Tanos

Tanos (ing. Thanos) – Marvel Comics nəşriyyatı tərəfindən 1973-cü ildə yaradılmış komiks personajı. Maykl Fredrix və Cim Starlin tərəfindən yaradılmış və ilk dəfə "Iron Man" komiksinin 55-ci sayında peyda olmuşdur. Məsləhətçinin oğlu, Starfoksun qardaşıdır.

Tanos
ing. Thanos
Nəşriyyat	Marvel Comics
Yayım tarixi	"Iron Man" #55 (fevral 1973)
Yaradıcı(lar)	Maykl Fredrix Cim Starlin
Xüsusiyyətlər
Əsl adı	Dion
Cinsiyyəti	kişi^[d]
Boyu	2 m
Çəkisi	450 kq
Növü	ölümsüz-deviant hibridi
Komiks bioqrafiyası
Üzvlükləri	Qara Orden Sonsuzluq saatı
Düşmənləri	Qisasçılar, Qalaktika mühafizəçiləri, Qalaktus, İks-adamlar
Ləqəbləri	Dəli titan
Gücləri	Qeyri-insanı güc, sürət, dözümlülük, uzunömürlülük Enerji manipulyasiyası Telepatiya Telekinez

Personaj ilk dəfə "Qisasçılar" filmində Deymon Puate tərəfindən canlandırılmışdır. "Qalaktika Mühafizəçiləri" (2014), "Qisasçılar: Altron dövrü" (2015), "Qisasçılar: Sonsuzluq savaşı" və adsız Qisasçılar sikvelində Coş Brolin tərəfindən canlandırılmışdır. Bunlardan əlavə, Tanos bir çox video oyun və teleserialda görünmüşdür.

Tanos IGN-in "Ən yaxşı 100 komiks supercinayətkarı" siyahısında 47-ci yerdə, Wizard-ın "Ən yaxşı supercinayətkarlar" siyahısında 22-ci yerdə, "Complex" jurnalının "Ən yaxşı 25 komiks supercinayətkarı" siyahısında 21-ci yerdə göstərilmişdir.

Yaradılması

Yazıçı-rəssam Cim Starlin Tanos personajını hələ kollecdə psixologiya oxuyarkən fikirləşmişdir. O, personajın görünüşü üçün Cek Körbinin Darksayd personajından ilhamlandığını etiraf etmişdir.

Tanos ilk dəfə 1973-cü ildə "Iron Man" komiksinin 55-ci sayındakı bir hekayədə peyda olmuşdur. Hekayə "Captain Marvel" #25–33 (1973-1974), "Marvel Feature" #12 (noy. 1973), "Daredevil" #107 (yan. 1974) və "Avengers" #125 (iyul 1974) komiksləri boyunca davam etmişdir.

2006-cı ildə personaj "Annihilation: Silver Surfer" #1-4 (iyun – sent. 2006) və "Annihilation" #1-6 (okt. 2006 – mart 2007) komikslərində əhəmiyyətli rol oynamışdır. 2012-ci ildə "Thanos: Son of Titan" adlı miniseriyanın buraxılması planlaşdırılsa da, sonradan ləğv edilmişdir. Personajın keçmişi 2013-cü ildə 5 saydan ibarət "Thanos Rising" miniseriyasında işıqlandırılmışdır. Tanos Conatan Hikman tərəfindən yazılmış "Infinity" miniseriyasında mərkəzi rol oynamışdır. 2014-cü ilin mayında "Thanos Annual" adlı one-shot komiks yayımlanmışdır. Bu komiks yeni qrafik roman trilogiyası üçün giriş rolunu oynamışdır: "Thanos: The Infinity Revelation", "Thanos: The Infinity Relativity" və "Thanos: The Infinity Finale".

Personaj 5 saydan ibarət "The Infinity Gauntlet" miniseriyasında (iyul 2015 – yanvar 2016) vacib rol oynamışdır.

Bioqrafiya

 

Tanos "Legendary Star-Lord" #3 (sent. 2014) komiksindən.

Tanos Saturnun peyki Titanda Ölümsüzlər irqindən olan Məsləhətçinin və Sui-Sanın oğlu kimi anadan olmuşdur. Tanos Deviant irqinin genini daşıyır və onlara oxşayır. Tanos anadan olanda anası onun görünüşündən şoka düşmüş və onu öldürməyə cəhd etmişdir. Məktəb illərində Tanos pasifist idi, ancaq qardaşı Eros (Starfoks) və ev heyvanları ilə oynayırdı. Yeniyetməlik illərində Tanos ölüm və nihilizmin təsirinə düşmüş, sonda isə ölümün bədən tapmış halına - Ölümə aşiq olmuşdur. Daha sonra Tanos öz elmi bilikləri ilə fiziki gücünü artırmışdır. O həmçinin bir çox uşağın atası olmaqla və quldur olmaqla özünə yeni bir həyat yaratmağa cəhd etmişdir. Lakin bunların heç biri ona kifayət etməmişdir.

Ölümü təsirləndirmək üçün Tanos ordu yığır və Titanda öz irqindən milyonlarla fərdi öldürür. Kosmik kubu tapmaq üçün Yerə səyahət edir, onu tapır, lakin Qisasçılar Kosmik kubu məhv edərək Tanosu məğlub edə bilirlər.

Tanos daha sonra Sonsuzluq daşları ilə maraqlanmağa başlayır və Adam Uorlokun Ruh daşını da ələ keçirir. Uorlok Qisasçıları və Kapitan Marveli köməyə çağırır, lakin Uorlok Tanos tərəfindən öldürülür. Tanos qələbəyə yaxın olsa da, Uorlok Ruh daşından azad olub Tanosu daşa döndərir.

Tanos dirilir və Sonsuzluq daşlarını yenidən yığmağa başlayır. Məqsədi Sonsuzluq əlcəyində daşları yığmaq və kainatın yarısını məhv edərək Ölümə sevgisini isbat etməkdir. Lakin o, Adam Uorlok tərəfindən bir neçə dəfə dayandırılır. Sonda Tanos özü Sonsuzluq saatı adlı qrupa qoşulur və Adam Uorloka kömək edir. Bu hadisələr "Sonsuzluq saqası" adı ilə xatırlanır.

Güc və bacarıqlar

Tanos Ölümsüzlər irqindəndir. Ölümsüzlərin güclərini daşısa da, bu güclərini daha da artırmışdır. Tanos qeyri-insanı gücə, sürətə, dözümlülüyə malikdir. Telepatiya, telekinez və maddə manipulyasiyası kimi bacarıqlara da malikdir. Üzbəüz döyüşdə də məharətlidir. Odin və Qalaktusa qarşı asanlıqla döyüşə bilmişdir.

Tanos intellektual cəhətdən digər varlıqlardan üstündür və yüksək elmi bacarıqlara malikdir.

Alternativ versiyaları

• Amalgam Comics - 1996-cı ildəki DC Comics və Marvel krossoveri zamanı peyda olmuşdur. Darksaydla birləşmiş və "Tanossayd" adlanmışdır.
• Earth X - "Earth X" adlı məhdud seriyada peyda olmuşdur. Bu versiyada onun anası skruldur.
• Ultimate Marvel - Bu versiyada Axeronun lideri və İttihamçı Ronanın atasıdır.
• Marvel Zombies 2 - "Marvel Zombies 2" məhdud seriyasında peyda olmuş zombiləşmiş halıdır. Halk tərəfindən öldürülmüşdür.

Digər mediada

Televiziya

• Gümüş sörfçü
• Superqəhrəman heyəti şousu
• Qisasçılar, birləşin
• Qalaktika Mühafizəçiləri

Film

 

Tanos "Qisasçılar: Sonsuzluq savaşı" filmindən.

• Deymon Puate 2012-ci il istehsalı "Qisasçılar" filminin mid-kredits səhnəsində Tanosu canlandırmışdır. Tanos Lokinin havadarı kimi göstərilmişdir
• Coş Brolin 2014-cü il istehsalı "Qalaktika Mühafizəçiləri" filmində Tanosu canlandırmışdır. Filmdə Tanos İttihamçı Ronandan istifadə edərək sonsuzluq daşını əldə etməyə çalışır. Filmdə Tanos Qamora və Nebulanın ögey atasıdır.
• Brolin 2015-ci il istehsalı "Qisasçılar: Altron dövrü" filminin mid-kredist səhnəsində yenidən Tanosu canlandırmışdır. Tanos üzərində heç bir daş olmayan Sonsuzluq əlcəyini geyinir və deyir: "Yaxşı, özüm edərəm onda".
• Brolin "Qisasçılar: Sonsuzluq savaşı" və başlıqsız Qisasçılar sikvelində Tanosu canlandıracaq. Əvvəlki MKK filmlərindən fərqli olaraq Tanos bu filmlərin əsas supercinayətkarı olacaq.

Video oyun

• Marvel Super Heroes və Marvel vs. Capcom 2
• Lego Marvel Super Heroes.
• Lego Marvel's Avengers
• Marvel Future Fight.
• Marvel: Contest of Champions
• Marvel Puzzle Quest
• Guardians of the Galaxy: The Telltale Series
• Marvel vs. Capcom: Infinite

Roman

• 2017-ci ildə Stüart Mur tərəfindən "Tanos: Ölüm hökmü" adlı roman yazılmışdır.

İstinadlar

1. Thanos Vol. 2 #14
2. https://marvel.com/characters/thanos/in-comics
3. https://www.marvel.com/characters/thanos/in-comics
4. Starlin J. The Infinity Gauntlet — Marvel Comics, 1991.
   <a href="https://wikidata.org/wiki/Track:Q1376982"></a><a href="https://wikidata.org/wiki/Track:Q173496"></a><a href="https://wikidata.org/wiki/Track:Q2762009"></a>
5. "Thanos is Number 47". IGN. İstifadə tarixi: 2014-06-02.
6. "Thanos is Number 21". Complex. İstifadə tarixi: 2016-06-21.
7. . Adelaid Comics and Books. Archived via the Wayback Machine. Retrieved March 25, 2014.
8. Cronin, Brian (2010-06-24). "Comic Book Legends Revealed #266". Comic Book Resources. İstifadə tarixi: 2010-06-24.
9. Sunu, Steve (16 January 2013). "Aaron and Bianchi Explore "Thanos Rising" in April". Comic Book Resources. İstifadə tarixi: 16 January 2013.
10. Richards, Dave (September 24, 2015). "EXCLUSIVE: Jim Starlin Enters Adam Warlock's Mind In "Infinity Entity"". Comic Book Resources. January 22, 2016 tarixində . İstifadə tarixi: January 24, 2016.
11. Thanos Rising #1
12. Thanos Rising #3, Iron Man vol 1 #55
13. Thanos Rising #4-5
14. Avengers Annual #7 (1977)
15. Captain Marvel #30 (Jan. 1974)
16. Captain Marvel #33 (July 1974)
17. Marvel Two-in-One Annual #2 (1977)
18. Silver Surfer vol. 3, #34 (Feb. 1990)
19. The Thanos Quest (1990)
20. The Infinity Gauntlet #1 (July 1991)
21. The Infinity Gauntlet #6 (Dec. 1991)
22. The Infinity War #1–6 (1992)
23. Infinity Gauntlet: Aftermath, Marvel, 2013, back cover.
24. Bullets and Bracelets #1 (1996)
25. Earth X #0–12, X (Mar. 1999 – June 2000)
26. Ultimate Fantastic Four #42 (May 2007)
27. Marvel Zombies 2 #1 (Dec. 2007 – Apr. 2008)
28. "Interview with Larry Brody". Marvelite.prohosting.com. İstifadə tarixi: 2011-03-15.
29. "If This Be My Thanos". The Super Hero Squad Show. 1 sezon. 11 epizod. October 24, 2009. Cartoon Network.
30. "Behind the Voice Actors – Jim Cummings". Behind the Voice Actors. İstifadə tarixi: April 28, 2017. Check mark indicates BTVA has verified the entries using screenshots of credits and other confirmed sources.
31. "First look: Thanos a foe for animated 'Avengers'". USA TODAY. 22 May 2014.
32. "Thanos Rising". Avengers Assemble. 2 sezon. 2 epizod. October 5, 2014. Disney XD.
33. "Kevin Feige Avengers Spoiler Podcast". Empire Magazine. İstifadə tarixi: 2012-05-08.
34. "The Avengers has two post-credit scenes, mystery actor revealed". IFC. 2012-05-02. İstifadə tarixi: 2012-05-02.
35. Ford, Rebecca (May 30, 2014). "Josh Brolin Voicing Thanos in 'Guardians of the Galaxy'". The Hollywood Reporter. May 31, 2014 tarixində . İstifadə tarixi: May 30, 2014.
36. "Marvel's The Avengers Head Into an Infinity War - News - Marvel.com". marvel.com.
37. "'It's Thanos Against Everyone' Says Brolin of Avengers: Infinity War - ComingSoon.net". ComingSoon.net.
38. Brickextra.com. 28 April 2019 tarixində orijinalından arxivləşdirilib. İstifadə tarixi: 24 November 2017.
39. "Future Fight 2.1.0 with Thanos, Supergiant, Ebony Maw playable". Product-reviews.net. İstifadə tarixi: 24 November 2017.
40. "Thanos Comes to 'Marvel Puzzle Quest' - TouchArcade". Toucharcade.com. İstifadə tarixi: 24 November 2017.
41. "Guardians of the Galaxy: The Telltale Series". IMDb.com. 18 April 2017. İstifadə tarixi: 24 November 2017 – www.imdb.com vasitəsilə.
42. "Marvel vs. Capcom: Infinite story mode demo out now on PS4 and XB1, trailer shows several new characters". Eventhubs.com. İstifadə tarixi: 24 November 2017.
43. Capcom. Marvel vs. Capcom: Infinite. Capcom. Səhnə: Credits, "Cast".
44. "Thanos: Death Sentence Prose Novel (Hardcover) - Comic Books - Comics - Marvel.com". Marvel.com. İstifadə tarixi: 24 November 2017.

Xarici keçidlər

• Tanos Marvel Dünyası Vikisində
• Tanos Comic Book Verilənlər Bazasında