Şeyx Sultan Əli
Şeyx Sultan Əli (XV əsr – 1494, Ərdəbil) — Səfəviyyə ordeninin VII şeyxi, Şah İsmayıl Xətainin böyük qardaşı.
Şeyx Sultan Əli | |||||||
---|---|---|---|---|---|---|---|
| |||||||
Sələfi | Şeyx Heydər | ||||||
Xələfi | Şah İsmayıl Xətai | ||||||
Şəxsi məlumatlar | |||||||
Doğum tarixi | XV əsr | ||||||
Vəfat tarixi | |||||||
Vəfat yeri |
| ||||||
Dəfn yeri | |||||||
Atası | Şeyx Heydər | ||||||
Anası | Aləmşah bəyim |
Həyatı
Şeyx Sultan Əlinin atası Şeyx Heydər Səfəviyyə ordeninin şeyxi, anası Aləmşah bəyim isə Ağqoyunlu padşahı Uzun Həsənin qızı olmuşdur. Kiçik qardaşı Şah İsmayıl, Səfəvilər dövlətinin ilk şahı olmuşdur Şeyx Sultan Əli 7 iyul 1488-ci il Şeyx Heydərin ölümündən sonra Səfəviyyə təriqətinin başçısı olmuş, Səfəvilər içində ilk dəfə özünə padşah titulunu götürmüşdü.Ölkə daxilində nüfuzunun artmasından və Şiəliyi(12 imamiliyi) təbliğ etməsindən qorxan Sultan Yaqub, Şeyx Sultan Əli və qardaşları İbrahim və İsmayılı anaları ilə birgə İstəxr qalasına həbs etdirmişdir. Lakin,sonradan Ağqoyunlu taxtına Rüstəm Mirzə çıxmış, Şeyx Sultan Əlini və ailəsini sərbəst buraxdırmışdır. Rüstəm Mirzə Sultan Əlinin nüfuzundan istifadə etməyi planlaşdırmışdı.Sultan Əli də 1493-cü ilin avqustunda Baysunqura qarşı Rüstəm mirzəyə kömək etmişdir, fəqət Sultan Əlinin nüfuzunun sürətlə artması,qızılbaşların və şiə müridlərinin çoxalması,Rüstəm Mirzəni narahat edirdi.Ona görə də 1494-cü ildə Şəməsi adlı yerdə Səfəvilər ilə Ağqoyunlular arasında qanlı döyüş olmuşdur. Bu döyüşdə də Şeyx Sultan Əli Əbih Sultan tərəfindən öldürülmüşdür.