İohann Henrix Ross

İohann Henrix Ross (alm. Johann Heinrich Roos‎; doğum 29 sentyabr 1631, Otterberq - ölüm 3 oktyabr 1685, Frankfurt) — Barokko dövrü alman rəssamı və qravürçü.

İohann Henrix Ross
Johann Heinrich Roos
'İohann Henrix Ross avtoportret 1682.
Doğum tarixi	29 sentyabr 1631
Doğum yeri	Otterberq
Vəfat tarixi	3 oktyabr 1685 (54 yaşında)
Vəfat yeri	Frankfurt
Milliyyəti	Alman
Vətəndaşlığı	Almaniya
Fəaliyyəti	rəssam, qrafika ustası^[d]
Janrı	Barokko
Stili	barokko
Təsirlənib	Nikolaz Berkem Karel Duyardin
Vikianbarda əlaqəli mediafayllar

Həyatı

Onun ailəsi Otuzillik müharibəyə görə Amsterdama miqrasiya etmişdi. O, Uilyam du Qardiyndən, Korneliz de Biedən və Barent Qraatdan dərslər alıb, amma ona ən çox təsir edənlər peyzaj rəssamları Nikolaz Berkem və Karel Duyardin olub. 1653-cü ildə Rossun ailəsi Almaniyaya qayıdıb. Burada, Maynsda İohann və onun qardaşı Teodor Ross monastır üçün komissiyada birgə çalışıblar. 1654-1659-cu illərdə o, İohann Ernst üçün işləyib. O, Prinsin portretini (1654, Heydelberq, Kurpfalzişes Muzeyi) və dini səhnələrə aid rəsmlər çəkib. 1664-cü ildə o, Karl I Lüdoviqin sarayında rəsm çəkməyə dəvət olunub. İşlərinin vəziyyəti qənaətbəxş olmadığından o, 1667-ci ildə ailəsi ilə birlikdə Frankfurta köçüb və bu, çox uğurlu olub. Amma 1685-ci ildə baş vermiş yanğında hər şeyini itirib. İohann Henrix Ross ona məxsus əşyaları xilas etməyə çalışarkən dünyasını dəyişib. Dörd oğlu və qızı yanğından xilas olub və daha sonra məşhur rəssamlar olublar.

Şəcərəsi

İohann Henrix Ross 1631–1685

Teodor Ross 1638–1687

Filip Peter Ross 1655–1706

İohann Melkior Ross 1663–1731

Franz Roos 1672–1715

İakob Ross 1682-1707

Cayetan Roos 1690-1770

Yosej Ross 1726-1805

Yaradıcılığı

Ross pastoral idilayalar üzrə ixtisaslaşmışdı, qədim dağıntılarla landşaftı ideallaşdırmışdı. O, qravürlərdə ruh yüksəkliyi qazanmışdı. Bu pastoral mənzərələr insanlar və heyvanlar arasında təbiət ilə uyğunluq yaratmaq üçün Rossun arzusunu ifadə edir. Bibliya, tarixi və dövr səhnələri arasında Ross heyvanlar daxil olan mövzulara üstünlük verirdi: İsanın doğulması, Venera, Adonisin çobanları.

Ross həmçinin dövrünün ən yaxşı alman portret rəssamlarından biri idi. O prinsləri, kübar xanımları və zabitlərin portretlərini çəkirdi. Ross əsasən ev heyvanlarını çoxlu fərdi təsvirlərlə də işləmişdir. O, hər xüsusiyyətin unikallığını dərindən göstərirdi.

•  

  Peyzaj, təxm. 1681, Dulviç Şəkil Qalereyası, London

•  

  Sürü, 1676, Azərbaycan Milli İncəsənət Muzeyi

•  

  Alatoran vaxtı məbəd ilə peyzaj, 1669, Aşağı Saksoniya Dövlət Muzeyi

•  

  Qədim Roma xarabalığında qaraçı dəstəsi, 1671, Ştedel Rəssamlıq İnstitutu

•  

  Sürü ilə peyzaj, XVII əsr.

İctimai kolleksiyaları

Roos aşağıdakı kolleksiyalarda təmsil olunub: Kunsthistoriches Muzeyi, Vyana; San Fransisko İncəsənət Muzeyi; Detroit İncəsənət İnstitutu, Miçiqan; Dulviç Şəkil Qalereyası, London; Azərbaycan Milli İncəsənət Muzeyi, Kroker İncəsənət Muzeyi, Kaliforniya; İndianapolis İncəsənət Muzeyi, İndiana; Dallas İncəsənət Muzeyi, Texas; Palazzo, Bianco, Cenoa və başqaları.

Ailəsi

Onun oğulları Filip Peter Ross (Rosa di Tivoli) və İohann Melkior Ross rəssam kimi məşhurlaşdılar. Onların işləri Frankfort, Köln, Desau, Darmştadt və Ştuttqartda müxtəlif muzeylərsə saxlanılır.

İstinadlar

1. artist list of the National Museum of Sweden — 2016.
   <a href="https://wikidata.org/wiki/Track:Q16323066"></a><a href="https://wikidata.org/wiki/Track:Q22681075"></a>
2. Johan Henrik Roos biography in De groote schouburgh der Nederlantsche konstschilders en schilderessen (1718) müəllifi:Arnold Houbraken, Holland ədəbiyyatının rəqəmli kitabxanası
3. Johann Heinrich Roos^{[ölü keçid]}
4. The New International Encyclopædia/Roos, Johann Heinrich 1905

Xarici keçidlər

• Artcyclopedia məlumat
• Columbia Encyclopedia
• Ross Kunsthistorisches Muzeyində
• Ross San Fransisko İncəsənət Muzeyində^{[ölü keçid]}
• Ross Destroit İncəsənət İnstitutunda 2011-09-27 at the Wayback Machine
• Ross Dulvik Şəkil Qalereyasında^{[ölü keçid]}