Ümmügülsüm Sultan (Sultan İbrahimin qızı)
Ümmügülsüm Sultan (d. yanvar 1642 - ö. 1655) — Osmanlı sultanı Sultan İbrahimin qızı.
| Ümmügülsüm Sultan | |
|---|---|
| Şəxsi məlumatlar | |
| Doğum tarixi | |
| Vəfat tarixi | |
| Atası | Sultan İbrahim |
| Anası | Xədicə Müəzzəz Sultan |
| Həyat yoldaşı | Kürəkən Əhməd Paşa |
Həyatı
Ümmügülsüm Sultan 1642-cü ilin yanvarında Topqapı sarayında doğuldu. Anası Xədicə Müəzzəz Sultandır. Uşaqlıq illəri Topqapı sarayında keçdi. Hələ 5 yaşında ikən atası taxtdan endirilərək qətlə yetirilmiş, yerinə özündən bir yaş böyük ögey qardaşı IV Mehmed taxta çıxarıldı. Nənəsi Validə Kösəm Sultanın himayəsində Topqapı sarayında yaşamağa davam etsələr də, 1651-ci ildə nənəsi saray üsyanı nəticəsində öldürüldü və o, bacısı Ayşə Sultan və anası Dilaşub Sultan mərhum padşahın digər xanımları və qızlarıyla birlikdə Köhnə saraya sürgün edildi.
Çox keçmədən Validə Turhan Sultan tərəfindən 1653-cü ildə vəzir Əhməd Paşayla nigahlandırıldı. Tamamilə formal olan nigahın ardından Əhməd Paşa Bozca adanın mühafizəsiylə vəzifələndirilib paytaxtdan uzaqlaşdırıldı. Ancaq çox keçmədən Ümmügülsüm Sultan bilinməyən səbəblə hələ 12 yaşında ikən vəfat etdi.
Mənbə
- Alderson, 1956, table XXXVII.
- Süreyya, 1 Cild, 1996, s. 44.