Anar Nağılbaz

Anar Nağılbaz (tam adı: Anar Rizvan oğlu Cəbiyev; 28 mart 1974(1974-03-28), Xırdalan – 4 avqust 2018(2018-08-04), Bakı) — Azərbaycan repçisi, aktyor, rejissor, ssenarist və prodüser. Azərbaycanın ilk repçisi sayılır.

Anar Nağılbaz
Anar Rizvan oğlu Cəbiyev
Ümumi məlumatlar
Ləqəbi	Azərbaycan repinin atası
Doğum tarixi	28 mart 1974
Doğum yeri	Xırdalan, Azərbaycan SSR, SSRİ
Vəfat tarixi	4 avqust 2018 (44 yaşında)
Vəfat yeri	Bakı, Azərbaycan
Vətəndaşlığı	SSRİ Azərbaycan
Milliyyəti	Azərbaycanlı
Musiqiçi məlumatları
Fəaliyyəti	Repçi, aktyor
Fəaliyyət illəri	1990–2018
Janr	Hip-hop

Anar Nağılbaz müxtəlif dövrdə Almaz Ələsgərova, Brilliant Dadaşova, Dəyirman, Elşad Xose, Kənan MM, Nüşabə Ələsgərli, ProMete, Səbinə Babayeva, Şölə Səfərəliyeva, Uran və digər sənətkarlar ilə əməkdaşlıq edib.

Həyatı

Erkən illəri

Anar Nağılbaz 1974-ci il mart ayının 28-də Xırdalanda Azərbaycan millət vəkili Rizvan Cəbiyevin ailəsində dünyaya gəlmişdir. Ailənin sonuncu övladı və evin son beşiyi idi. Uşaqlıqda səhhəti ilə problemləri olub. Ali təhsilini Azərbaycan Dövlət Mədəniyyət və İncəsənət Universitetində alıb.

1988-ci ildən hip-hopa maraq göstərməyə başlamışdır. 1990-cı ildə Krımda Artek düşərgəsində ilk dəfə rep deyib. 1990-cı ildə ilk dəfə Horadizdə "Beynəlxalq gənc mətbuatçılar festivalı"nda "Bivəfa" rep mahnısını ifa etmişdir. Həmin ildə Yaltada keçirilən beynəlxalq festivalda Azərbaycanı təmsil edib.

Bir sıra universitet və mədəniyyət saraylarında tamaşaları olub. Yazdığı "Meşə nağılı" tamaşasında Mixail Qorbaçovu donuz, Azərbaycanı isə qurd obrazı kimi canlandırıb. 1990–1992-ci illərdə "Kirpi" jurnalının, 1993–1995-ci illərdə "Naxçıvan" qəzetinin müxbiri olmuşdur.

1991-ci ildə "Aysel" miniatür teatr studiyasını yaratmışdır. Rep kimi ilk səhnə çıxışı 1991-ci ilin iyulun 28-də Azərbaycan Dövlət Mahnı Teatrında olmuşdu. Özünün sözlərinə görə, ilk çıxışları cəmiyyət tərəfindən qarışıqlı qarşılanıb:

Səhnəyə ilk dəfə rep gətirdim. Bu insanlar tərəfindən gözəl qarşılansa da, bəzi mental dəyərləri qabardan insanlar da var. Hətta Əmircan Mədəniyyət sarayında bizi pomidor atəşinə tutmuşdular. Çünki sizin dediyiniz kimi bu ilk sayılan repə qarşı vətəndaşların bir-birinə uymayan fərqli mövqeləri idi.

Populyarlıq qazanması

1992-ci ildə "Canlı klip şou" rep bəstəsini ictimaiyyətə təqdim etmişdir. 1993-cü ildə "Narkodünya" mahnısıyla populyarlıq qazanmışdır. Böyük səhnəyə 1993-cü il fevralın 28-də "Canlı klip" teatrının müşayiəti ilə Bakı Dövlət Sirkində çıxmışdır. Azərbaycan KİV-ləri Anar Nağılbazı "Azərbaycan repinin atası" kimi işıqlandırmışdı.

1997-ci ildə ilk albomu işıq üzü görmüşdür. Həmin ildə "Bakı oğrusu" bədii filmini çəkmişdir.

Sonrakı illər

2012-ci il iyulun 2-də Bakı şəhəri Mədəniyyət və Turizm İdarəsinin rəisi Əlikram Əliyevin əmri ilə Bakının Qaraçuxur qəsəbəsində yerləşən Qurban Abbasov adına Mədəniyyət Sarayının direktor müavini vəzifəsinə təyin olunub.

2013-cü il Azərbaycan Respublikası prezidenti seçkiləri zamanı çəkdiyi "Gəl seçkilərə" klipinə görə, dövlət qurumlarının birində olan işini itirmişdir.

2015-ci il yanvarın 12-də hüquq müdafiəçisi Rəsul Cəfərovun cinayət işi üzrə şahid qismində istintaqda ifadə verib. Həmin ildə Anar Nağılbaz Azərbaycanı tərk edərək Çexiyanın Praqa şəhərinə köçmüşdü.

Ölümü

Sirrozdan əziyyət çəkən Anar Nağılbaz, 2018-ci il avqustun 4-də evə qayıdandan sonra vəziyyəti pisləşmişdi. Ailəsi ona təcili yardım maşını çağırısa da, Anar Nağılbaz xəstəxanaya gedərkən daxili qanaxmadan yolda keçinib. Azərbaycan mətbuatında repçinin ölüm səbəbi spirtli içkini həddən artıq qəbul etməsi səbəbindən daxili qanaxma kimi qeyd olunur. Masazır qəbiristanlığında torpağa tapşırılıb.

Şəxsi həyatı

Anar Nağılbaz iki dəfə ailə həyatı qurub. İlk həyat yoldaşı Anjelikadan 2 övladı var. 2017-ci ilin noyabr ayında repçinin internetdə pornoqrafiya videosu yayılmışdı. Bunun nəticəsində, 2017-ci il dekabrın 12-də Anar Nağılbaz Respublika Klinik Xəstəxanasının reanimasiya şöbəsinə yerləşdirilmişdi. O, möhkəm stress keçirirmişdi. Onun şəkəri qalxmış və təzyiqi tamamilə aşağı düşmüşdü.

2018-ci ilin iyunun 30-da Aytən adlı bir qadınla gizli şəkildə ailə qurmuşdu. Özündən yaşca kiçik olan Aytənlə ailə quran Nağılbaz onunla birgə Masazırdakı ata evində yaşayırdı.

Diskoqrafiya

Anar Nağılbazın diskoqrafiyasına 10 studiya albomu daxildir.

Studiya albomları

Ad	İl	Albomun üz qabığı	Qeyd
Sabah olmayacaq	1997		Trek siyahısı № Başlıq Müddət 1. Sənə nə var, alə mən nə bilirəm (Remix)   2. Sabah olmayacaq   3. Dovşan və canavar   4. Sadə qız və dəli (feat. Eka)   5. Mama Roza   6. Hakimə məktub   7. Xatirə   8. Hacı Məmməd (Remix)   9. Narkodünya (Remix)   10. Alo-alo   11. Leyla və Məcnun   12. Eh, deyəcəksən ki... (Remix)   13. Əlibala dolana bilir (Remix)   14. Mama Roza (Remix)   15. Son görüş
Keçdi günlər	1999		Trek siyahısı № Başlıq Müddət 1. Bahar gəlir əzizim   2. Mənin nəşəli gecələrim   3. Hamam-hamam içində   4. Oğraşdır yalan deyən   5. Narkodünya   6. Qəribə həyat   7. Gəl gülüm - Come baby   8. Kasıbların mahnısı   9. Bakı   10. Cool feelings California   11. If I'm not with you   12. Eh, deyəcəksən ki...
Keçdi günlər	2000		Trek siyahısı № Başlıq Müddət 1. İntihar   2. Məni dəli bilir aləm   3. Mənasız yay   4. Balaca qız   5. Həyat davam edir   6. Gəl sənsiz darıxıram   7. Mənim nə vecimə   8. Heç kimi xoşbəxt olmağa qoymaram   9. Nə baş verir bu dünyada   10. Azərbaycan
O qızı görən olubmu?	2000		Trek siyahısı № Başlıq Müddət 1. Dalay - dalay   2. Yarım, canım yolunda yanaşı   3. O qızı görən olubmu?   4. Qızlar mənə baz deyir   5. Atı tap, çap uzaqlara   6. Yox, bu gün bir kəs vurulmalıdır   7. Səbahət   8. Nə nağıldır, nə hekayət   9. Zaman o zaman deyil!   10. İlahə   11. Bu nömrəyə zəng çatmır
Zaman o zaman deyl!	2001		Trek siyahısı № Başlıq Müddət 1. Zaman o zaman deyl! (feat. Trinity Band Girls)   2. Mən səni sevirəm (feat. Brilliant Dadaşova)   3. Bapbalaca qız (feat. Səidə)   4. O gözlər (feat. Brilliant Dadaşova)   5. Gecələr (feat. Trinity Band Girls)   6. Şəbəkə   7. Gecələr (feat. Brilliant Dadaşova)   8. O qızı görən olubmu?   9. İtmiş həyat (feat. Brilliant Dadaşova)   10. M.S.S (feat. Brilliant Dadaşova)   11. Bivəfa   12. Qancıq həyat
Azeri İmic Servis	2002		Trek siyahısı № Başlıq Müddət 1. Çiçək və tikan (feat. Nüşabə Ələsgərli)   2. Xatirə mahnısına remix   3. Üzümüzü daha tutaq tuş günə   4. Sən gedən küçəni tapmaq olmur (feat. Səbinə Babayeva & Qeyri Qardaşlar qrupu)   5. Tuk-tuk qapı döyülür (feat. MUSIK LEE)   6. Sev, deyirik (feat. MUSIK LEE)   7. Axırı elə nağıldı (feat. Kənan MM)   8. Nə nağıldır,nə hekayət (feat. New Life)   9. Qara gözlər (feat. Brilliant Dadaşova)
Dost	2003		Trek siyahısı № Başlıq Müddət 1. DYP (feat. Elşad Xose)   2. O naz edir (feat. Elşad Xose & Miri Yusif)   3. Nağılbazın goru   4. Hər şey var idi   5. Burum-burum   6. Möcüzə   7. Göbələk 2 (feat. Savaş)   8. Maşın yolu   9. Hələ onu de   10. Ehtiyat ehtiyacı   11. Yaramaz dünya   12. Nağılbaz   13. Dost (Part 1)   14. Dost (Part 2)
İç xəbər	2005		Trek siyahısı № Başlıq Müddət
No narkotik	2005		Trek siyahısı № Başlıq Müddət
Göbələk	2005		Trek siyahısı № Başlıq Müddət
Non-stop	2007		Trek siyahısı № Başlıq Müddət

Filmoqrafiya

1. Bakı oğrusu (film, 1997) — Anar

İstinadlar

1. . ucnoqta.az (Azerbaijani). 23 July 2018 tarixində orijinalından arxivləşdirilib. İstifadə tarixi: 26 June 2014.
2. "Умер первый рэпер Азербайджана". news.rambler.ru. news.rambler.ru. İstifadə tarixi: 3 fevral 2019.
3. "Kimdir Anar?". www.anl.az. www.anl.az. İstifadə tarixi: 3 fevral 2019.
4. . muztv.az. muztv.az. 2020-09-28 tarixində orijinalından arxivləşdirilib. İstifadə tarixi: 3 fevral 2019.
5. "Anar Nağılbaz kim idi? - VİDEO". www.interpress.az. www.interpress.az. İstifadə tarixi: 3 fevral 2019.
6. "Anar Nağılbaz iş axtaranda..." www.azadliq.org. www.azadliq.org. İstifadə tarixi: 3 fevral 2019.
7. "Anar Nağılbaz: "Mənə dedilər ki, Rəsulun üzünə durmasan..."". www.azadliq.org. www.azadliq.org. İstifadə tarixi: 3 fevral 2019.
8. "Anar Nağılbaz hansı xəstəliyə tutulub?". sonxeber.az. sonxeber.az. İstifadə tarixi: 3 fevral 2019.
9. "Скончался рэпер Анар Нагылбаз - ФОТО". www.1news.az. www.1news.az. İstifadə tarixi: 3 fevral 2019.
10. "Anar Nağılbaz dəfn olundu". news.milli.az. news.milli.az. İstifadə tarixi: 3 fevral 2019.
11. "İntim videosu yayılan Anar Nağılbaz ölümcül vəziyyətdə xəstəxanaya yerləşdirilib". sputnik.az. sputnik.az. İstifadə tarixi: 3 fevral 2019.
12. "Anar Nağılbaz ölümündən 24 saat öncə nələr yazıb? (Fotolar)". musavat.com. musavat.com. İstifadə tarixi: 3 fevral 2019.

Xarici keçidlər

• Özünə gizli toy eləyən, içkiyə qurşanıb ailəsini atan, yataqdan videosu yayılan reper