Seyid Əhməd Paşa
Seyid Əhməd Paşa (ö. 1799) — I Əbdülhəmid və III Səlim səltənətində müxtəlif vəzifələrdə xidmət edən Osmanlı dövlət xadimi.
| Seyid Əhməd Paşa | |
|---|---|
| سيد احمد باشا | |
| Şəxsi məlumatlar | |
| Doğum yeri | Ədirnə |
| Vəfat tarixi | |
| Vəfat yeri | Ərzurum, Osmanlı imperiyası |
| Atası | Kürəkən Süleyman Paşa |
| Həyat yoldaşı | Xədicə Sultan |
| Uşaqları | Ələddin Paşa Osman Paşa |
Həyatı
Doğum tarixi bilinməsə də, Ədirnədə dünyaya gəldiyi məlumdur. Atası Anadolu bəylərbəyliyinə qədər yüksələn Kürəkən Süleyman Paşadır. Atası ölümündən bir neçə ay öncə Sultan Əhmədin qızlarından Zübeydə Sultanla evlənmiş, bu səbəblə uşaqlığından bəri saraya yaxın olmuşdur. Əndərunda təhsil aldıqdan sonra saraya alındı və baş qapıçılığa qədər yüksəldi. Ardından 1780-ci ildə Bozox, 1781-ci ilin iyulunda Moreya, 1782-ci ilin sentyabrında isə vəzir rütbəsiylə Krit sancaqbəyliyinə təyin edildi. Bu vəzifədə ikən 29 aprel 1784-cü ildə Sultan Mustafanın qızlarından Xədicə Sultanla nişanlandı və həmin ilin iyununda Anadolu bəylərbəyi oldu. Cütlüyün toy mərasimi isə 1787-ci ilin oktyabrında baş tutdu. Bu nigahdan paşanın övladı olmadı.
Toy mərasiminin ardından Sofiya mühafizəsi ilə vəzifələndirildi və Rumeli bəylərbəyi seçildi. 1798-ci ilədək Anadolu və Rumelinin müxtəlif əyalətlərində xidmət göstərdi. Ən son xidmət yeri olan Ərzurumda 1799-cu ildə vəfat etdi.
İlk evliliyindən dünyaya gələn böyük oğlu Ələddin Paşa özü kimi Anadolu bəylərbəyliyinə qədər yüksəlmiş, 1801-ci ildə Sultan Əbdülhəmidin qızlarından Hibətullah Sultanla evlənmişdir. 1813-cü ildə vəfat etmişdir. Digər oğlu Osman Paşa isə 1808-ci ildə Karesi sancaqbəyi olmuş, 1809-cu ildə bölgədəki iğtişaşlarda şəhid düşmüşdür.
Mənbə
- Sicil-i Osmani I, s. 220.
- Necdet Sakaoğlu, Bu Mülkün Kadın Sultanları, Oğlak Yyaınları, 4. baskı, s. 311-313
İstinadlar
- Uluçay, Mustafa Çağatay (1985). Padışahların kadınları ve kızları. Türk Tarihi Kurumu Yayınları. p. 220.