Tənha qadın — bəstəkar Cavanşir Quliyevin mahnısı. Mahnı Birinci Qarabağ müharibəsində həyat yoldaşı şəhid olmuş qadınlara həsr olunmuşdur. Mahnının sözləri şairə Zahidə xanıma aiddir. Mahnını ilk dəfə bəstəkar Cavanşir Quliyev 1999-cu ildə 8 Mart günü Aygün Kazımovanın SARA TV-də aparıcısı olduğu proqramda ifa etmişdir. Daha sonra Aygün Kazımova mahnını ifa etmiş və "Ah...!" adlı albomuna daxil etmişdir. Aygün Kazımova mahnını reper Mone (Murad Quliyev) ilə 2001-ci ildə remiks şəklində təqdim etmişdir. Repçi Mone Azərbaycanın keçmiş Xarici İqtisadi Əlaqələr naziri Qüdrət Quliyevin oğludur.
"Təəssüf ki, 16 yaşındakı oğlan, qadın tənhalığını anlamaz, mövzunu oyuncağa çevirir."
bəstəkar Cavanşir Quliyevin YouTube-da yayımlanan Aygün Kazımovanın "Son Ay, son Gün" adlı konsert proqramında reper Mone ilə ifa etdiyi "Tənha qadın" duetinə rəyi
Klip haqında
Aygün Kazımova mahnıya klipİ 2000-ci ildə çəkmişdir. Klipin rejissoru Loğman Kərimovdur.