Yarasa (hərbi birləşmə)
"Yarasa" — Azərbaycanın Xarici Kəşfiyyat Xidmətinin (XKX) xüsusi təyinatlı dəstəsi.
| "Yarasa" Xüsusi Təyinatlı Dəstəsi | |
|---|---|
| Növü | Xüsusi təyinatlı |
| Dövlət | Azərbaycan |
| Tabedir | Xarici Kəşfiyyat Xidməti |
| Sayı | Gizli saxlanılır |
| Müharibələr | 2-ci Qarabağ müharibəsi |
| Döyüşlər | Qubadlı döyüşləri |
| Fərqlənmə nişanları | |
| Komandanlıq | |
| Komandir | Gizli saxlanılır |
Yaradılması
Azərbaycan Prezidenti İlham Əliyev 14.12.2015-ci il tarixli Sərəncamına əsasən Azərbaycanda xüsusi xidmət orqanlarının fəaliyyətinin səmərəliliyini artırmaq məqsədi ilə Xarici Kəşfiyyat Xidməti (XKX) yaradılmışdır.
Xarici Kəşfiyyat Xidmətinə tabe olan ən gizli xüsusi bölmə "Yarasa" Xüsusi Təyinatlı Dəstəsidir.
Tarixi
"Yarasa" Xüsusi Təyinatlı Dəstəsi Azərbaycan Ordusunun elit və ən gizli xüsusi bölməsi hesab olunur. Komandirlərin adları belə gizli saxlanılır.
"Yarasa" Xüsusi Təyinatlı Dəstəsinin hərbi qulluqçuları 2020-ci il sentyabrın 27-də Azərbaycan Silahlı Qüvvələri tərəfindən Ermənistan işğalı altında olan ərazilərin azad edilməsi və Azərbaycanın ərazi bütövlüyünün bərpa olunması üçün başlanan Vətən müharibəsi zamanı Qubadlı şəhərinin azadlığı uğrunda gedən döyüşlərdə savaşmışdır.
Bölmənin əsas fəaliyyəti Ermənistan Ordusunun arxa cəbhəsində olmuşdur.
10.12.2020-ci ildə baş tutan Zəfər Paradı zamanı "Yarasa" Xüsusi Təyinatlı Dəstəsinin mövcudluğu barədə birinci dəfə ictimaiyyətə məlumat verilmişdir.
İstinadlar
- ↑ Xəbərlər şöbəsi (10.12.2020). "Xarici Kəşfiyyat Xidmətinin "YARASA" xüsusi təyinatlı bölməsi birinci dəfə nümayiş etdirildi". www.report.az ("Report" İnformasiya Agentliyinin rəsmi saytı) (azərb.). 2021-01-22 tarixində arxivləşdirilib. İstifadə tarixi: 10.12.2020.