Rauf Mərdiyev
Rauf Mərdiyev (azərb. Rauf Ehtiram oğlu Mərdiyev; d.7 oktyabr, 1986, Bakı) — İrəli ictimai birliyinin sədri (2012-2014).
Rauf Mərdiyev | |
---|---|
Rauf Mərdiyev | |
Doğum tarixi | |
Doğum yeri | Bakı, Azərbaycan |
Fəaliyyəti | İrəli sədri |
Vikianbarda əlaqəli mediafayllar |
Həyatı
Rauf Mərdiyev 7 oktyabr 1986-cı ildə Bakı şəhərində anadan olub. 1993-2004-cü illərdə Bakı şəhəri, Yasamal rayonu 286 saylı məktəbdə orta təhsil alıb. 2004-cü ildə 641 ballıq göstərici ilə Azərbaycan Dövlət İqtisad Universitetinin Ümumi İqtisad fakültəsinə daxil olub və 2008-ci ildə ali təhsilin bakalavr pilləsini bitirib.
2004-cü ildən Azərbaycan Dövlət İqtisad Universiteti Maliyyə fakültəsi Tələbə Gənclər Təşkilatında ictimai fəaliyyətə başlayıb. 2006-cı ildə İrəli Ümumrespublika Gənclər Hərəkatına qoşularaq təşkilatın İnformasiya Texnologiyaları Departamentində fəaliyyətə başlayıb, 2007-2008-ci illərdə həmin bölmənin fəaliyyətinə rəhbərlik edib. 2008-2009-cu illərdə Azərbaycan Mülki Müdafiə Qoşunları tərkibində hərbi xidmətdə olub.
2009-2011-ci illərdə ali təhsilini davam etdirərək Azərbaycan Dövlət İqtisad Universitetinin Maliyyə fakültəsində magistr dərəcəsi əldə edib.
Fəaliyyəti
2009-cu ilin iyul ayından 2010-cu ilin mart ayına qədər İrəli İctimai Birliyinin İnformasiya Texnologiyaları Akademiyası layihəsinin rəhbəri olaraq fəliyyət göstərib. 2010-cu ilin mart ayında İrəli İcitmai Birliyinin baş katibi vəzifəsinə təyin olunub.
2010-cu ildən başlayaraq 20-yə yaxın xarici ölkədə keçirilən beynəlxalq tədbirlərdə, o cümlədən Avropa Parlamenti, Avropa Şurası və BMT-nin tədbirlərində Azərbaycan gəncliyini təmsil edib. 2011-ci ildə Azərbaycan Respublikası Gənclər və İdman Nazirliyinin qərarı ilə 2011-ci ilin ən fəal gənci adı ilə təltif edilib. 2011-2012-ci illərdə ABŞ-ın Vaşinqton Universiteti və Xəzər Universitetinin Layihələrin idarə edilməsi kursunu keçib.
2011-ci ildən dünyanın ən böyük ekoloji təşkilatlarından olan WWF-nin qlobal Earth Hour kampaniyasının Azərbaycan üzrə nümayəndəsidir. 2012-ci ildə ABŞ Dövlət Departamentinin xətti ilə Dünyanın Gənc Liderləri proqramı üzrə ABŞ-da 1 aylıq tədris kursu keçib.
2012-ci ilin may ayından İrəli İctimai Birliyinin sədri vəzifəsinə seçilib və 2014-cü ilə kimi bu vəzifəni tutub.
2017-ci ildən ABŞ-da Dallas Texas Universitetində MBA ixtisası üzrə təhsil alır.
Həmçinin bax
İstinadlar
- #Cemilhani - İqtidar və müxalifətin "vahid həştəqi", bbc.co.uk, 13 Sentyabr 2013, İstifadə: 31 mart 2015
- . 2014-04-07 tarixində orijinalından arxivləşdirilib. İstifadə tarixi: 2014-03-20.
- Qəbul kampaniyalarının nəticələrinə gorə ən qabaqcıl məzunlar, 2004 2016-03-05 at the Wayback Machine, mekteb.edu.az, İstifadə tarixi: 02 aprel 2015
- Рауф Мардиев: «Консервативный человек никогда не сможет добиться успеха в молодежной политике», 1news.az, 25.03.2012, İstifadə: 31 mart 2015
- Rauf Mərdiyev: “Nida” da digərləri kimi “İrəli” qarşısında yoxa çıxacaq”[ölü keçid], Səbinə Əvəzqızı, Əli Rais, hafta.az, 01.02.2014, İstifadə: 31 mart 2015
- Рауф Мардиев: «Мы всегда рады сотрудничать со всеми нашими гражданами, готовыми внести вклад в дело процветания Родины», 1news.az, 25.11.2011, İstifadə tarixi: 31 mart 2015
- “İrəli” İctimai Birliyinin sədri ABŞ-da səfərdədir[ölü keçid], gun.az, 02-July-2012, İstifadə: 1 aprel 2015
- Mirhəsən Seyidov “İrəli”yə sədr seçildi, publika.az, 27 İyun 2014, İstifadə: 31 mart 2015
- Uuniversity of Texas at Dallas BALC member list, utd.edu, 27 Dekabr 2018, İstifadə: 27 Dekabr 2018
Xarici keçidlər
Videolar
- Rauf Mərdiyev: Yurd TV-nin efirində
Müsahibələr
- Rauf Mərdiyev: Məqsədimiz yeni dövrün çağırışlarına cavab verəcək müasir gəncliyin formalaşmasıdır.
Sosial şəbəkələr
- Rauf Mərdiyev: Personal sayt 2014-04-09 at the Wayback Machine