Səbuhi Sadıqov

Səbuhi Rövşən oğlu Sadıqov (9 may 1996(1996-05-09), Biləsuvar rayonu – 2020, Laçın rayonu) — II Qarabağ müharibəsinin şəhidi.

Səbuhi Sadıqov
Şəxsi məlumatlar
Doğum tarixi	9 may 1996(1996-05-09)
Doğum yeri	Biləsuvar rayonu, Azərbaycan
Vəfat tarixi	2020
Vəfat yeri	Laçın rayonu, Azərbaycan
Dəfn yeri	Əhmədbəyli
Vətəndaşlığı	Azərbaycan

Həyatı

Səbuhi Sadıqov 9 may 1996–ci ildə Biləsuvar rayonunda anadan olmuşdur. Əslən Füzuli rayonundan olan Sadıqov Səbuhi Bakı şəhəri Nərimanov rayonu 73 saylı tam orta məktəbdə təhsil almışdır. Uşaqlıq yaşlarından idmana böyük həvəsi olan Səbuhi Sadıqov kiçik yaşlarından karate, kikboks ilə məşğul olmuş, 8-9-cu sinifə kimi yüngül klublararası turnirlərdə iştirak etmişdir. Daha sonra sərbəst güləşlə məşğul olmağa başlayan Səbuhi Azərbaycan Güləş Federasiyasının milli yığmasının üzvü olmuşdur. O, respublika daxilində və beynəlxalq yarışlarda dəfələrlə müxtəlif dərəcələrlə təltif olunmuş, çempion adını qazanmışdır. MMA (Qaydasiz doyuş) döyüş növü üzrə professional olaraq məşğul olmuşdur. Ultimax döyüş növləri federasiyasının üzvü idi.

O, bir çox yarışlarda Azərbaycan Respublikasını təmsil edərək qazandığı naliyyətləri ilə bayrağımızı yüksəltmişdir.

 

Qara kəmər alarkən xatirə şəkili

2014 – cü ildə Azərbaycan Respublikası Xüsusi Təyinatlı Qüvvələrdə 1il 6ay xidmət etmişdir. 2015-2017-ci illərdə Ultimax Döyüş Növləri Federasiyasının təşkil etdiyi Bakı çempionatında və 2017-ci ildə Respublika çempionatında qalib olmuşdur. Gürcüstan Respublikasında Dünya Çempionatında professional kəmər uğrunda mübarizə aparmış və qara kəmər qazanmışdır. Bununla yanaşı şəxsi “Comando Fight Klub”unu yaradaraq çoxlu sayda özü kimi tələbələr yetişdirmişdir.

Gürcüstan Respublikasında Ultimax döyüş növləri üzrə keçirilən 3-cü Dünya Çempionatında 1 tələbəsi dünya çempionu olmuş, digər 3 tələbəsi isə fərqli dərəcələrlə III yeri qazanmışlar.

28 sentyabr 2020 – ci ildə Vətən müharibəsində könüllü olaraq yollanan, ailəsi ilə “Vətən dardadır” deyərək sağollaşan Səbuhi Sadıov "dua et ana mən arzuma çatım" sözlərini demişdir. O, Laçın istiqamətində gedən döyüşlərdə qəhrəmancasına şəhid olmuşdur. Noyabrın 5 – də Füzuli rayonunun Əhmədbəyli kənd qəbirstanliginda dəfn olunmuşdur.

Hərbi xidməti

2014 – cü ildə Azərbaycan Respublikasının Xüsusi Təyinatlı Qüvvələrində 1il 6ay, 28 sentyabr 2020 – ci ildə Vətən müharibəsində könüllü olaraq Azərbaycan Respublikası Xüsusi Təyinatlı Qüvvələrində kəşfiyyatçı kimi 37 gün xidmət etmişdir. Füzuli, Xocavənd, Hadrut, Cəbrayıl, Qubadlı, Laçın istiqamətində gedən döyüşlərdə iştirak etmiş və Laçında qəhrəmancasına şəhid olmuşdur.

Ailə vəziyyəti

Ailənin yeganə oğul ovladı olan şəhidimiz nişanlı idi .

Təltifləri

•   (15.12.2020) — "Vətən uğrunda" medalı (ölümündən sonra)
•   (24.12.2020) — "Cəbrayılın azad olunmasına görə" medalı (ölümündən sonra)
•   (29.12.2020) — "Qubadlının azad olunmasına görə" medalı (ölümündən sonra)

İstinadlar

1. https://az.wikipedia.org/wiki/%C4%B0kinci_Qaraba%C4%9F_m%C3%BCharib%C9%99si_%C5%9F%C9%99hidl%C9%99rinin_siyah%C4%B1s%C4%B1
2. https://mod.gov.az//images/pdf/dd9f576e1878889b988abcc106ccaf51.pdf
3. "Vətən müharibəsində şəhid olan hərbi qulluqçuların siyahısı" (PDF) (azərb.). mod.gov.az. 2020-12-08. 2020-12-08 tarixində (PDF). İstifadə tarixi: 2020-12-10.
4. https://www.youtube.com/watch?v=-GDy9FE8nWk
5. https://www.youtube.com/watch?v=Ago5VDpZbZg
6. https://www.youtube.com/watch?v=OAQJzQ5b-yI
7. "Azərbaycan Silahlı Qüvvələrinin hərbi qulluqçularının "Vətən uğrunda" medalı ilə təltif edilməsi haqqında Azərbaycan Prezidentinin 15.12.2020-ci il tarixli Sərəncamı" ( (az.)). 15.12.2020. 2020-12-17 tarixində . İstifadə tarixi: 15.12.2020.
8. "Azərbaycan Silahlı Qüvvələrinin hərbi qulluqçularının "Cəbrayılın azad olunmasına görə" medalı ilə təltif edilməsi haqqında Azərbaycan Prezidentinin 24.12.2020-ci il tarixli Sərəncamı". www.e-qanun.az (azərb.). 24.12.2020. 2020-12-24 tarixində arxivləşdirilib. İstifadə tarixi: 24.12.2020.
9. "Azərbaycan Silahlı Qüvvələrinin hərbi qulluqçularının "Qubadlının azad olunmasına görə" medalı ilə təltif edilməsi haqqında Azərbaycan Prezidentinin 29.12.2020-ci il tarixli Sərəncamı". e-qanun.az ( (az.)). 29.12.2020. 2021-12-29 tarixində arxivləşdirilib. İstifadə tarixi: 29.12.2020.