Süleyman Səlimbəyov
Süleyman Cabbar oğlu Səlimbəyov (1888, Şamaxı, Bakı quberniyası – 1951, Bakı) — Azərbaycan teatr aktyoru, Azərbaycan SSR əməkdar artisti (1940).
| Süleyman Səlimbəyov | |
|---|---|
| Doğum tarixi | |
| Doğum yeri | Şamaxı, Şamaxı qəzası, Bakı quberniyası, Rusiya İmperiyası |
| Vəfat tarixi | |
| Vəfat yeri | Bakı, Azərbaycan SSR, SSRİ |
| Vətəndaşlığı | Rusiya İmperiyası→ AXC→ SSRİ |
| Fəaliyyəti | teatr aktyoru |
| Fəaliyyət illəri | 1907-ci ildən |
| Mükafatları | |
Həyatı
Süleyman Səlimbəyov 1888-ci ildə Şamaxıda anadan olmuşdur. Səhnəyə 1907–1908-ci illərdə çıxmış, əsasən, "Nicat" cəmiyyətinin, 1919–1936-cı illərdə hazırkı Akademik Milli Dram Teatrının truppasında olmuşdur. 1936-cı ildə Lənkəranda yeni açılmış teatrın yaradıcılığına təkan vermək üçün oraya ezam edilmişdir. 1940-cı illərin ortalarına qədər qısa fasilələrlə Lənkəran Dövlət Dram Teatrında direktor və bədii rəhbər işləmişdir. Arada bir neçə rayon teatrında, həmçinin Akademik sənət ocağında aktyorluq etmişdir.
Süleyman Səlimbəyov Lənkəran teatrında Mirzə İbrahimovun "Həyat", Üzeyir Hacıbəyovun "Ər və arvad", "Məşədi İbad", "Arşın mal alan", Cəfər Cabbarlının "Yaşar", "1905-ci ildə", "Od gəlini" əsərlərini tamaşaya hazırlamışdır.
Aktyor 1951-ci ildə Bakıda vəfat etmişdir.
Mükafatları
- "Azərbaycan SSR əməkdar artisti" fəxri adı — 23 aprel 1940
İfa etdiyi əsas rollar
| Rol | Tamaşa | Müəllif |
|---|---|---|
| Heydər bəy | Hacı Qara | Mirzə Fətəli Axundov |
| Gürcü bəy | Nadir şah | Nəriman Nərimanov |
| Heydər bəy | Ölülər | Cəlil Məmmədquluzadə |
| Aslan bəy | Anamın kitabı | Cəlil Məmmədquluzadə |
| Əmirqulu xan | Ağa Məhəmməd şah Qacar | Əbdürrəhim bəy Haqverdiyev |
| Kəndli | Bəxtsiz cavan | Əbdürrəhim bəy Haqverdiyev |
| Səlim bəy | Dağılan tifaq | Əbdürrəhim bəy Haqverdiyev |
| Özdəmir | Afət | Hüseyn Cavid |
| Əli paşa | Topal Teymur | Hüseyn Cavid |
| Platon | Şeyx Sənan | Hüseyn Cavid |
| Altunbay | Od gəlini | Cəfər Cabbarlı |
| Şüheyb | Trablis müharibəsi və ya Ulduz | Cəfər Cabbarlı |
| Dövlət bəy | Aydın | Cəfər Cabbarlı |
| İvanov | Yaşar | Cəfər Cabbarlı |
| Aslan bəy | Oqtay Eloğlu | Cəfər Cabbarlı |
| Heydər bəy | Laçın yuvası | Süleyman Sani Axundov |
| Bobçinski və İvan Kuzmiç | Müfəttiş | Nikolay Qoqol |
| Aslan | Qafqaz çiçəkləri | Rudolf Rotşild |
| Qraf | İki yetimə | Adolf D'Enneri və Kermon |
| Anteron de Mariti | Qanlı qala | Aleksandr Düma |
| Lord Edvard | Kapitan Qrantın uşaqları | Jül Vern |
| Şah-Klavdi | Hamlet | Uilyam Şekspir |
| Don Loyes | Don Juan | Jan-Batist Molyer |
| Cənab de Stenval | Jorj Danden | Jan Batist Molyer |
İstinadlar
- ↑ Rəhimli, 2017. səh. 233–234
Ədəbiyyat
- Rəhimli, İ. (2017). Azərbaycan Teatr Ensiklopediyası (3 cilddə). 3-cü cild. Bakı: Azərnəşr. 416 səh. ISBN 5-86874-179-X.