Seyfəddin Balağayev
Seyfəddin Vahid oğlu Balağayev (6 mart 1998, Dəvəçi – 7 oktyabr 2020, Füzuli rayonu) — Azərbaycan Silahlı Qüvvələrinin əsgəri, Vətən müharibəsinin şəhidi.
| Seyfəddin Balağayev | |
|---|---|
| Şəxsi məlumatlar | |
| Doğum tarixi | 6 mart 1998 |
| Doğum yeri | |
| Vəfat tarixi | 7 oktyabr 2020 (22 yaşında) |
| Vəfat yeri | |
| Dəfn yeri | Şabran Şəhidlər Xiyabanı |
| Vətəndaşlığı | |
| Hərbi fəaliyyəti | |
| Mənsubiyyəti | Azərbaycan Ordusu |
| Qoşun növü | Quru Qoşunları |
| Xidmət illəri | 2020 |
| Rütbə | |
| Döyüşlər | |
| Təltifləri | |
Həyatı
Seyfəddin Balağayev 6 mart 1998-ci il tarixində Azərbaycanın Şabran rayonunun (o vaxtlar Dəvəçi adlanırdı) eyniadlı şəhərində anadan olmuşdur. O, 2004-cü ildən 2015-ci ilə qədər Şabran şəhərində orta təhsilini almışdır. Balağayev 2015-cu ildə Sumqayıt Dövlət Universitetinin Fizika və Elektroenergetika fakültəsinə qəbul olmuşdur.
Hərbi xidməti
Seyfəddin Balağayev 2020-ci ilin sentyabr ayının axırlarında Azərbaycan Silahlı Qüvvələrinin ordu sıralarına qoşulmuşdur. O, 2020-ci il sentyabrın 27-də Azərbaycan Silahlı Qüvvələri tərəfindən Ermənistan işğalı altında olan ərazilərin azad edilməsi üçün başlanan Vətən müharibəsində savaşmışdır. Seyfəddin Balağayev Füzulinin azad edilməsi uğrunda gedən döyüşlərdə iştirak etmişdir. O, oktyabrın 7-də, 22 yaşında Füzuli rayonu ərazisində şəhid olmuşdur. Seyfəddin Balağayev oktyabrın 8-də Şabran Şəhər Şəhidlər Xiyabanında dəfn edilmişdir.
Təltiflər
- (15.12.2020) — "Vətən uğrunda" medalı (ölümündən sonra)
.png.html){kind=link}
İstinadlar
- "Sumqayıt Dövlət Universitetinin şəhid olan məzunları - SİYAHI". Aqreqator.az (azərb.). 18 dekabr 2020. İstifadə tarixi: 23 mart 2021.
- Əliyev, İlham (15 dekabr 2020). "Azərbaycan Silahlı Qüvvələrinin hərbi qulluqçularının "Vətən uğrunda" medalı ilə təltif edilməsi haqqında Azərbaycan Prezidentinin 15.12.2020-ci il tarixli Sərəncamı" (azərb.). 17 dekabr 2020 tarixində . İstifadə tarixi: 25 dekabr 2021.