Saçaqlı pendir

Saçaqlı pendir, çeçil pendir və ya tel pendiri - Azərbaycan, Türkiyə, Ermənistan və Gürcüstan mətbəxlərində hazırlanan pendir növü.

Türkiyədə satılan saçaqlı pendirlər.

Coğrafiyası

Saçaqlı pendir Ermənistan yaylasında hazırlanan pendir növlərindən biridir və husats adlandırılır. 1915-ci ildə Suriyaya köçən ermənilər bu pendir növünü buraya da gətirmişdirlər. Türkiyədə saçaqlı pendir əsasən Ərdəhan və Ərzurumda istehsal olunur. Türkiyədə çeçil adı ilə tanınır.

Hazırlanması

Saçaqlı pendirin tərkibi yağsız inək südündən, turşumuş süddən və pendir mayasından ibarətdir. Saçaqlı pendirin hər 100 qramında 320 K kalori mövcuddur.

Saçaqlı pendiri hazırlamaq üçün yağsız inək südünə turşumuş süd əlavə edilir və 10-18 saat gözlədilir. Bu müddətdən sonra südə maya əlavə edilərək isidilir. Südün üzərində yığılan şəffaf maye götürüldükdən sonra alınmış dələmə 0,5-1 saat gözlədilir və üzərinə duz əlavə olunur.

İstifadəsi

Saçaqlı pendir əsasən səhər yeməyində yeyilir. Tərkibində kalisum və B2 vitamini olduğu üçün inkişaf etməkdə uşaqlar üçün faydalı hesab olunur.

İstinadlar

1. Batello, Caterina. GARDENS of BIODIVERSITY: Conservation of genetic resources and their use in traditional food production systems by small farmers of the Southern Caucasus (ingilis). Food and Agriculture Organization. 2018. səh. 235. ISBN 978-92-5-106613-3. 2022-05-19 tarixində . İstifadə tarixi: 2022-06-01. In both Armenia and Georgia, chechil is a very popular stringy cheese
2. Petrosian., I. and Underwood., D. (2006). Armenian Food: Fact, Fiction and Folklore. Yerkir Publishing, Bloomington, Indiana, USA.
3. "Civil Peyniri". Yemek.com. 2015-11-26. 2019-04-03 tarixində . İstifadə tarixi: 2019-12-27.
4. "Tel (Çeçil) peynirinin faydaları nelerdir?". Haber 7 (türkçə). 2020-04-25 tarixində . İstifadə tarixi: 1 iyun 2022.