Şahin Seyidzadə
Şahin Seyidzadə (Şahin Kamil oğlu Seyidzadə, 1978-ci il Bakı şəhəri) — Azərbaycan Milli Məclisinin VI çağırış üzvü, Heydər Əliyev Fondunun "Regional İnkişaf" İctimai Birliyinin "Sosial layihələr" müsabiqəsinin (2019-cu ildən), Azərbaycan Respublikası Təhsil Nazirliyinin SABAH qruplarının İcra Komitəsinin rəhbəri (2015-ci ildən).
Şahin Seyidzadə | |||||||
---|---|---|---|---|---|---|---|
Şahin Kamil oğlu Seyidzadə | |||||||
| |||||||
Şəxsi məlumatlar | |||||||
Partiya | Bitərəf | ||||||
Təhsili | |||||||
Doğum tarixi | 15 aprel 1978 (43 yaş) | ||||||
Doğum yeri | |||||||
Vətəndaşlığı | SSRİ→ Azərbaycan | ||||||
Milliyyəti | azərbaycanlı | ||||||
Elmi fəaliyyəti | |||||||
Elmi dərəcəsi | Dissertant | ||||||
| |||||||
Təltifləri | “Azərbaycan Respublikası Prezidentinin Fəxri Diplomu” “Bakı Dövlət Universitetinin 100 illiyi (1919–2019)” | ||||||
seyidzade.az |
Həyatı
Təhsili
Şahin Seyidzadə 1995-ci ildə akademik Azad Mirzəcanzadənin təşəbbüsü ilə yaradılmış Həbib bəy Mahmudbəyov adına Texniki-Humanitar Liseyi bitirmişdir.
- 1999-cu ildə Azərbaycan Dövlət Pedaqoji Universitetinin bakalavr pilləsini bitirmişdir.
- 2001-ci ildə Azərbaycan Dövlət Pedaqoji Universitetinin magistr pilləsini bitirmişdir.
- 2006-ci ildə Azərbaycan Dövlət İqtisad Universitetinin "Menecment" ixtisası üzrə magistr dərəcəsi almışdır.
- 2007-ci ildə Sosial və İqtisadi elmlər üzrə Moskva Ali Məktəbinin "Təhsilin təşkili və idarəetməsi" ixtisası üzrə təhsil almışdır.
- 2007-ci ildə isə İngiltərənin Mançester Universitetinin "Təhsilin təşkili və idarəetməsi ixtisası" üzrə magistr dərəcəsi almışdır.
Hazırda Azərbaycan Dövlət Pedaqoji Universitetinin "Təhsilin təşkili və idarəetməsi" üzrə fəlsəfə doktorluğu üzrə dissertantıdır. İngilis və Rus dillərində sərbəst danışa bilir.
Ailəsi
Ailəlidir, iki övladı var.
Fəaliyyəti
Peşəkar fəaliyyəti
- 1999–2005-ci illərdə "Milli Debat Mərkəzi"nin direktoru olmuşdur.
- 2005–2007-ci illərdə "İnsan Resursları Məktəbi"nin rəhbəri olmuşdur.
- 2006–2012-cı illərdə bir sıra özəl müəssisələrin rəhbərlik vəzifələrində çalışıb.
- 2012–2016-cı illərdə Azərbaycan Respublikası Gənclər Təşkilatları Milli Şurasının sədri olmuşdur.
- 2012–2017-ci illərdə Azərbaycan Respublikasının Prezidenti yanında Gənclər Fondunun Müşahidə Şurasının üzvü olmuşdur.
- 2015-ci ildən Azərbaycan Respublikası Təhsil Nazirliyinin "SABAH qrupları"nın İcra Komitəsinin rəhbəridir.
- 2019-cu ildən Azərbaycan Respublikası Sahibkarlar (İşəgötürənlər) Təşkilatları Milli Konfederasiyası "Gənc sahibkarlarla iş komissiyası"nın sədr müavinidir.
- 2019-cu ildən Heydər Əliyev Fondunun təşəbbüsü ilə "Regional İnkişaf" İctimai Birliyi tərəfindən həyata keçirilən "Sosial layihələr" müsabiqəsinin rəhbəridir.
- 9 fevral 2020-ci ildə keçirilən növbədənkənar parlament seçkilərində 50 saylı Abşeron-Qobustan seçki dairəsi üzrə VI çağırış millət vəkili olaraq seçilmişdir.
Azərbaycan Respublikasının Milli Məclisinin Elm və Təhsil, həmçinin Gənclər və idman Komitələrinin, "Ali təhsil haqqında" Azərbaycan Respublikası Qanunu layihəsinin hazırlanması məqsədi ilə yaradılmış İşçi Qrupunun, həmçinin Avropa Parlamenti ilə Əməkdaşlıq Komitəsinin üzvüdür.
Rəhbər və üzv olduğu parlamentlərarası işçi qruplar
- 24 aprel 2020-ci ildən Azərbaycan-Mavritaniya parlamentlərarası əlaqələr üzrə işçi qrupunun rəhbəridir.
- Azərbaycan-Avstraliya və Yeni Zelandiya parlamentlərarası əlaqələr üzrə, Azərbaycan-Birləşmiş Ərəb Əmirlikləri parlamentlərarası əlaqələr üzrə, Azərbaycan-Gürcüstan parlamentlərarası əlaqələr üzrə, Azərbaycan-Hindistan parlamentlərarası əlaqələr üzrə, Azərbaycan-İsrail parlamentlərarası əlaqələr üzrə, Azərbaycan-Litva parlamentlərarası əlaqələr üzrə üzrə işçi qruplarının üzvüdür.
İctimai fəaliyyəti
İctimai-siyasi fəaliyyətinə 1999-ci ildən başlayan Şahin Seyidzadə, bir çox ictimai və dövlət əhəmiyyətli layihələrə rəhbərlik edib.
- 2005-ci ildən "Vətəndaş Cəmiyyətində Debat" İctimai Birliyinin həmtəsisçisidir.
- 2007–2009-cu illərdə "Karyera Akademiyası" layihəsinin rəhbəri olmuşdur.
- 2012-ci ildən gənc sahibkarların təşəbbüslərinə dəstək verən "Youth Inc." Sahibkarlara Dəstək Proqramının (Biznes İnkubator) həmtəsisçidir.
- 2012-ci ildə 2012 Avroviziya Mahnı Müsabiqəsinin keçirilməsinə dəstək məqsədi ilə yaradılmış "Step In!" kampaniyasının rəhbəri olmuşdur.
- 2013-cü ildə baş tutan Prezident seçkiləri zamanı İlham Əliyevin namizədliyinə dəstək məqsədi ilə yaradılmış "Mənim Prezidentim" kampaniyasının rəhbəri olmuşdur.
- 2015-ci ildə Azərbaycanda keçirilən "Avropa Oyunları" zamanı ictimai tədbirlərin təşkili, "SABAH Könüllüləri"nin inkişafı üzrə fəaliyyət göstərmişdir.
- Azərbaycan Respublikasının Prezidenti İlham Əliyevin 2007, 2011 və 2016-cı illərdə gənclərlə keçirilən görüşündə iştirak etmişdir.
- "Azərbaycan gəncliyi 2011–2015-ci illərdə Dövlət Proqramı"nın layihəsini hazırlayan işçi qrupunun üzvüdür.
Mükafatları
- Gənclər siyasətinin həyata keçirilməsində səmərəli fəaliyyətinə görə "Azərbaycan Respublikası Prezidentinin Fəxri Diplomu", 28 yanvar 2016-cı il
- "Bakı Dövlət Universitetinin 100 illiyi (1919–2019)" Azərbaycan Respublikasının Yubiley Medalı, 6 dekabr 2019-cu il
İştirak etdiyi tədbir və təşkilatlar
- Dünya Türk Gəncləri Birliyinin (DTGB) XVI Qurultayı [1]
- MDB ölkələrinin Gənclərlə iş üzrə Şurasının iclası [2], 2012
- "Şərq Tərəfdaşlığı ölkələrinin gənclər siyasətinin dəstəklənməsi proqramı", 2013
- Avropa Şurasının Parlament Assembleyasında iştirak [3], 2013
- Paris Sorbonna Abu Dabi Universitetində "SABAH Qrupları" tələbələri üçün keçirilən "Tənqidi düşüncə texnikası" adlı 5 günlük təlim [4], 2016
- Azərbaycan Sahibkarlar Konfederasiyası "Gənc sahibkarlarla iş komissiyası"nın sədr müavini, 2019
İstinadlar
- https://president.az/articles/7493
- https://meclis.gov.az/news-comit.php?id=16&lang=az&cat=55
- https://meclis.gov.az/news-comit.php?id=13&lang=az&cat=55
- https://www.meclis.gov.az/?/az/workgroups/147
- https://www.meclis.gov.az/?/az/workgroups/97
- https://www.meclis.gov.az/?/az/workgroups/102
- https://www.meclis.gov.az/?/az/workgroups/118
- https://www.meclis.gov.az/?/az/workgroups/119
- https://www.meclis.gov.az/?/az/workgroups/126
- https://www.meclis.gov.az/?/az/workgroups/140
- Azərbaycan gəncliyi 2011–2015-ci illərdə Dövlət Proqramı"
- "Azərbaycan Respublikası Prezidentinin fəxri diplomu" ilə təltif edilməsi haqqında Azərbaycan Respublikası Prezidentinin Sərəncamı
Xarici keçidlər
- ""Azərbaycan Respublikası Prezidentinin fəxri diplomu" ilə təltif edilməsi haqqında Azərbaycan Respublikası Prezidentinin Sərəncamı" (azərb.).
- ""Mənim Prezidentim" illik fəaliyyətlərinin yekunu ilə bağlı tədbir keçirilib" (azərb.).
- "Şahin Seyidzadə MDB ölkələrinin Gənclərlə iş üzrə Şurasının iclasında iştirak edib" (azərb.).
- "ARGTMŞ sədri Dünya Türk Gəncləri Birliyinin (DTGB) XVI Qurultayı çıxış edib" (azərb.).
- "ARGTMŞ sədri bir sıra görüşlər keçirib" (azərb.).
- "ARGTMŞ sədrinin mətbuat konfransı olmuşdur" (azərb.).
- "Azərbaycan Respublikasının Prezidenti yanında Gənclər Fondunun Müşahidə Şurası üzvlərinin təyin edilməsi haqqında sərəncam" (azərb.).
- "Təhsil avtobusu iki min kilometrdən çox məsafə qət edəcək" (azərb.).
- "Təhsil avtobusu iki min kilometrdən çox məsafə qət edəcək" (azərb.).
- "Gənc millət vəkili Şahin Seyidzadə seçicilərinə təşəkkür etdi" (azərb.).
- [Milli Məclisin Elm və Təhsil Komitəsi "Milli Məclisin Elm və Təhsil Komitəsinin üzvlərinin siyahısı"] (#bad_url) (azərb.).
- [Milli Məclisin Gənclər və İdman Komitəsi "Milli Məclisin Gənclər və İdman Komitəsinin üzvlərinin siyahısı"] (#bad_url) (azərb.).
- "Torpaq su ilə qarışanda palçıq olur, qanla qarışanda VƏTƏN!" (azərb.).
- "Millət vəkili Şahin Seyidzadə: Tibbi maska qıtlığı artıq qısa müddətdə aradan qaldırılacaq" (azərb.).
- Veb-sayt
- Facebook səhifə
- Twitter səhifəsi
- YouTube səhifəsi
- Telegram kanalı