Tom Hiddlston

Tom Uilyam Hiddlston (ing. Thomas William Hiddleston, 9 fevral 1981, Vestminster, London) - İngiltərəli aktyor və prodüser. Daha çox Marvel film seriyasında canlandırdığı Loki və həmçinin "Axşamüstü Parisdə" (2011), "Krimson zirvəsi" (2013) filmləri ilə məşhurdur.

Tom Hiddlston
Thomas William Hiddleston
Tom Hiddlston (2013)
Doğum adı	Thomas William Hiddleston
Doğum tarixi	9 fevral 1981 (40 yaş)
Doğum yeri	Vensminster, London, Böyük Britaniya
Vətəndaşlığı	Böyük Britaniya
Fəaliyyəti	Aktyor
Fəaliyyət illəri	2001 -
Təhsili	İton kolleci, Kembric Universiteti, Dram İncəsənəti üzrə Kral Akademiyası^[d] (2002)
Mükafatları	Lorens Olivye mükafatı (2008), "Qızıl qlobus" (2017)
IMDb	ID 1089991
Vikianbarda əlaqəli mediafayllar

İlk illəri

Tom Hiddlston 9 fevral 1981-ci ildə Londonun Vestminster rayonunda doğulmuşdur. İlkin təhsilini Oksfordakı Drakon məktəbi və Berkşirdəki İton kollecində təhsil almışdır. 2005-ci ildə Kral Dramatik İncəsənət Akademiyasını bitirib.

Karyerası

Hiddlston karyerasına televiziyada başlayıb, ilk rolunu Nikolas və Niklbinin həyatı və məcarası" (2001) telefilmində oynayır. Bundan sonra o bir neçə il müxtəlif televiziya lahiyələrində iştirak edir. İlk böyük rolunu "Ceyn Ostinin sevgi uğursuzluqlarında" (2008) seriyalında oynayır.

Aktyor 2011-ci ildə Marvel Kinematoqrafiya Kainatına daxil olan "Tor" filmində Loki obrazını canlandırır. Rol ona dünya məşhurluğunu qazandırıraq karyerasında yeni bir dövrü açır. Tom Hiddlston yeni Loki qəhramanını "Tor: Qaranlıq dünya", "Qisasçılar", "Tor: Raqnarök", "Qisasçılar: Sonsuzluq savaşı" və "Qisasçılar: Final" filmlərində canlandırdı. 2011-ci ildə həmçinin onun iştirakı ilə "Döyüş atı" və "Gecəyarısı Parisdə" filmlərinin premyerası olmuşdu.

2017-cı ildə "Gecə administratoru" serialındakı Conatan Payn obrazına görə ən yaxşı mini-serial və ya telefilm nominasiyasında Qızıl qlobus mükafatına laiq görülmüşdür.

Filmoqrafiyası

il		Filmin adı	Orjinal adı	Rol
2001	tf	Konspirasiya	Conspiracy	Operator
2002	tf	Yaxınlaşan fırtına	The Gathering Storm	Rendolf Çörçill
2005	tf	Şekspir və onun sonetlərinin sirri	A Waste of Shame: The Mystery of Shakespeare and His Sonnets	Con Holl
2006	s	Viktoriya Xaçı Qəhrəmanları	Victoria Cross Heroes	Kapitan Con "Cek" Rendl
2006-2007	s	Şəhərətrafı atışma	Suburban Shootout	Bill Xezeldin
2007	f	Yad	Unrelated	Oakli
2007	s	Bədbəxt hadisə	Casualty	Kris Von
2007	tf	Qalapaqos	Galápagos	Çarlz Darvin
2008	tf	Miss Ostinin uğursuzluqları	Miss Austen Regrets	Mister Con Plampt
2008—2010	s	Vallander	Wallander	Maqnus Martinsson
2009	s	Krenford	Cranford	Uilyam Bakston

Şəxsi həyatı

Tom Hiddlston UNICEF-in humanitar və inkişaf yardım fondu qrupunun İngiltərədəki səfiridir. O insanları aclıq haqqında daha çox məlumatlandırmaq üçün 2013-cü ilin əvvəlində Qvineyaya səyahət etmişdir. 2015-ci ilin əvvəlində və 2016-cı ilin sonlarında Cənubi Sudana səyahəti zamanı vətəndaş müharibəsinin uşaqların həyatına mənfi təsirini qeyd etmişdir. Hiddlston özünü feminist hesab edir.

Aktyor 2008-2011-ci illərdə aktrisa Syuzan Fildinqlə münasibətdə olmuşdur. 2016-cı ildə isə bir neçə ay müğənni Teylor Sviftlə görüşüb.

İstinadlar

1. Student & graduate profiles — Dram İncəsənəti üzrə Kral Akademiyası.
   <a href="https://wikidata.org/wiki/Track:Q99543496"></a><a href="https://wikidata.org/wiki/Track:Q523926"></a>
2. Frances Wasem (7 March 2013). "Tom Hiddleston Reports on Visiting Guinea for UNICEF". Harpers Bazaar. 6 June 2014 tarixində . İstifadə tarixi: 3 June 2014.
3. "Interview: Tom Hiddleston, actor" (ingilis). 10 July 2018 tarixində . İstifadə tarixi: 2018-09-20.
4. Brooks, Xan (2011-11-25). "Tom Hiddleston: 'I never wanted to be the go-to guy for tails and waistcoats'". The Guardian (ingilis). 15 May 2019 tarixində . İstifadə tarixi: 2018-09-20.
5. "Soldier of fortune: Tom Hiddleston is set to become 2012's hottest new". The Independent (ingilis). 17 July 2018 tarixində . İstifadə tarixi: 2018-09-20.
6. "Tom Hiddleston Talks Emmy NominationResponds to Taylor Swift Conspiracy Theories (Q&A)". The Hollywood Reporter. July 14, 2016. İstifadə tarixi: 2016-07-24.
7. "Taylor Swift and Tom Hiddleston Break Up After Three Months". TIME. 2016-09-06. İstifadə tarixi: 2016-09-15.