Vüqar Sarıyev
Vüqar Fikrət oğlu Sarıyev (d. 26 noyabr 1990; Amankənd, Biləsuvar rayonu — ö. 10 oktyabr 2020 Suqovuşan, Tərtər) — Azərbaycan Silahlı Qüvvələrinin müddətdən artıq həqiqi hərbi xidmət qulluqçusu, Vətən Müharibəsinin şəhidi.
| Vüqar Sarıyev | |
|---|---|
| Şəxsi məlumatlar | |
| Doğum tarixi | |
| Doğum yeri | Amankənd, Biləsuvar rayonu |
| Vəfat tarixi | (29 yaşında) |
| Vəfat yeri | Suqovuşan, Tərtər |
| Vəfat səbəbi | Şəhid olmuşdur |
| Dəfn yeri | Amankənd kəndi |
| Vətəndaşlığı | Azərbaycan |
| Hərbi fəaliyyəti | |
| Mənsubiyyəti | Azərbaycan Ordusu |
| Qoşun növü | Xüsusi Təyinatlı Qüvvələr |
| Xidmət illəri | 2016-2020 |
| Rütbə | |
| Döyüşlər | Vətən Müharibəsi • Murovdağ döyüşləri • Suqovuşan döyüşü • Cəbrayıl uğrunda döyüşlər • Füzuli uğrunda döyüşlər • Laçın uğrunda döyüşlər • Talış kəndi uğrunda döyüşlər |
| Təltifləri | |
Həyatı
Vüqar Sarıyev 26 noyabr 1990-ci ildə Biləsuvar rayonunun Amankənd kəndində anadan olmuşdur. Amankənd kənd tam orta məktəbini bitirdikdən sonra peşə təhsilini almışdır. Ailəli idi, 2 oğlu və 1 qızı yadigar qaldı.
Hərbi xidməti
Vüqar Sarıyev həqiqi hərbi xidmətini başa vurduqdan sonra 2016-cı ildə müddətdən artıq hərbi xidmətçi kimi Goranboy rayonunda yerləşən N saylı hərbi hissədə, bir müddətdən sonra isə Murovdağ yüksəkliyində Vətənə xidmət edib. Vətən müharibəsinə də elə burdan qatılıb.
O, Azərbaycan Respublikasının ərazi bütövlüyü uğrunda 27 sentyabr 2020-ci il tarixdən başlayan Vətən müharibəsində iştirak etmiş, Murovdağ, Talış kəndi, Cəbrayıl, Füzuli və Laçın rayonları istiqamətində gedən döyüşlərdə vuruşmuş və Suqovuşan istiqamətində düşmən hücumunun qarşısını alarkən qəhrəmancasına şəhid olmuşdur. Şəhid Vüqar Sarıyev 10 oktyabr 2020-ci il tarixində Biləsuvar rayonu Amankənd kənd məzarıstanlığında dəfn olunmuşdur.
Azərbaycanın ərazi bütövlüyünün təmin edilməsi uğrunda döyüş əməliyyatlarına qatılan və hərbi hissə qarşısında qoyulmuş tapşırıqların icrası zamanı vəzifə borcunu şərəflə yerinə yetirdiyi üçün Azərbaycan Prezidenti İlham Əliyevin 15.12.2020-ci il tarixli Sərəncamına əsasən Vüqar Sarıyev ölümündən sonra "Vətən uğrunda" medalı ilə təltif edildi.
Azərbaycanın Laçın rayonunun işğaldan azad edilməsi uğrunda aparılan döyüş əməliyyatlarına qatılaraq şəxsi igidliyi və şücaəti nümayiş etdirdiyinə görə Azərbaycan Prezidenti İlham Əliyevin 29.12.2020-ci il tarixli Sərəncamına əsasən Vüqar Sarıyev ölümündən sonra "Laçının azad olunmasına görə" medalı ilə təltif edildi.
Təltifləri
- (2020) — "Vətən uğrunda" medalı (ölümündən sonra)
- (2020) — "Laçının azad olunmasına görə" medalı (ölümündən sonra)
İstinadlar
- ↑ "Vətən sevdalısı olan şəhid Vüqar Sarıyev". news.milli.az (azərb.). 12.01.2021. 16.01.20201 tarixində . İstifadə tarixi: 12.01.2021.
- ↑ "Azərbaycan Silahlı Qüvvələrinin hərbi qulluqçularının "Vətən uğrunda" medalı ilə təltif edilməsi haqqında Azərbaycan Prezidentinin 15.12.2020-ci il tarixli Sərəncamı" ( (azərb.)). 15.12.2020. 2020-12-15 tarixində arxivləşdirilib. İstifadə tarixi: 15.12.2020.
- ↑ "Azərbaycan Silahlı Qüvvələrinin hərbi qulluqçularının "Laçının azad olunmasına görə" medalı ilə təltif edilməsi haqqında Azərbaycan Prezidentinin 29.12.2020-ci il tarixli Sərəncamı" ( (azərb.)). 29.12.2020. 2020-12-29 tarixində . İstifadə tarixi: 29.12.2020.