Sumqayıt Dövlət Dram Teatrı

Hüseyn Ərəblinski adına Sumqayıt Dövlət Dram Teatrı — Sumqayıtda fəaliyyət göstərən professional teatr.

Sumqayıt Dövlət Musiqili Dram Teatrı
Hüseyn Ərəblinski adına Sumqayıt Dövlət Dram Teatrı
Ümumi məlumatlar
Əvvəlki adları	H. Ərəblinski adına Sumqayıt Dövlət Gənclər Teatrı (1968-1974) SK Klubu (Sintez Kauçuk Klubu)
Teatrın tipi	dram teatrı
Əsası qoyulub	1968
Heyət
Direktor	İslam Həsənov
Baş rejissor	Firudin Məhərrəmov
Yerləşməsi
40°35′47″ şm. e. 49°40′09″ ş. u.
Ölkə	Azərbaycan
Yerləşir	Sumqayıt
Ünvan	Azərbaycan, Sumqayıt şəhəri, Azərbaycan prospekti.
Sumqayıt Dövlət Musiqili Dram Teatrı
sumqayitdram.az

Tarixi

Azərbaycanın görkəmli teatr xadimi, rejissor Hüseyn Ərəblinskinin adını daşıyan Sumqayıt Dövlət Dram Teatrı 1968-ci ildə yaranmışdır.

1969-cu ildə Azərbaycan hökuməti Hüseyn Ərəblinskinin xatirəsini əbədiləşdirmək haqqında qərar qəbul etmişdir. Bu məqsədlə Sumqayıt Dövlət Gənclər Dram Teatrına Hüseyn Ərəblinskinin adı verilmişdir.

1968-ci ilin sentyabr ayında Azərbaycan SSR Nazirlər Kabinetinin qərarı və Mədəniyyət Nazirliyinin sərəncamı ilə Sumqayıtda ilk professional kollektiv – H. Ərəblinski adına Sumqayıt Dövlət Gənclər Teatrı yarandı.

Öz pərdəsini 1969-cu ilin mart ayının 14-də Azərbaycan dramaturgiyasının banisi Mirzə Fətəli Axundzadənin “Müsyo Jordan və Dərviş Məstəli şah” (rejissoru Cənnət Səlimova) məzhəkəsi ilə açan teatr, sabahısı gün öz tamaşaçılarını ingilis dramaturqu Con Patrikin “Qəribə missis Cəvic” (rejissoru Nəsir Sadiqzadə) tragikomediyası ilə sevindirdi.

1974-cü ildə Mədəniyyət Nazirliyinin qərarı ilə teatra "Sumqayıt Dövlət Dram Teatrı" statusu verildi.

Repertuarı

Teatrın repertuarına klassik və müasir Azərbaycan, rus və xarici ölkə dramaturqlarının pyesləri daxildir.

Mixail Lermontovun "Maskarad", Nəcəf bəy Vəzirovun "Müsibəti Fəxrəddin", İ. Ştokun "İlahi komediya"sı və s. teatrın səhnəsində məharətlə oynanılmışdır.

Uğurları

Nəriman Həsənzadənin "Bütün Şərq bilsin" əsərinin tamaşası 1981-ci ildə teatr tamaşalarına SSRİ ümumittifaq baxışının diplomuna layiq görülmüşdür.

Kollektivi

Teatrda bir müddət xalq artistləri – Rza Əfqanlı, Barat Şəkinskaya, görkəmli rejissor Mərahim Fərzəlibəyov çalışmışlar. Teatrın yetirmələri – Afaq Bəşirqızı, Hicran Mehbalıyeva, Valeh Kərimov, Rövşən Almuradlı, Kazım Abdullayev, Məzahir Süleymanov Azərbaycanın tanınmış incəsənət xadimləridir.

Nailiyyətləri

Azərbaycan Respublikasının Prezidenti 25 sentyabr 2008-ci ildə Hüseyn Ərəblinski adına Sumqayıt Dövlət Musiqili Dram Teatrı ilə bağlı 2 sərəncam vermişdir. Azərbaycan mədəniyyətinin inkişafındakı xidmətlərinə görə teatrın 2 əməkdaşına "Azərbaycan Respublikasının xalq artisti", 6 əməkdaşına "Azərbaycan Respublikasının əməkdar artisti", 3 əməkdaşına "Azərbaycan Respublikasının əməkdar mədəniyyət işçisi" fəxri adları verilmiş və 6 əməkdaş "Tərəqqi" medalı ilə təltif edilmişdir.

Xarici keçidlər

• Rəsmi saytı: sumqayitdram.az  (az.)

İstinadlar

1. "sumqayitdram.az" saytı: Teatrın tarixi  (az.)
2. Görkəmli Azərbaycan artisti Hüseyn Ərəblinskinin xatirəsini əbədiləşdirmək haqqında Azərbaycan KP MK və Azərbaycan SSR Nazirlər Sovetinin 30 sentyabr 1969-cu il tarixli, 446 nömrəli Qərarı — anl.az saytı
3. "sumqayitdram.az" saytı: Teatrın tarixi  (az.)
4. "Hüseyn Ərəblinski adına Sumqayıt Dövlət Musiqili Dram Teatrının əməkdaşlarına fəxri adların verilməsi haqqında" Azərbaycan Respublikası Prezidentinin 25 sentyabr 2008-ci il tarixli, 3060 nömrəli Sərəncamı.^{[ölü keçid]}  (az.)
5. "Hüseyn Ərəblinski adına Sumqayıt Dövlət Musiqili Dram Teatrının əməkdaşlarının "Tərəqqi" medalı ilə təltif edilməsi haqqında" Azərbaycan Respublikası Prezidentinin 25 sentyabr 2008-ci il tarixli, 3061 nömrəli Sərəncamı.^{[ölü keçid]}  (az.)