Rəna Yüzbaşı

Rəna Yüzbaşı — yazıçı, publisist.

Rəna Çingiz qızı Yüzbaşı
Rəna Çingiz qızı Yüzbaşeva
Doğum tarixi	15 avqust 1976 (45 yaş)
Doğum yeri	Bakı, Azərbaycan SSR
Vətəndaşlığı	Azərbaycan
yuzbashi.com
Vikianbarda əlaqəli mediafayllar

Həyatı

Rəna Yüzbaşı 15 avqust 1976-cı ildə Bakı şəhərində anadan olmuşdur. Bakı Dövlət Universitetinin Hüquq fakültəsini bitirib. İqtisadiyyatın hüquqi tənzimlənməsi sahəsində magistr dərəcəsi alıb. Polşada Helsinki Beynəlxalq İnsan Haqları Fondunun insan haqlarının qorunması üzrə ali kurslarının diplomuna malikdir. 2008-ci ildə Avstriyanın Avropa Sülh Universitetində konfliktologiya sahəsində dissertasiyasını müdafiə edib.

Hazırda Moskvada yaşayır və fəaliyyətini davam etdirir.

Atası - Yüzbaşev Çingiz Rüstəm oğlu - İqtisadçı, ali təhsil müəssisələri üçün bir neçə dərsliyin müəllifi ("İqtisadi analiz", "İdarəedilmə analizi", "İqtisadi analiz nəzəriyyəsi"). Azərbaycan Dövlət İqtisad Universitetində dərs deyir.

Anası - Yüzbaşeva Elmira Xasay qızı - filoloq, rus dili və ədəbiyyat dərslərini deyir.

Əsərləri

Rəna Yüzbaşının ilk romanı "From: Воробышек with love" Bakıda 2007-ci ilin əvvəlində çap olunmuşdur. Həmin il onun dilogiyasının birinci hissəsi - "Целая вечность и на минуту больше" ("Əbədiyyət və daha bir dəqiqə") işıq üzü görür. Müəllif saytında dilogiyanın müxtəlif səbəblərdən çap edilməmiş ikinci hissəsi - "Целая вечность и ни минутой больше" yerləşdirilmişdir. 2010-cu ildə Moskvanın tanınmış "Eksmo" nəşriyyatı tərəfindən onun "Скинхед" kriminal romanı çap olunmuşdur.

"Целая вечность и на минуту больше"

Rəvayət birinci şəxsin adından danışılır. Orta Asiya ölkələrinin birinin DİN işçisi cavan Arslan Qalibov rəhbərlikdən xaricdə yaşayan həmvətənlərinin növbədənkənar qurultayının keçirilməsi tapşırığını alır. Romanda qəhrəmanın iş günləri ilə bərabər, onun dramatizmlə zəngin şəxsi həyatı da əks olunur...

"Целая вечность и на минуту меньше"

"Целая вечность и на минуту больше" romanındakı hadisələrdən dörd il keçir. Arslan artıq İsveçrədə səfirdir, lakin həyat ona yeni sınaqlar hazırlamaqdadır...

"Skinxed"

Povest Moskvada yaşayan Artyom adlı sadə oğlandan bəhs edir. O, məktəbi bitirmək üzrədir, hamı kimi adi məktəbdə oxuyur, anasını sevir, qız ilə görüşür, idmanla məşğul olur, problemləri də hamınınkındandır. Həmçinin o, "Qırmızı üzük" klubunun üzvüdür. Kluba Müəllim rəhbərlik edir, o Artyomun şüuruna təsir göstərərək, Rusiyanın bütün problemlərinin kökündə "özgələrin", "qafqazlıların" durduğu fikrini yeridir. Lakin Müəllim bunun həllini bilir...

"From: Воробышек with love"

Roman elektron məktublarda yazılıb. Bu məktublar özlərində baş qəhrəmanın bir ilini nümayiş etdirir - bütün həyatı, yazışdığı yaxın insanlarla münasibəti, böyük şəhərdə yaşayan müasir qadın həyatının bütün xırdalıqları.

Dostları onu Vorobışek (Sərçəcik) deyə çağırırlar, o, bizneslə məşğul olur, maşın sürür, qəbullar keçirir və premyeralarda iştirak edir, işləyir və toxuyur, pişik əldə edir və bağdakı siçovullarla vuruşur, sevdiyi kişi ilə ayrılır və özündən yaşça qat-qat böyük olan kişi ilə evlənir...

Həmçinin bax

• Rəna Yüzbaşının vebsaytı^{[ölü keçid]}
• Rəna Yüzbaşının Livejournal bloqu