Almaz Mustafayeva

Mustafayeva Almaz Əhməd qızı (1 oktyabr 1949(1949-10-01), Ağdam – 26 dekabr 2020(2020-12-26)) — Azərbaycan Dövlət Gənc Tamaşaçılar Teatrının aktrisası, Azərbaycanın əməkdar artisti, "Qızıl Dərviş" mükafatı laureatı.

Almaz Mustafayeva
Almaz Əhməd qızı Mustafayeva
Doğum tarixi	1 oktyabr 1949
Doğum yeri	Ağdam Azərbaycan SSR
Vəfat tarixi	26 dekabr 2020 (71 yaşında)
Milliyyəti	azərbaycanlı
Vətəndaşlığı	SSRİ Azərbaycan
Uşağı	Tural Mustafayev
Atası	Əhməd Mustafayev
Fəaliyyəti	Aktrisa, film səsləndirən
Fəaliyyət illəri	1970-ci ildən bu günə kimi
Mükafatları	«Qızıl Dərviş» mükafatı,Kalmıkiya Respublikası Mədəniyyət Nazirliyinin Fəxri Fərmanı

Həyatı

Almaz Mustafayeva 1 oktyabr 1949-cu ildə Ağdam şəhərində doğulub. "Azərbaycanfilm" kinostudiyasının nəzdində 3 illik kinoaktyorluq kursunu bitirib. 1968-ci ildə kinostudiyada rejissor köməkçisi işləyib. 1970-ci il iyunun 1-dən Azərbaycan Dövlət Gənc Tamaşaçılar Teatrının aktrisası olmuşdur.

Almaz Mustafayeva kino tarixinə də bir sıra obrazlar bəxş edə bilib. Həmkarları çıxışları zamanı aktirsanın oynadığı "Sehirli xalat", "Yeddi oğul istərəm", "Aktirsanın təbəssümü", "Şir evdən getdi", "Cavanşir" filmlərindən söz açıblar. Almaz xanımın ilk səhnə debütü oğlan obrazı olub.

Almaz Mustafayeva 26 dekabr 2020-ci ildə vəfat etmişdir.

Mükafatları

1997-ci ildə "Qızıl Dərviş" mükafatı ilə təltif olunub. 2013-cü ilin iyun ayının 25-də Əməkdar Artist fəxri adına layiq görülüb. 2014-cü ilin aprel ayının 13-də beynəlxalq mədəni əlaqələrin möhkəmləndirilməsi sahəsində əldə etdiyi uğurlara görə Kalmıkiya Respublikası Mədəniyyət Nazirliyinin Fəxri Fərmanı ilə mükafatlandırılmışdır.

Əsas rolları

1. Sadıx — ("Mənim nəğməkar bibim", Əkrəm Əylisli
2. Bahar — ("Ana laylası", İskəndər Coşğun)
3. Balaca — ("Mənim mehriban balam", Şaqinyan)
4. Ramo — ("Əlvida Hindistan", Qeybulla Rəsulov)
5. Əhməd — ("Tamahkar", Süleyman Sani Axundov)
6. Aycan, Sevinc gülü — ("Aycan", Xanımana Əlibəyli)
7. İlqar — ("Sehirli yaylıq", Kərim Həsənov)
8. Gəlincik — ("Gəlincik", Abdulla Şaiq)
9. Bala dovşan — ("Çal oyna", İskəndər Coşğun)
10. Alverçi — ("Ələddinin sehrli çırağı", Nicat Kazımov)
11. Lalə — ("Açıl, bənövşəm açıl", İskəndər Coşğun)
12. Qadın – ("Ah, qadınlar, qadınlar", Marat Haqverdiyev)
13. Nazar – ("Sirr", Alla Axundova)
14. Babuşka – ("Hind fantaziyası", Rafiq Əliyev)
15. Pyero – ("Çəkməli pişik", Nicat Kazımov)
16. I Xanım – ("Yatmış gözəl" B.Marvin)
17. Tənbəl qız – ("Göyçək Fatma" Azərbaycan xalq nağılı)
18. Zümrüd – ("Mən səni sevirəm" Ə.Əmirli)
19. Yetər – ("Qaraca qız" S.S.Axundov, A.Şaiq)
20. Tortilla – ("Buratinonun macəraları" A.Tolstoy)
21. Qırmızı papağın nənəsi – ("Qırmızı papağın nağılı" Y.Şvarts)

• Aktyor Tural Mustafayevin anasıdır.

Filmoqrafiya

1. Sehrli xalat (film, 1964) — rol: Səkinə
2. Yeddi oğul istərəm... (film, 1970) — rejissor köməkçisi
3. Aktrisanın təbəssümü (film, 1974) — rol: Dilbərin rəfiqəsi
4. Şir evdən getdi (film, 1977) — rol: meymun
5. Toplan və kölgəsi (film, 1977) — film səsləndirən: Toplan
6. Cavanşir (film, 2002) — film səsləndirən: Cavanşir
7. Ovsunçu (film, 2002) — film səsləndirən: Rövşən (Murad Cəfərov )
8. 3 bacı (film, 2012-2014) (bədii serial) (rol: Kübra)
9. 5+ (film, 2014-2015) (bədii serial) (rol: Safura)
10. İmtahan (teleserial, 2017) (bədii serial) (rol: Pakizə)

İstinadlar

1. Almaz Mustafayeva: "Bu serial ilə ikinci həyatımı yaşayıram".
2. Mustafayeva Almaz Ahmed qizi (Azerbaijan State Theatre of Young Spectators)
3. Aktrisa Almaz Mustafayevanın yubileyi qeyd olundu
4. Kulis. "Əməkdar artist vəfat etdi" (azərb.). Kulis.az. İstifadə tarixi: 2020-07-26.