Rizvan Cəbiyev
Rizvan Cəbiyev (tam adı: Rizvan İsrafil oğlu Cəbiyev; 5 dekabr 1940, Axtaçı, Kürdəmir rayonu) — azərbaycanlı dövlət və siyasi xadim; Azərbaycan Milli Məclisinin I və II çağırış üzvü.
Rizvan Cəbiyev | |||||||
---|---|---|---|---|---|---|---|
Rizvan İsrafil oğlu Cəbiyev | |||||||
| |||||||
Şəxsi məlumatlar | |||||||
Partiya | |||||||
Təhsili | Dövlət Pedaqoji İnstitu | ||||||
Doğum tarixi | |||||||
Doğum yeri | Axtaçı, Kürdəmir rayonu, Azərbaycan SSR, SSRİ | ||||||
Vətəndaşlığı | SSRİ→ Azərbaycan | ||||||
| |||||||
Təltifləri |
Həyatı
Rizvan Cəbiyev 1940-cı il noyabrın 5-də Kürdəmir rayonunun Axtaçı qəsəbəsində anadan olub. Azərbaycan Dövlət Pedaqoji İnstitutunda ali təhsil alıb. Rus dilini bilir. Əvvəl bitərəf olub, 2000-ci ildən isə Yeni Azərbaycan Partiyasının (YAP) üzvüdür.
Rizvan Cəbiyev ailəlidir, üç övladı var. Məhrum reper Anar Nağılbazın atası idi.
Fəaliyyəti
1995-ci il noyabrın 26-da baş tutan Parlament seçimlərində 72 nömrəli Kürdəmir dairəsindən bitərəf namizəd olan Rizvan Cəbiyev I çağırış Milli Məclisin deputatı seçildi. 1995-ci il noyabrın 26-dan səlahiyyətlərinin icrasına başlayan Rizvan Cəbiyev Milli Məclisin İqtisadi siyasət Daimi Komissiyasının və Azərbaycan—Türkiyə parlamentlərarası əlaqələr üzrə işçi qrupunun üzvü olub.
Daha sonra 2000-ci il noyabrın 5-də baş tutan Parlament seçimlərində 72 saylı Kürdəmir dairəsindən Yeni Azərbaycan Partiyasının (YAP) namizədi olan Rizvan Cəbiyev II çağırış Milli Məclisin deputatı seçildi. 2000-ci il noyabrın 12-dən səlahiyyətlərinin icrasına başlayan Rizvan Cəbiyev Milli Məclisin Müdafiə məsələləri Daimi Komissiyasının, Azərbaycan—Yaponiya parlamentlərarası əlaqələr üzrə işçi qrupunun üzvü, Azərbaycan—Özbəkistan parlamentlərarası əlaqələr üzrə işçi qrupunun isə rəhbəri olub.
Rizvan Cəbiyev Azərbaycan Prezidenti İlham Əliyevin 18 noyabr 2017-ci il tarixli 3397 nömrəli Sərəncamı ilə Azərbaycanın ictimai-siyasi həyatında xidmətlərinə görə "Tərəqqi" medalı ilə təltif edilib.
İstinadlar
- "I çağırış Azərbaycan Milli Məclisinin İqtisadi siyasət Daimi Komissiyasının üzvlərinin seçilməsi haqqında Azərbaycan Milli Məclisinin 24 noyabr 1995-ci il tarixli Qərarı" (PDF) ( (azərb.)). 24.11.1995. 26.08.2020 tarixində (PDF). İstifadə tarixi: 26.08.2020.
- "I çağırış Azərbaycan Milli Məclisinin parlamentlərarası əlaqələr üzrə işçi qruplarının yaradılması haqqında Azərbaycan Milli Məclisinin 7 mart 1997-ci il tarixli 256-IQR nömrəli Qərarı" ( (azərb.)). 07.03.1997. 26.08.2020 tarixində . İstifadə tarixi: 26.08.2020.
- "II çağırış Azərbaycan Milli Məclisinin Müdafiə məsələləri Daimi Komissiyasının üzvlərinin seçilməsi haqqında Azərbaycan Milli Məclisinin 30 noyabr 2000-ci il tarixli Qərarı" (PDF) ( (azərb.)). 30.11.2000. 24.08.2020 tarixində (PDF). İstifadə tarixi: 24.08.2020.
- "II çağırış Azərbaycan Milli Məclisinin parlamentlərarası əlaqələr üzrə işçi qruplarının yaradılması haqqında Azərbaycan Milli Məclisinin 30 noyabr 2000-ci il tarixli 24-IIQR nömrəli Qərarı" ( (azərb.)). 30.11.2000. 26.08.2020 tarixində . İstifadə tarixi: 26.08.2020.
- "Azərbaycanın ictimai-siyasi həyatında xidmətləri olan şəxslərin təltif edilməsi haqqında Azərbaycan Prezidenti İlham Əliyevin 18 noyabr 2017-ci il tarixli 3397 nömrəli Sərəncamı" ( (azərb.)). 18.11.2017. 26.08.2020 tarixində . İstifadə tarixi: 26.08.2020.