Ülvi Məmmədov

Ülvi Məmmədov (d. 12 fevral 1999 Sumqayıt, Azərbaycan) — Azərbaycanlı karateçi, Şotokan karate üzrə üzrə dünya və avropa çempionatlarının qalibi və mükafatçısı, 2-ci dan qara kəmər sahibi.

Ülvi Məmmədov
Ülvi Razim oğlu Məmmədov
Şəxsi məlumatlar
Vətəndaşlığı	Azərbaycan
Doğum tarixi	10 fevral 1999(26 yaş)
Doğum yeri	Sumqayıt, Azərbaycan
Təhsili	Polis Akademiyası (Azərbaycan)
Boyu	180 sm
Çəkisi	84 kq
İdman növü	Karate
Medallar Dünya Çempionatı Gümüş 2021 Kumite — 84 kq Qızıl 2022 Kumite — 84 kq Bürünc 2023 Kumite — 84 kq Avropa çempionatı Bürünc 2019 Kumite — 84 kq Bürünc 2021 Komanda — 84 kq Qızıl 2023 Kumite — 84 kq Gümüş 2025 Kumite — 84 kq Asiya Çempionatı Gümüş 2022 Kumite — 84 kq

O, dünya çempionatının qalibi , gümüş və bürünc medalçısı, Avropa çempionu, həmçinin dünya və Avropa çempionatlarının müxtəlif dərəcəli mükafatçısı olmuşdur. Bununla yanaşı, o, dəfələrlə beynəlxalq turnirlərin qalibi və mükafatçısı, həmçinin Azərbaycan çempionatının çoxqat qalibidir.

Həyatı

Ülvi Razim oğlu Məmmədov 10 fevral 1999-cu ildə Azərbaycanın Sumqayıt şəhərində anadan olmuşdur. Uşaqlıq illərindən idmana maraq göstərmiş, xüsusilə də döyüş növlərinə meyil etmişdir. Erkən yaşlarından karate ilə məşğul olmağa başlamışdır. Gənc yaşlarından beynəlxalq turnirlərdə çıxış edərək uğurlar qazanmış, Azərbaycanı təmsil etmişdir.

Karyerası

2019-cu ildə Makedoniyada keçirilən Avropa çempionatında böyüklər arasında bürünc medala sahib olub.

2021-ci ilin oktyabrında Polşanın Katovis şəhərində 30-dan çox ölkənin iştirakı ilə keçirilən fudokan karate-do üzrə 25-ci Avropa çempionatında böyüklər arasında bürünc medala sahib olub.

2021-ci ildə Türkiyənin İstanbul şəhərində 29 ölkənin iştirakı ilə keçirilən dünya çempionatında böyüklər arasında gümüş medala sahib olub.

2022-ci ildə Qırğızıstanda Asiya çempionatında böyüklər arasında gümüş medala sahib olub.

2022-ci ildə Çexiyanın Pardubitse şəhərində Dünya Şotokan Federasiyasının (WSF) təşkilatçılığı ilə keçirilən 12-ci dünya çempionatında böyüklər arasında 84 kiloqram çəki dərəcəsində keçirdiyi 4 döyüşün hamısını qələbə ilə başa vuraraq, dünya çempionu olub.

2023-cü ildə Yunanıstanın Afina şəhərində Dünya Şotokan Karate Birliyinin (SKDUN) təşkilatçılığı ilə keçirilən Dünya çempionatında böyüklər arasında 84 kiloqram çəki dərəcəsində bürünc sahib olub.

2023-cü ilin aprelində Bolqarıstanın Kranevo şəhərində Dünya və Avropa Şotokan Federasiyasının (WSF/ESF) təşkilatçılığı ilə keçirilən 13-cü Avropa çempionatında 84 kiloqram çəki dərəcəsində keçirdiyi dörd döyüşün hamısını qələbə ilə başa vurub. O finala gedən yolda Rumıniya, Gürcüstan və Çex təmsilçisindən üstün olub. Finalda yerli bolqar idmançı ilə qarşılaşan Azərbaycan təmsilçisi görüşdən qalib ayrılaraq Avropa çempionu titulunu qazanıb.

2023-cü ilin iyununda Gürcüstanın Batumi şəhərində keçirilən karate üzrə açıq beynəlxalq turnirdə 84 kiloqram çəki dərəcəsində keçirdiyi iki döyüşün hər birini qələbə ilə başa vuraraq qalib olub. O, qələbəsini Azərbaycanın Milli Qəhrəmanı Mübariz İbrahimova həsr edib.

2025-ci ildə Rumıniyanın Tarqu Mureş şəhərində keçirilmiş 15-ci Avropa Karate Çempionatında gümüş medal qazanıb.

Mükafatları

Yüksək idman nəticələrinə görə Dünya Fudokan Federasiyası tərəfindən 2022-ci ildə Azərbaycanda “İlin idmançısı” fəxri adına layiq görülmüşdür.

İstinadlar

1. "Karateçimiz Ülvi Məmmədov Avropa titulunu qazanıb". Sumqayit24.az (az.). 2023-05-01. İstifadə tarixi: 2025-09-05.
2. "Azərbaycanlı karateçi Avropa çempionu oldu". (az.). İstifadə tarixi: 2025-09-05.
3. "Azərbaycan idmanının uğurlarla zəngin 2023-cü ili - ARAŞDIRMA". Report.az (az.). İstifadə tarixi: 2025-09-01.
4. "Karateçimiz Ülvi Məmmədov dünya çempionu oldu - FOTO". Sia.az - Dünya və yerli xəbərlərin tək ünvanı (az.). 2022-09-13. İstifadə tarixi: 2025-09-09.
5. "Karateçimiz Ülvi Məmmədov Avropa çempionatında iştirak edəcək". Sia.az (az.). 2023-04-29. İstifadə tarixi: 2025-09-01.
6. "Ülvi Məmmədov dünya çempionatına qatılacaq". azertag.az (az.). İstifadə tarixi: 2025-09-05.
7. "Azerbaijani karateka takes win at European Championship in Bulgaria [PHOTOS]". Azernews.Az (ingilis). 2023-05-01. İstifadə tarixi: 2025-09-09.
8. "Karateçimiz Asiya ikincisi oldu - VİDEO". aqreqator.az (ingilis). İstifadə tarixi: 2025-09-09.
9. "Karateçimiz Ülvi Məmmədov dünya çempionu olub". azertag.az (az.). İstifadə tarixi: 2025-09-01.
10. "Karateçimiz Ülvi Məmmədov dünya çempionu oldu - FOTO". Sia.az (az.). 2022-09-13. İstifadə tarixi: 2025-09-01.
11. "Azərbaycan karateçisi Avropa çempionu olub". Report.az (az.). İstifadə tarixi: 2025-09-01.
12. "Ülvi Məmmədov Avropa çempionu olub". Xalqqazeti.az (az.). İstifadə tarixi: 2025-09-01.
13. "Karateçimiz beynəlxalq turnirin qalibi oldu". olimpiyadunyasi.com (az.). İstifadə tarixi: 2025-09-01.
14. "Dünya çempionumuz Ülvi Məmmədov karate üzrə beynəlxalq turnirin qalibi olub". azertag.az (az.). İstifadə tarixi: 2025-09-05.
15. "Azərbaycan karateçisi Ülvi Məmmədov 15-ci Avropa Çempionatında gümüş medala layiq görüldü". baku.tv (az.). İstifadə tarixi: 2025-09-01.
16. "Dünya çempionu Ülvi Məmmədov Avropa Karate Çempionatında medal qazandı - FOTO+VİDEO - Unikal.az". unikal.az. İstifadə tarixi: 2025-09-01.
17. "Fudokan Karate üzrə 2022-ci ilin yekunları keçirilib". REAL TV (az.). 2023-05-01. İstifadə tarixi: 2025-09-05.

Xarici keçidlər

• Ülvi Məmmədov — Flickr səhifəsi
• "Ülvi Məmmədov Avropa çempionatında gümüş medal qazandı — Video". Qafqazinfo (az.). 2025-05-19. İstifadə tarixi: 2025-09-05.