Özgür Özəl
Bu, tənha məqalədir, çünki hansısa məqalədən bu məqaləyə verilmiş keçid yoxdur. Lütfən, əlaqəli məqalələrdən bu səhifəyə keçid verməyə çalışın. |
Özgür Özəl (21 sentyabr 1974, Manisa) — Türkiyə Böyük Millət Məclisi XXIV, XXV, XXVI və XXVII çağırışlarında Manisa millət vəkili, 24 iyun 2015-ci ildən TBMM-də Cümhuriyyət Xalq Partiyası fraksiyasının sədrinin müavini, Türk siyasətçi və əczaçı.
| Özgür Özəl | |
|---|---|
| türk. Özgür Özel | |
Vəzifədədir | |
| 12 iyun 2011-ci ildən | |
| Seçki bölgəsi | 2011 — Manisa İyun 2015 — Manisa Noyabr 2015 — Manisa 2018 — Manisa |
TBMM Cümhuriyyət Xalq Partiyası fraksiyasının sədr müavini | |
| 30 iyul 2019 – 20 sentyabr 2020 | |
| Əvvəlki | Akif Həmzəçəbi |
| Şəxsi məlumatlar | |
| Doğum tarixi | 21 sentyabr 1974 (48 yaş) |
| Doğum yeri | |
| Partiya | |
| Təhsili | |
| Həyat yoldaşı | Didəm Özəl |
| Uşağı | İdil |
| eczozgurozel.com/index.p… | |
| Vikianbarda əlaqəli mediafayllar | |
.png.html){kind=link}
.svg.html){kind=link}
Həyatı
Özgür Özəl 21 sentyabr 1974-cü ildə Talat və Şükran cütlüyünün uşağı olaraq Manisada anadan olub. İbtidai təhsilini Manisa Mərkəz Qazi məktəbində başa vurub. Orta və lisey təhsilini İzmirdəki Bornova Anadolu Liseyində başlayıb, sonuncu ildə Manisa Liseyinə gedib və oranı bitirib. Bornova Anadolu Liseyi alman bölməsini və Manisa Liseyini bitirdikdən sonra 1997-ci ildə Egey Universiteti Əczaçılıq fakültəsini bitirmişdir.
Universiteti bitirdikdən sonra 2011-ci ildə keçirilən seçkilərdə millət vəkili seçilənə qədər əczaçı peşəsini icra etmişdir. 2007-ci ildən sonra Türk Əczaçılar Birliyinin İdarə Heyətinin üzvü, xəzinədarı və iki dönəmlik baş katib vəzifələrində çalışmışdır. Beynəlxalq Əczaçılıq Federasiyasının, Avropa İttifaqı Əczaçılıq Qrupunun və Avropa Əczaçılıq Forumunun üzvüdür.
Özgür Özəl alman və ingilis dillərini yaxşı bilir.
Siyasi kariyerası
Özgür Özəl 2009 bələdiyyə seçkilərində Cümhuriyyət Xalq Partiyasından Manisa bələdiyyə başçısı postuna namizəd oldu. Ümumi 163 526 səsdən 21 344-nü (13%) toplayaraq seçkini Milliyyətçi Hərəkat Partiyası namizədi Çingiz Ərgün və Ədalət və İnkişaf Partiyası namizədi Bülent Kardan sonra 3-cü sırada tamamladı.
2011-ci il Türkiyə parlament seçkilərində ilk dəfə Cümhuriyyət Xalq Partiyası Manisa millət vəkili olaraq Türkiyə Böyük Millət Məclisinə seçildi.
2014 bələdiyyə seçkilərində Cümhuriyyət Xalq Partiyasından Manisa Böyükşəhər Bələdiyyəsi başçısı namizədi oldu. Bu dəfə isə ümumi 884 501 səsdən 161 659-nu (18.2%) toplayaraq seçkini Milliyyətçi Hərəkat Partiyası namizədi Çingiz Ərgün və Ədalət və İnkişaf Partiyası namizədi Hüseyn Tanrıverdidən sonra 3-cü sırada tamamladı.
2015 iyun və 2015 noyabr Türkiyə Parlament seçkilərində Cümhuriyyət Xalq Partiyasından Manisa millət vəkili olaraq yenidən TBMM-yə seçildi. XXVIII Cümhuriyyət Xalq Partiyasının Növbədənkənar Qurultayında Cümhuriyyət Xalq Partiyasının Partiya Məclisinin üzvü seçildi. Millət vəkili olduğu müddətdə Türkiyə Böyük Millət Məclisi Səhiyyə Komissiyasının və Cümhuriyyət Xalq Partiyası Həbsxanaları Araşdırma Komissiyasının üzvü oldu. 24 iyun 2015-ci ildə Cümhuriyyət Xalq Partiyası fraksiyasının sədr müavini seçildi.
Çağdaş Jurnalistlər Dərnəyi və Atatürkçü Düşüncə Dərnəyi tərəfindən verilən 2015-ci ilin Uğur Mumcu İlin Siyasətçisi Mükafatına layiq görülmüşdür.
Soma Mədən Fəlakəti
Özgür Özəl digər Cümhuriyyət Xalq Partiyası Manisa millət vəkilləri ilə birlikdə Somadakı mədənləri araşdırmaq üçün məclis komissiyası qurulmasını təklif etdi. 29 aprel 2014-cü il tarixli çıxışında bu təklifin gündəmə salınması ilə əlaqədar olaraq nəzarət və təhlükəsizlik olmamasından danışdı. Çıxış 13 may 2014 Soma Mədən Fəlakətinin ardından ölkənin gündəmində uzun müddət qalmış və müzakirə mövzusu olmuşdur.
Ailəsi
Evlidir və bir övladı var.
Mənbə
- Özgür Özəl Türkiyə Böyük Millət Məclisinin rəsmi veb saytında
İstinadlar
- "Manisa 2009 seçki nəticələri". 7 dekabr 2015 tarixində .
- "Manisa 2014 seçki nəticələri". (#archive_missing_date) tarixində .