir az pozğundur.

Aşe (アーシェ, Āshe^?)

Səsləndirən: Şiori Mikami

Parkın baş mühasibidir.

Renç (レンチ, Renchi^?)

Səsləndirən: Tetsu İnada

Qayka açarı formasında olan pəridir. Mühəndislik şefidir.

Okuro (オークロ, Ōkuro^?)

Səsləndirən: Şinya Takahaşi

Baş təhlükəsizlik əməkdaşıdır. Adi insandır və güləş maskası geyinir.

Nik (ニック, Nikku^?)

Səsləndirən: Seyiçiro Yamaşita

Ət formasında olan pəridir. Ərzaq tədarükündən o məsuldur.

Qencuuro (ゲンジュウロウ^?)

Səsləndirən: Cun Fukuyama

Samuray zirehi geyinmiş və delfin formasında olan pəridir. Splash Ocean attraksionunda işləyir.

Qırmızı əjdaha Rubrum (赤龍ルブルム, Sekiryū Ruburumu^?)

Səsləndirən: Coci Nakata

Tərk edilmiş "Ruby's Trial by Fire" attrassionunda yaşayan böyük qırmızı əjdahadır. Lakin daha sonra başqa attraksionda fəaliyyət göstərməyə başlayır. Böyük ölçüsünə və görünüşünə baxmayaraq, ağlağandır və yaxşı uçmur, lakin səylə işləyir.

Taramo (タラモ^?)

Səsləndirən: Nobuyuki Hiyama

Köstəbəyə bənzər pərilərdən ibarət, qəddar imperiya tərəfindən təqib edilən və parkda sığınacaq tapan Qazıcıların lideridir. Artıq imperiyanın mövcud olmadığını öyrənəndən sonra parkda könüllüklə işləməyə razılıq verirlər.

Eyko Adaçi (安達 映子, Adachi Eiko^?)

Səsləndirən: Hiromi İqaraşi

Heyvan videolarında çəkilmiş və işçi çatışmazlığına görə cəlb edilmiş mehriban qızdır.

Biino Bando (伴藤 美衣乃, Bandō Biino^?)

Səsləndirən: Natsumi Takamori

İşçi çatışmazlığını aradan qaldırmaq üçün cəlb edilmiş bir başqa qızdır. Lakin onun böyük qardaşı ona işləməyə icazə vermir. Hovuz bölgəsinin yaxınlığındakı dondurma stendində işləyir.

Şiina Çuuco (中城 椎菜, Chūjō Shiina^?)

Səsləndirən: Haruka Çisuqa

Amagi High-dan gəlmiş utancaq qızdır. İsuzu və Kaniedən daha gəncdir. İşçi çatışmazlığını aradan qaldırmaq üçün cəlb edilmiş sonuncu şəxsdir. Çənə ilə birlikdə işləyir. Kanieyə qarşı sevgi hisləri var.

Tetsuhiqe (鉄ひげ^?, lit. Ironbeard)

Səsləndirən: Masahiko Tanaka

Mapl diyarının piratıdır. Fil formasındadır və dəmir bığı var.

Digər

Takaya Kurisu (栗栖 隆也, Kurisu Takaya^?)

Səsləndirən: Cuniçi Suvabe

Mapl diyarının kralının əmri ilə güclü əjdahanı öldürən sehrbazdır. Kral ona əjdahanı öldürmək əvəzində Latifanı vəd edir. Lakin kral Latifanı verməkdən imtina etdiyindən Takaya Latifanı lənətləmiş və indiki vəziyyətinə düşməsinə səbəbkar olmuşdur. O daha sonra Amaqi Brilyant Parkını satın almaq istəyən Amagi Development şirkətinin işçisi kimi maskalanır.

Aysu Kyuubu (久武 藍珠, Kyūbu Aisu^?)

Səsləndirən: Yuuko Kayda

Seyyanın xalası və qoruyucusudur.

Takami (タカミ, Takami^?)

Səsləndirən: Sakura Nakamura

"Savage" restoranında işləyən qadın ofisiantdır. Tez-tez Moffl, Makaron və Tiramiyə xidmət verir.

Media

Ranobe

Ranobe seriyası Yuka Nakacimanın rəssamlığı ilə Şoci Qato tərəfindən yazılmışdır. Şoci Qato bu ranobe üzərində işlədiyini 2011-ci ilin dekabrında açıqlamışdı. İlk cildi 20 fevral 2013-cü ildə Fujimi Shobo nəşriyyatının Fujimi Fantasia Bunko imprinti altında buraxılmışdır. 18 iyun 2016-cı ilə kimi 8 cildi buraxılmışdır.

Kimitake Yoşiokanın rəssamlığı ilə "Amagi Brilliant Park: Maple Summoner" (甘城ブリリアントパーク メープル サモナー^?) adlı spin-off ranobe seriyası istehsal olunmuşdur. Fujimi Shobo nəşriyyatı tərəfindən 18 oktyabr 2014-cü ildən 20 fevral 2015-ci ilə kimi 3 cildi buraxılmışdır.

Cild siyahıları

Amagi Brilliant Park

№	Yapon nəşr tarixi	Yapon ISBN
1	20 fevral 2013	ISBN 978-4-8291-3828-1
2	20 avqust 2013	ISBN 978-4-8291-3921-9
3	18 yanvar 2014	ISBN 978-4-04-070004-5
4	20 iyun 2014	ISBN 978-4-04-070207-0
5	18 oktyabr 2014	ISBN 978-4-04-070208-7
6	18 aprel 2015	ISBN 978-4-04-070209-4
7	20 oktyabr 2015	ISBN 978-4-04-070701-3
8	18 iyun 2016	ISBN 978-4-04-070702-0

Amagi Brilliant Park: Maple Summoner

№	Yapon nəşr tarixi	Yapon ISBN
1	18 oktyabr 2014	ISBN 978-4-04-070287-2
2	20 noyabr 2014	ISBN 978-4-04-070288-9
3	20 fevral 2015	ISBN 978-4-04-070289-6

Manqa

Üç manqa adaptasiyası istehsal olunmuşdur. Kimitake Yoşiokanın rəssamlığı ilə istehsal olunmuş birinci manqa adaptasiyası Fujimi Shobo nəşriyyatının "Monthly Dragon Age" jurnalının 8 fevralda buraxılmış 2014-cü il mart buraxılışında nəşr olunmağa başlamışdır. Manqanın ilk tankobon cildi 7 iyun 2014-cü ildə buraxılmışdır. 8 oktyabr 2016-cı ilə kimi isə 6 cildi çapdan çıxmışdır. "Amagi Brilliant Park? Fumo" (甘城ブリリアントパーク?ふも^?) adlı yonkoma manqası "Monthly Dragon Age" jurnalının 9 mayda buraxılmış 2014-cü il iyun buraxılışında nəşr olunmağa başlamışdır. Rəssamı Koci Azumadır. Yonkoma seriyasının 2 cildi buraxılmışdır. Üçüncü manqa adaptasiyası isə Ami Hakuinin rəssamlığı ilə AmaBri Restoration Committee (甘ブリ再生委員会, Amaburi Saisei Iinkai^?) tərəfindən yazılır və "Amagi Brilliant Park The Animation" (甘城ブリリアントパーク The Animation^?) adlanır. Bu manqa 2014-cü ildə Kadokawa şirkətinin ComicWalker saytında onlayn şəkildə yayımlanmağa başlamışdır. Üç cildi buraxılmışdır.

Cild siyahıları

Amagi Brilliant Park

№	Yapon nəşr tarixi	Yapon ISBN
1	9 iyul 2014	ISBN 978-4-04-070256-8
2	9 oktyabr 2014	ISBN 978-4-04-070408-1
3	9 aprel 2015	ISBN 978-4-04-070409-8
4	9 oktyabr 2015	ISBN 978-4-04-070724-2
5	19 mart 2016	ISBN 978-4-04-070725-9
6	8 oktyabr 2016	ISBN 978-4-04-072053-1

Amagi Brilliant Park? Fumo

№	Yapon nəşr tarixi	Yapon ISBN
1	9 yanvar 2015	ISBN 978-4-04-070458-6
2	9 oktyabr 2015	ISBN 978-4-04-070727-3

Amagi Brilliant Park The Animation

№	Yapon nəşr tarixi	Yapon ISBN
1	29 dekabr 2014	ISBN 978-4-04-070411-1
2	9 aprel 2015	ISBN 978-4-04-070509-5
3	9 oktyabr 2015	ISBN 978-4-04-070726-6

Anime

Anime serialı adaptasiyası 2014-cü ilin yanvarında anons edilmişdir. Anime Yasuhiro Takemotonun rejissorluğu ilə Kyoto Animation studiyası tərəfindən çəkilmiş və 6 oktyabr 2014-cü ildən 25 dekabr 2014-cü ilə kimi TBS, TBC, RKB, MBS, CBC, BS-TBS, TUT kanalları, eləcə də, Crunchyroll vasitəsilə yayımlanmışdır. Açılış mahnısı Akino ilə bless4 tərəfindən ifa olunan "Extra Magic Hour" (エクストラ・マジック・アワー, Ekusutora Majikku Awā^?) mahnısıdır Bağlanış mahnısı isə Yuka Aysaka, Tomoyo Kurosava, Şiori Mikami və Minami Tsudadan ibarət Brilliant4 seyyu qrupu tərəfindən ifa olunan "Elementalio de Aimashō!" (エレメンタリオで会いましょう!, Erementario de Aimashō!^?) mahnısıdır. Bundan əlavə, 26 iyun 2015-ci ildə buraxılmış 7-ci BD/DVD cildinə OVA seriyası və bütün BD/DVD cildlərinə "Amagi Brilliant Park: Wakuwaku Mini Theater - Rakugaki Backstage" adlı qısa anime seriyaları daxil edilmişdir.

Anime Şimali Amerikada Sentai Filmworks tərəfindən, Böyük Britaniyada Animatsu Entertainment tərəfindən, Avstraliya və Yeni Zelandiyada isə Madman Entertainment tərəfindən lisenziyalaşdırılmışdır.

Seriya siyahısı

№	Başlıq	Yayım tarixi
1	"Kifayət qədər ziyarətçi yoxdur!" "Okyaku ga Konai!" (お客が来ない!)	6 oktyabr 2014
2	"Kifayət qədər vaxt yoxdur!" "Jikan ga Nai!" (時間がない!)	9 oktyabr 2014
3	"Kifayət qədər dəstək yoxdur!" "Tekoire ga Kikanai!" (テコ入れが効かない!)	16 oktyabr 2014
4	"Kifayət qədər məhsuldarlıq yoxdur!" "Hisho ga Tsukaenai!" (秘書が使えない!)	23 oktyabr 2014
5	"Kifayət qədər pul yoxdur!" "Okane ga Tarinai!" (お金が足りない!)	30 oktyabr 2014
6	"Kifayət qədər insan yoxdur!" "Hitode ga Tarinai!" (人手が足りない!)	6 noyabr 2014
7	"Kifayət qədər hovuz təhlükəsizliyi yoxdur!" "Pūru ga Abunai!" (プールが危ない!)	13 noyabr 2014
8	"Kifayət qədər sevgi yoxdur!" "Koigokoro ga Todokanai!" (恋心が届かない!)	20 noyabr 2014
9	"Kifayət qədər komanda işi yoxdur!" "Chīmuwāku ga Umarenai!" (チームワークが生まれない!)	27 noyabr 2014
10	"Heç nə yaxşı olmayacaq!" "Mō Utsu Te ga Nai!" (もう打つ手がない!)	4 dekabr 2014
11	"Narahat olmağa ehtiyac yoxdur!" "Kore de Mō Shinpainai!" (これでもう心配ない!)	11 dekabr 2014
12	"Gələcəkdə nəyin baş verəcəyini heç kim bilmir!" "Mirai wa Darenimo Wakaranai!" (未来は誰にもわからない!)	18 dekabr 2014
13	"Yaxşı reklam videosu deyil!" "PV ga Tsumaranai!" (PVがつまらない!)	25 dekabr 2014
OVA	"Bunu asanca götürmək üçün vaxt yoxdur!" "Nonbirishiteiru Hima ga Nai!" (のんびりしている暇がない!)	26 iyun 2015

İstinadlar

1. "Kouki Uchiyama, Ai Kakuma, Yukiyo Fujii Star in KyoAni's Amagi Brilliant Park TV Anime". Anime News Network. August 9, 2014. İstifadə tarixi: 12 oktyabr 2016.
2. "ラノベ質問状 ： 「甘城ブリリアントパーク」　賀東招二が遊園地で着想　ヒップホップの影響も" (Japanese). Mainichi Shimbun. August 1, 2014. İstifadə tarixi: 12 oktyabr 2016.
3. "青二プロダクション　三上枝織". Aoni Production (Japanese). İstifadə tarixi: 13. (#parameter_ignored)
4. "Shoji Gatoh Plans New Comedy Novel, 'Anticipated' Works". ANN (ingiliscə). 1 yanvar 2011. İstifadə tarixi: 14 oktyabr 2016.
5. "甘城ブリリアントパーク1" (Japanese). Fujimi Shobo. İstifadə tarixi: 13 oktyabr 2016.
6. "甘城ブリリアントパーク8" (Japanese). Fujimi Shobo. İstifadə tarixi: 13 oktyabr 2016.
7. "甘城ブリリアントパーク メープルサモナー1" (Japanese). Fujimi Shobo. İstifadə tarixi: 13 oktyabr 2016.
8. "甘城ブリリアントパーク メープルサモナー3" (Japanese). Fujimi Shobo. İstifadə tarixi: 13 oktyabr 2016.
9. "甘城ブリリアントパーク2" (Japanese). Fujimi Shobo. İstifadə tarixi: 13 oktyabr 2016.
10. "甘城ブリリアントパーク3" (Japanese). Fujimi Shobo. İstifadə tarixi: 13 oktyabr 2016.
11. "甘城ブリリアントパーク4" (Japanese). Fujimi Shobo. İstifadə tarixi: 13 oktyabr 2016.
12. "甘城ブリリアントパーク5" (Japanese). Fujimi Shobo. İstifadə tarixi: 13 oktyabr 2016.
13. "甘城ブリリアントパーク6" (Japanese). Fujimi Shobo. İstifadə tarixi: 13 oktyabr 2016.
14. "甘城ブリリアントパーク7" (Japanese). Fujimi Shobo. İstifadə tarixi: 13 oktyabr 2016.
15. "甘城ブリリアントパーク メープルサモナー2" (Japanese). Fujimi Shobo. İstifadə tarixi: 13 oktyabr 2016.
16. "Shoji Gatoh's Amagi Brilliant Park Gets Manga in Dragon Age". Anime News Network. February 2, 2014. İstifadə tarixi: 13 oktyabr 2016.
17. "甘城ブリリアントパーク 1" (yaponca). Fujimi Shobo. İstifadə tarixi: 13 oktyabr 2016.
18. "甘城ブリリアントパーク 6" (yaponca). Fujimi Shobo. İstifadə tarixi: 13 oktyabr 2016.
19. (Japanese). Tohan Corporation. 2014-10-15 tarixində orijinalından arxivləşdirilib. İstifadə tarixi: 13 oktyabr 2016. (#parameter_ignored)
20. "甘城ブリリアントパーク?ふも 2" (yaponca). Fujimi Shobo. İstifadə tarixi: 13 oktyabr 2016.
21. "甘城ブリリアントパーク The Animation 3" (yaponca). Kadokawa. İstifadə tarixi: 13 oktyabr 2016.
22. "甘城ブリリアントパーク 2" (yaponca). Fujimi Shobo. İstifadə tarixi: 13 oktyabr 2016.
23. "甘城ブリリアントパーク 3" (yaponca). Fujimi Shobo. İstifadə tarixi: 13 oktyabr 2016.
24. "甘城ブリリアントパーク 4" (yaponca). Fujimi Shobo. İstifadə tarixi: 13 oktyabr 2016.
25. "甘城ブリリアントパーク 5" (yaponca). Fujimi Shobo. İstifadə tarixi: 13 oktyabr 2016.
26. "甘城ブリリアントパーク?ふも" (yaponca). Fujimi Shobo. İstifadə tarixi: 13 oktyabr 2016.
27. "甘城ブリリアントパーク The Animation 1" (yaponca). Kadokawa. İstifadə tarixi: 13 oktyabr 2016.
28. "甘城ブリリアントパーク The Animation 2" (yaponca). Kadokawa. İstifadə tarixi: 13 oktyabr 2016.
29. "Amagi Brilliant Park Novels Gets Anime by Kyoto Animation". ANN (ingiliscə). 14 yanvar 2016. İstifadə tarixi: 14 oktyabr 2016.
30. "Yuka Aisaka, Tomoyo Kurosawa, Shiori Mikami, Minami Tsuda Perfom Amagi Brilliant Park Ending Theme". Anime News Network. September 2, 2014. İstifadə tarixi: 14 oktyabr 2016.
31. "Crunchyroll to Stream Kyoto Animation's Amagi Brilliant Park". ANN (ingiliscə). 20 may 2015. İstifadə tarixi: 14 oktyabr 2016.
32. "Amagi Brilliant Park 1st Promo Previews Opening Theme". Anime News Network. August 15, 2014. İstifadə tarixi: 14 oktyabr 2016.
33. "Amagi Brilliant Park's 7th Blu-ray/DVD to Include Unaired Episode". ANN (ingiliscə). 28 fevral 2015. İstifadə tarixi: 14 oktyabr 2016.
34. "Sentai Filmworks Licenses KyoAni's Amagi Brilliant Park Anime". ANN (ingiliscə). 7 aprel 2015. İstifadə tarixi: 14 oktyabr 2016.
35. "Manga Entertainment and Animatsu News From London Comic Con". ANN (ingiliscə). 23 oktyabr 2015. İstifadə tarixi: 14 oktyabr 2016.
36. "Madman Announcements from SMASH! 2015". ANN (ingiliscə). 9 avqust 2015. İstifadə tarixi: 14 oktyabr 2016.

Xarici keçidlər

• Amagi Brilliant Park rəsmi saytı  (yap.)
• Amagi Brilliant Park TBS-də  (yap.)
• Amagi Brilliant Park (anime) Anime News Network Ensiklopediyasında