Seymur Məmmədov

Vikipediyada bu adlı digər şəxslər haqqında da məqalələr var; bax: Seymur.

Seymur Qəhrəman oğlu Məmmədov (18 sentyabr 1971, Füzuli – 1 aprel 1992, Məlikcanlı, Xocavənd rayonu) — Azərbaycanın Milli Qəhrəmanı, Qarabağ müharibəsi şəhidi.

Seymur Məmmədov
Seymur Qəhrəman oğlu Məmmədov
Şəxsi məlumatlar
Doğum tarixi	18 sentyabr 1971(1971-09-18)
Doğum yeri	Füzuli şəhəri, Azərbaycan SSR, SSRİ
Vəfat tarixi	1 aprel 1992
Vəfat yeri	Məlikcanlı, Xocavənd rayonu, Azərbaycan
Dəfn yeri	Bakı şəhəri, Şəhidlər xiyabanı
Vətəndaşlığı	Azərbaycan
Hərbi fəaliyyəti
Mənsubiyyəti	Azərbaycan Respublikası
Döyüşlər	Birinci Qarabağ müharibəsi
Təltifləri

Həyatı

18 sentyabr 1971-ci ildə Füzuli şəhərində dünyaya göz açmışdır. 1978-1988-ci illərdə burada 2 saylı məktəbdə təhsil almışdır. 1988-ci ildə Azərbaycan Politexnik İnstituna daxil olmuşdur. 1991-ci ildə hərbi xidmətə çağırılır. Hərbi xidmətini Almaniya və Ukraynada keçirir.

Döyüşlərdə iştirakı

Seymur Məmmədov ordudan tərxis edilən kimi könüllü olaraq özünümüdafiə batalyonuna yazılır. Seymur bir neçə kəndin azad edilməsində, əsirlərin geri alınmasında əsl qəhrəmanlıq göstərmişdi. 1992-ci il 1 aprel Seymurun son döyüşü oldu. Məlikcanlı kəndi uğrunda gedən döyüşlərdə hər birində 10 erməni döyüşçsüsü olan 15 dayaq nöqtəsi məhv edildi. Həmin döyüşdə snayperlə vurulan Seymur 20 yaşında qəhrəmancasına şəhid oldu.

Ailəsi

Subay idi.

Xatirəsi

Azərbaycan Respublikası prezidentinin 11 avqust 1992-ci il tarixli 131 saylı fərmanı ilə Məmmədov Seymur Qəhrəman oğluna ölümündən sonra "Azərbaycanın Milli Qəhrəmanı" adı verilmişdir.

Bakı şəhərinin Şəhidlər xiyabanında dəfn edilib.

Oxuduğu məktəb onun adını daşıyır.

2019-cu ildə studiyasında haqqında "Qartal yuvası" sənədli filmi çəkilmişdir. Filmin rejissoru Çingiz Həsənovdur.

Ədəbiyyat

• Vüqar Əsgərov. "Azərbaycanın Milli Qəhrəmanları" (Yenidən işlənmiş II nəşr). Bakı: "Dərələyəz-M", 2010, səh. 206.

İstinadlar

1. "National Heroes". Azerbaijans.com. 3 January 2019 tarixində . İstifadə tarixi: 10 December 2018.
2. "MƏMMƏDOV SEYMUR QƏHRƏMAN oğlu". veten-ugrunda.az. 9 September 2015. 10 December 2018 tarixində . İstifadə tarixi: 10 December 2018.
3. CBC TV. "Фильм о подвигах Национального Героя Азербайджана" (rus). Youtube.com. 21.05.2019. İstifadə tarixi: 2019-05-21.
4. Real TV. ""Qartal yuvası"nın təqdimatı" (az.). Youtube.com. 21.05.2019. İstifadə tarixi: 2019-05-21.

Xarici keçidlər

• Məmmədov Seymur^{[ölü keçid]}
• Seymur Məmmədov 2014-10-22 at the Wayback Machine