Samaşki

Samaşki (Çeçen. СемаӀашка) kəndi Çeçenistan Respublikasının Açxoy-Martan rayonunda yerləşir. Samaşkinski kənd yaşayış məntəqəsinin inzibati mərkəzidir.

Samaşki
СемаӀашка
Ölkə	Rusiya
Tarixi və coğrafiyası
Əsası qoyulub	1851
Mərkəzin hündürlüyü	235 m
Saat qurşağı
Əhalisi
Əhalisi	13.079 nəf. (2024)
Rəsmi dili	Çeçen dili, rus dili
Rəqəmsal identifikatorlar
Poçt indeksi	366602
Xəritəni göstər/gizlə Samaşki
Vikianbarda əlaqəli mediafayllar

Coğrafiya

Kənd Açxoy-Martan rayonunun şimal hissəsində, Sunja çayının sol sahilində, regional mərkəz Açxoy-Martan şəhərindən 9 km şimalda və Qroznı şəhərindən 30 km qərbdə yerləşir. Kənddən 4 km cənubda "Qafqaz" federal magistral yolu keçir. Həmçinin kənddə Nazrandan Qroznıya dəmiryolu çəkilib. Kəndin bir hissəsi dəmiryolunun kənarında yerləşir. Samaşkinin quruluşuna bir neçə ikimərtəbəli yaşayış binalarından ibarət Drujba kəndi daxildir. Kənddə üç ayrı məktəb binası var. Kəndin ərazisisi Şimaldan Sunjenski silsiləsinin təpələri, cənubdan - Samaşkinski meşəsi və Sunja çayına bitişikdir. Ən yaxın yaşayış məntəqələri: cənubda Yeni Şaroy, cənub-qərbdə Davidenko, qərbdə Sernovodskoye, şimal-şərqdə Radujnoye və şərqdə Zakan-Yurt.

Etimologiya

Kəndin və yerin adı Çeçen sözündən "Саь-Маӏашка" yaranıb və mənası, "maralların məkanı" deməkdir.

Tarixi

Kənd Aşağı Samaşkinin dağıdılan Çeçen kəndinin yerində, Sunjen kazak xəttinin yaranması zamanı Samaşkinskaya kəndi olaraq 1851-ci ildə əsası qoyuldu. № 01721 nömrəli əmrlə, 1920-ci ildə kəndin bütün kazak əhalisi köçürüldü: 18-50 yaş arası kişilər Qafqaz xaricindəki konsentrasiya düşərgələrinə göndərildi, qalan əhali Terekə qovuldu. Kənd yenidən çeçenlər tərəfindən məskunlaşmışdır. Birinci Çeçen Döyüşü zamanı, 7-8 aprel 1995-ci ildə kənddə, bəzi Rusiya və beynəlxalq insan haqları təşkilatlarına görə, federal birliklər tərəfindən mülki şəxslərin kütləvi şəkildə qətliamı oldu . 14 mart 1996-cı ildə federal qoşunlar Xizir Xaçukayevin komandanlığı altında yaraqlıların böyük silahlı dəstəsinin yerləşdiyi Samaşki kəndini mühasirəyə aldı. Martın 15-də federal tərəf kəndə hücum etdi. Martın 20-də yaraqlılar Samaşkini tərk etdilər. 2003-cü ilin avqust ayında 500-ə yaxın kənd sakini qaçırılan 16 yaşlı qızın, kənd sakini Elsa Katsayevanın sərbəst buraxılmasını tələb edərək Qafqaz federal yolunu bağladılar. 15 avqust 2003-cü ildə kənddə yerləşən bir hərbi komendant ofisi yaraqlılar tərəfindən hücuma məruz qaldı. Binanın avtomat silah və qumbaraatanlarla kütləvi şəkildə atəşə tutulması nəticəsində 2 hərbçi şəhid oldu, 10 nəfər müxtəlif dərəcəli ağır yaralandı. 1 aprel 2004-cü ildə daxili qoşunlar Samaşkini hər tərəfdən mühasirəyə alaraq kənddə xüsusi əməliyyat keçirdi. İki binada minalar üçün boşluqlar, radio ilə idarə olunan , təchiz olunmuş mina, qumbaraatan və digər sursat var idi. NTV-nin məlumatına görə, Samaşkidə bu cür xüsusi əməliyyatlar nəticəsində 27 nəfər itkin düşmüşdür.

Əhali

2010-cu il Ümumrusiya Əhali siyahıyaalmasına görə kəndin milli tərkibini 99,9 % çeçenlər və 0,1 % digərləri təşkil edir.

İstinadlar

1. http://www.gks.ru/free_doc/2016/oktmo/tom4_oktmo.rar.
2. "Численность постоянного населения Российской Федерации по муниципальным образованиям на 1 января 2024 года"..
3. "Россия. Чечня. Ачхой-Мартановский район-САМАШКИ". 2019-10-21 tarixində . İstifadə tarixi: 2019-10-31.
4. "Основные сведения о Терской области. ч.3" (PDF). 2016-03-04 tarixində (PDF). İstifadə tarixi: 2019-10-31.
5. "ПРИКАЗ № 01721 оп". 2016-04-04 tarixində . İstifadə tarixi: 2019-10-31.
6. "Похитители 16-летней девушки спокойно проехали все блокпосты". 2018-12-08 tarixində . İstifadə tarixi: 2019-10-31.
7. "База новостей". 2017-11-07 tarixində . İstifadə tarixi: 2019-10-31.
8. "В чеченском селе Самашки найдены склады со взрывчаткой". 2021-06-21 tarixində . İstifadə tarixi: 2019-10-31.
9. . 2015-09-29 tarixində orijinalından arxivləşdirilib. İstifadə tarixi: 2019-10-31.