İlhamə Qasımova

İlhamə Qasımova — Azərbaycan pop müğənnisi.

İlhamə Qasımova
azərb. İlhamə Qasımova‎
Ümumi məlumatlar
Ləqəbi	İlhamə
Doğum tarixi	24 may 1976(48 yaş)
Doğum yeri	Bala Şürük, Lənkəran, Azərbaycan SSR, SSRİ
Vətəndaşlığı	Azərbaycan
Milliyyəti	talış
Musiqiçi məlumatları
Fəaliyyəti	müğənni
Fəaliyyət illəri	2005-bu günə qədər
Janr	pop musiqi
Albom şirkəti	Universal Music Group^[d]
Əlaqələri	,,Murad Arif

Həyatı

İlhamə Qasımova 1976-cı ilin 24 mayında Lənkəran rayonunun Bala Şürük kəndində anadan olmuşdur. Orada kənd məktəbini bitirmişdir. Lənkəran Dövlət Universitetində filologiya fakültəsini bitirdikdən sonra iki il orta məktəbdə Azərbaycan dili və ədəbiyyatı müəllimi işləmişdir.

1990-cı illərin sonundan bir müddət Daxili İşlər Nazirliyinin pasport xidmətində müfəttiş işləmişdir.

Müğənnilik fəaliyyəti

2000-ci ildə keçirilmiş "Bakı Payızı" müsabiqəsinə qatılır və bu yarışda birinci mükafatı əldə edir . 5 il sonra İlhamə "Yeni Ulduz-4" (2005-2006) müsabiqəsinə qatılır. O, bu yarışmada Avroviziyanın 2009-cu il Azərbaycan təmsilçisi olacaq Aysel Teymurzadə ilə birgə yarışırdı . Müsabiqədəki qələbəsi İlhamə Qasımovanın peşəkar musiqi karyerasının başlanğıcına səbəb oldu.

İlhamə Qasımova 2011-ci ildə Avroviziyanın Azərbaycan milli seçimində uğurla çıxış etmişdir. Lakin 11 fevral finalında o, Ell & Nikki duetinə məğlub oldu. Bu hadisədən sonra İlhamə öz fəaliyyətini Almaniyada davam etdirmək qərarına gəldi . Orada "Universal Music"lə müqavilə imzaladı .

2011-ci ilin noyabrında İlhamə Qasımova ilə özünün ilk sinqlını – "Bei Mir Bist Du Sheen"-i yazdırır. Bu, məşhur "Yiddish song"-un ("İdiş mahnısı") müasir versiyası idi . Mahnının klipi "iTunes"-də altıncı ən çox satılan video olmuşdur . İlhamə Qasımova 1930-1950-ci illərin məşhur mahnılarının remikslərindən ibarət albom buraxmağı nəzərdə tutmuşdur .

2012-ci ilin yanvar-fevral aylarında İlhamə Qasımova ilk böyük turunu təşkil etmiş və Almaniya ilə Avstriyanın ətrafında olan şəhərlərdə konsertlər vermişdir. Həmin şəhərlərin sırasında Vyana, Berlin, Karlsrue, Fulda, Lübek və Lüdviqşafen də var idi .

Şəxsi həyatı

1993-cü ildə, 17 yaşı olarkən, İlhamə Qasımova nikahda olmuşdu. Qasımova öz istəyi ilə bu evliliyə son qoyur. 2009-cu ildən o, ümumi qanuna görə 14 yaş özündən böyük bir həmkarı ilə yaşayır .

Filmoqrafiya

1. Şər qarışanda (film, 2016)
2. Mələyin öpüşü (film, 2017)

İstinadlar

1. . 2012-06-11 tarixində orijinalından arxivləşdirilib. İstifadə tarixi: 2012-09-05.
2. "Продюсер Октай Алиев: «Айсель Теймурзаде не смогла проявить себя на конкурсе "Йени улдуз"»". 2019-12-06 tarixində . İstifadə tarixi: 2012-09-05.
3. "Азербайджанская певица планирует покорить европейскую сцену". 2019-12-06 tarixində . İstifadə tarixi: 2012-09-05.
4. "Ильхама Гасымова исполнила хит Эдит Пиаф". 2011-11-29 tarixində . İstifadə tarixi: 2012-09-05.
5. "İlhamə Qasımova. Azərbaycanın ən yaxşı qadın artisti". 2020-08-15 tarixində . İstifadə tarixi: 2014-04-12.
6. . 2012-04-07 tarixində orijinalından arxivləşdirilib. İstifadə tarixi: 2012-09-05.
7. "Азербайджанская певица наступает на пятки Дженнифер Лопес". 2019-12-06 tarixində . İstifadə tarixi: 2012-09-05.
8. "Выпущен первый европейский сингл Ильхамы Гасымовой". 2011-11-19 tarixində . İstifadə tarixi: 2012-09-05.
9. "İlhamə Qasımova Avropada anşlaq yaradıb". 2018-05-28 tarixində . İstifadə tarixi: 2012-09-05.
10. . 2012-04-05 tarixində orijinalından arxivləşdirilib. İstifadə tarixi: 2012-09-05.

Xarici keçidlər

• Yotube-da İlhamə Qasımovanın rəsmi səhifəsi
• Müğənni İlhamə Qasımova Gəlin danışaq