Murad Süleymanov

Murad Süleymanov (12 may 1997) — Azərbaycanı təmsil edən sərbəst güləşçi.

Murad Süleymanov
Şəxsi məlumatlar
Tam adı	Murad Süleymanov
Vətəndaşlığı	Azərbaycan
Doğum tarixi	12 may 1997(1997-05-12) (27 yaş)
Boyu	174 sm. (5 ft 10 in)
İdman növü	Güləş
Karyera illəri	2006—2019
Məşqçisi	Firdovsi Umudov
Komandası	Neftçi İdman Klubu
Medallar Avropa Çempionatı Gümüş 74 Kq.

Karyerası

Murad Süleymanov birinci uğuruna 2014-cü ilin iyununda Polşada gənclər arasında Avropa Çempionatının gümüş medalına sahib olmaqla imza atdı. Həmin il Murad Süleymanov həm də Xorvatiyada gənclər arasında Dünya Çempionatını 8-ci pillədə başa vurdu. Bir il sonra, 2015-ci ildə Murad Süleymanov İstanbul şəhərində gənclər arasında Avropa Çempionatında bu səfər bürünc medala sahib oldu.

2016-cı ildə Murad Süleymanov martda Bolqarıstanda U23 Avropa Çempionatını gümüş medalla başa vurdu, iyunda isə Rumıniyada gənclər arasında Avropa Çempionatının qalibi oldu. Həmin ilin noyabrında Murad Süleymanov həm də Qızıl Qran-Pri beynəlxalq turnirinin bürünc medalına sahib oldu.

Murad Süleymanov 2017-ci ilin mayında Serbiyada baş tutan Avropa Çempionatında mübarizə apardı. Debüt Avropa Çempionatında Murad Süleymanov final gedən yolda bütün rəqibləri üzərində qələbə qazansa da həlledici görüşdə Türkiyə nümayəndəsi Soner Demirtaşa məğlub oldu və Avropa Çempionatını gümüş medalla başa vurdu. 2018-ci il ərzində Murad Süleymanov İstanbul şəhərində U23 Avropa Çempionatının və Buxarest şəhərində U23 Dünya Çempionatının bürünc medallarına sahib oldu. Həmin il Murad Süleymanov həm də Yaşar Doğu beynəlxalq turnirini gümüş, Əhməd Kadırov beynəlxalq turnirini isə bürünc medallarla başa vurdu.

2019-cu ildə Rumıniyada baş tutan Avropa Çempionatını beşinci pillədə başa vuran Murad Süleymanov həmin il idmanla vidalaşdı.

Nəticələri

Sıra	İl	Yarış	Ev sahibi	Nəticə
1	2014	Gənclərin Avropa Çempionatı	Polşa	2.
2		Gənclərin Dünya Çempionatı	Xorvatiya	8.
3	2015	U23 Avropa Çempionatı	Polşa	8.
4		Gənclərin Avropa Çempionatı	Türkiyə	3.
5		Gənclərin Dünya Çempionatı	Braziliya	14.
6		Qızıl Qran-Pri	Azərbaycan	10.
7	2016	A. Medved Turniri	Belarus	14.
8		U23 Avropa Çempionatı	Bolqarıstan	2.
9		Gənclərin Avropa Çempionatı	Rumıniya	1.
10		Gənclərin Dünya Çempionatı	Fransa	5.
11		Qızıl Qran-Pri	Azərbaycan	3.
12	2017	Avropa Çempionatı	Serbiya	2.
13	2018	U23 Avropa Çempionatı	Türkiyə	3.
14		Yaşar Doğu Turniri	Türkiyə	2.
15		U23 Dünya Çempionatı	Rumıniya	3.
16		Komandalararası Əhməd Kadırov Turniri	Rusiya	3.
17	2019	Avropa Çempionatı	Rumıniya	5.
18		Yaşar Doğu Turniri	Türkiyə	12.
19		U23 Dünya Çempionatı	Macarıstan	8.

İstinadlar

1. International Wrestling Database. "MURAD SULEYMANOV". www.iat.uni-leipzig.de (ingilis). 2022-08-04. 2020-08-08 tarixində arxivləşdirilib. İstifadə tarixi: 02.08.2022.