APA TV

APA TV — APA Group şirkətinin tabeliyində fəaliyyət göstərən internet televiziyası.

APA TV
Ölkə	Azərbaycan
Yayım ərazisi	internet
Dil	Azərbaycan dili
Baş qərargah	Nəcəfqulu Rəfiyev küçəsi, məhəllə №11/45, Xətai, Bakı, Azərbaycan
Yaranma tarixi	29 may 2013 6 sentyabr 2019 11:00 (ikinci açılış)
Bağlanma tarixi	1 avqust 2018
Sahibi	Vüsalə Mahirqızı
Rəhbərlik	Vüqar Hüseynov (2013 – 2018) Cavid İsmayıl (2018; 2019 – hal-hazırda)
Şüar	Xəbəri bizdən öyrənin!
Sayt	apa.tv

Tarixçə

Televiziya 2012-ci ilin oktyabr ayının 31-də qeydiyyatdan keçib. “APA Group” MMC-nin tərkibində fəaliyyət göstərən APA TV 29 may 2013-cü ildən onlayn yayımlanır. Televiziya baş direktor və Yaradıcılıq Şurası tərəfindən idarə olunur. APA TV-də ictimai-siyasi, maarifləndirici, sosial, dini, elmi, iqtisadi verlişlər təqdim olunur. 2018-ci ilin avqust ayının 1-də Azərbaycan Prezidenti İlham Əliyev Bakının Qaradağ rayonunun Lökbatan qəsəbəsində Qarabağ, Böyük Vətən müharibələri, Çernobıl əlillərinə və şəhid ailələrinə mənzillərin və avtomobillərin verilməsi mərasimində çıxışı ilə bağlı təhrif olunmuş məlumat yayan APA Group MMC-yə daxil olan bütün xəbər mənbələrinin, o cümlədən, APA TV-nin fəaliyyəti dayandırıldı. Prezidentin çıxışında "Ermənistanı sarsıdacağıq" deməsinə baxmayaraq APA bu ifadəni "Ermənistanı diz çökdürəcəyik" başlığı ilə dərc etmişdi. Lakin "APA Group" fəaliyyətini 2019-cu ildə bərpa edə bildi. Həmçinin, həmin ilin sentyabr ayında APA TV də yenidən yayıma başladı. Televiziyada hər gün saat 10:00-dan 00:00-a qədər siyasi, sosial və mədəni verilişlər yayımlanır. Kanalın bölgələrdə və ölkə hüdudlarından kənarda müxbir postları fəaliyyət göstərir.

Proqramlar

• APA TV Xəbər
• APAralel (aparıcı: İlqar Əlfioğlu; Sevinc Vaqifqızı)
• Sosium (aparıcı: Sevinc Vaqifqızı)
• Yaşıl orta (aparıcı: Oqtay Quliyev)
• Müxtəsər (aparıcı: Orxan Məmmədli)
• Hadisədən sonra (aparıcılar: Orxan Məmmədli və Şamil Paşayev)
• Hüquq vaxtı (aparıcı: Şamil Paşayev)
• Tahirə ilə Günün yarısı (aparıcı: Tahirə Məmmədqızı)
• Birdən milyona (aparıcı: İradə İsaq)
• Ocaq əmanəti (aparıcı: Nuranə Namazova)
• Öncə sağlıq (aparıcı: İqrar Eyvazov)
• Avtovaxt (aparıcı: İqrar Eyvazov)
• Yerində (aparıcılar: İlqar Əlfioğlu; Nəsimi Nəbizadə; Sevinc Vaqifqızı və s.)
• Reportaj
• Günün məzənnələri
• Hava haqqında
• Dünyanın bu günü
• Sözsüz

Xarici keçidlər

• APA TV | Facebook
• APA TV | YouTube
• APA TV | Twitter
• APA TV | Instagram
• APA TV | Canlı
• APA Group | Android

İstinadlar

1. Modern.az – APA TV-nin 2 yaşı tamam oldu
2. Real TV – APA TV yenidən fəaliyyətə başladı
3. News24.az – Vüsalə Mahirqızı: "APA həyatımda bir imzadır"
4. Novator.az – Cavid İsmayıl APA TV-nin direktoru oldu
5. APA TV – Haqqımızda
6. Xural – APA Holdinqi çökdürdülər
7. Sahar Azeri – APA informasiya portalına giriş bağlanıb
8. Qafqazinfo – APA yenidən açıldı
9. APA – APA TV fəaliyyətini davam etdirir
10. ONA – APA TV fəaliyyətini davam etdirir